ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢᠨ ᠤ ᠬᠡᠷᠡᠭᠰᠡᠯ( ᠠᠷᠪᠠ) ᠠᠷᠢᠬᠢᠨ ᠬᠤᠨᠳᠠᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/6
      ᠤᠷᠳᠤᠰ ᠮᠤᠩᠭᠤᠯᠴᠤᠳ ᠠᠷᠢᠬᠢ ᠤᠤᠭᠤᠬᠤ ᠳᠤ ᠪᠠᠨ ᠬᠠᠭᠤᠴᠢᠨ ᠮᠤᠩᠭᠤᠯ ᠤᠨ ᠵᠢᠷᠤᠮ ᠶᠣᠰᠣᠭᠠᠷ ᠤᠷᠢᠳ  ᠢᠶᠠᠷ ᠥᠪᠡᠷ ᠢᠶᠠᠨ ᠤᠤᠭᠤᠵᠤ᠂ ᠳᠠᠷᠠᠭ᠎ᠠ ᠎ ᠨᠢ ᠵᠣᠴᠢᠨ  ᠳᠤ ᠪᠠᠨ ᠪᠠᠷᠢᠳᠠᠭ ᠪᠥᠭᠡᠳ‌‍ᠦ ᠠᠷᠢᠬᠢᠨ ᠤ ᠬᠡᠷᠡᠭᠯᠡᠯ ᠬᠤᠨᠳᠠᠭ᠎ᠠ ᠨᠢ ᠲᠤᠩ ᠭᠤᠶᠤ ᠬᠢᠴᠡᠲᠠᠢ ᠪᠠᠶᠢᠳᠠᠭ᠃ ᠠᠷᠢᠬᠢᠨ ᠤ ᠬᠤᠨᠳᠠᠭ᠎ᠠ  ᠶᠢᠨ ᠵᠠᠷᠢᠮ ᠨᠢ ᠲᠤᠩ ᠪᠠᠭ᠎ᠠ ᠬᠡᠳᠦᠨ ᠴᠢᠨ  ᠤ ᠪᠠᠶᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠢᠶᠠᠨ ︽ᠬᠠᠮᠠᠷ ᠬᠤᠨᠳᠠᠭ᠎ᠠ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠬᠤᠨᠳᠠᠭ᠎ᠠ ᠳᠤ ᠮᠦᠩᠭᠦᠨ ᠬᠤᠨᠳᠠᠭ᠎ᠠ᠂ ᠮᠣᠳᠣᠨ ᠬᠤᠨᠳᠠᠭ᠎ᠠ᠂ ᠮᠦᠩᠬᠦ  ᠪᠠᠷ ᠪᠦᠷᠢᠭᠰᠡᠨ ᠬᠤᠨᠳᠠᠭ᠎ᠠ᠂ ᠱᠠᠭᠠᠵᠠᠩ ᠬᠤᠨᠳᠠᠭ᠎ᠠ᠂ ᠵᠢᠩ ᠲᠠᠢ ᠯᠠᠨ ᠬᠤᠨᠳᠠᠭ᠎ᠠ ᠁ ᠵᠡᠷᠭᠡ ᠠᠷᠪᠢᠨ ᠵᠦᠶᠢᠯ ᠪᠠᠶᠢᠳᠠᠭ᠃ ᠠᠷᠢᠬᠢ ᠵᠠᠰᠠᠬᠤ  ᠳᠤ ᠪᠠᠨ ᠠᠷᠢᠬᠢᠨ ᠳᠠᠪᠠᠭ ᠳᠡᠭᠡᠷ᠎ᠡ ᠪᠠᠨ ᠬᠤᠶᠠᠷ᠂ ᠭᠤᠷᠪᠠ᠂ ᠳᠥᠷᠪᠠ  ᠪᠠᠷ ᠵᠢᠭᠳᠡᠷᠡᠭᠦᠯᠵᠦ ᠠᠷᠢᠬᠢ ᠪᠠᠨ ᠪᠠᠷᠢᠳᠠᠭ᠃ ᠬᠤᠶᠠᠷ ᠪᠣᠯ ︽ᠬᠤᠣᠰ︾᠂ ︽ᠲᠡᠭᠦᠰ︾᠂ ︽  ᠵᠤᠶᠢᠷᠠᠢ︾᠎ ᠶᠢᠨ ᠪᠡᠯᠭᠡᠳᠡᠯ ᠮᠥᠨ᠃ ᠦᠣᠰᠢᠨ ᠮᠣᠩᠭᠤᠯᠴᠤᠳ ᠠᠷᠢᠬᠢ ᠪᠠᠷᠢᠬᠤ ᠳᠤ ᠪᠠᠨ ︽ᠨᠢᠭᠡ ᠮᠡᠭᠦᠰ᠂ ᠬᠤᠶᠠᠷ ᠲᠡᠭᠦᠰ︾ ᠭᠡᠵᠦ ᠬᠤᠣᠰ ᠬᠤᠨᠳᠠᠭ᠎ᠠ  ᠪᠠᠷ ᠪᠠᠷᠢᠳᠠᠭ᠃ ᠤᠷᠳᠦᠰᠴᠣᠳ ᠬᠤᠣᠰ ᠲᠤᠭ᠎ᠠ ᠶᠢ ᠬᠦᠨᠳᠤᠳᠭᠡᠵᠤ ᠪᠡᠯᠡᠭ ᠬᠦᠷᠭᠡᠬᠦ ᠳᠤ ᠪᠠᠨ ᠬᠤᠷᠠᠭ᠎ᠠ ᠲᠠᠢ ᠬᠤᠨᠢ᠂ ᠲᠣᠭᠤᠯ ᠲᠠᠢ ᠦᠨᠢᠶ᠎ᠡ᠂ ᠤᠨᠠᠭ᠎ᠠ ᠲᠠᠢ ᠭᠡᠭᠦᠦ ᠭᠡᠭᠦᠴᠢᠯᠡᠨ ᠬᠤᠣᠰ ᠲᠡᠭᠦᠰ ᠢ ᠡᠷᠬᠢᠮᠯᠡᠵᠦ᠂ ᠡᠶᠢᠮᠦ ᠲᠥᠭᠦᠮ ᠶᠣᠰᠣ ᠶᠢ ᠴᠦ ᠮᠡᠳᠡᠬᠦ ᠦᠭᠡᠢ ᠪᠣᠯ ᠦᠷ᠎ᠡ ᠬᠡᠤᠬᠡᠳ ᠢᠶᠠᠨ ︽ᠨᠢᠭᠡ ᠶᠢ ᠮᠡᠳᠡᠭᠡᠳ ᠬᠤᠶᠠᠷ ᠢ ᠮᠡᠳᠡᠬᠦ ᠦᠭᠡᠢ᠂ ᠨᠢᠮᠬᠡᠨ ᠢ ᠮᠡᠳᠡᠭᠡᠳ ᠵᠤᠵᠠᠭᠠᠨ ᠢ ᠮᠡᠳᠡᠬᠦ ᠦᠭᠡᠢ︾ ᠭᠡᠵᠤ ᠬᠦᠮᠵᠢᠭᠦᠯᠤᠨ ᠰᠤᠷᠭᠠᠳᠠᠭ᠃ ᠤᠳᠤᠭ᠂ ᠬᠠᠩᠬᠢᠨ ᠤ ᠮᠤᠩᠭᠤᠯᠴᠤᠳ ᠭᠤᠷᠪᠠᠨ ᠬᠤᠨᠳᠠᠭ᠎ᠠ ᠪᠤᠶᠤ ᠲᠦᠷᠪᠠᠨ ᠬᠤᠨᠳᠠᠭ᠎ᠠ ᠠᠷᠢᠬᠢ ᠪᠠᠷᠢᠳᠠᠭ᠃ ᠭᠤᠷᠪᠠ ᠪᠣᠯ ︽ᠭᠤᠯᠤᠮᠲᠠ︾᠂ ︽ᠭᠦᠢᠴᠠᠳ︾᠂ ︽ᠪᠦᠷᠢᠨ︾᠂ ︽ᠰᠢᠯᠢᠳᠡᠭ︾᠎ ᠤᠨ ᠪᠡᠯᠭᠡᠳᠡᠯ ᠪᠣᠯᠬᠤᠷ ᠮᠤᠩᠭᠤᠯᠴᠣᠳ ︽ᠲᠣᠯᠭ᠎ᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ︾᠂ ︽ᠡᠷ᠎ᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾᠁ ᠭᠡᠵᠦ ᠭᠤᠷᠪᠠ ᠶᠢ ᠡᠷᠬᠢᠮᠯᠡᠵᠤ᠂ ︽ᠮᠣᠷᠢᠨ ᠴᠢᠬᠢ ᠬᠤᠶᠠᠷ ᠰᠢᠤ᠂ ᠮᠣᠷᠳᠠᠬᠤ ᠶᠢᠨ ᠬᠤᠨᠳᠠᠭ᠎ᠠ ᠭᠤᠷᠪᠠ ᠰᠢᠤ᠂ ᠦᠨᠡᠭᠡᠨ ᠴᠢᠬᠢ ᠬᠤᠶᠠᠷ ᠰᠢᠤ᠂ ᠦᠳᠡᠯᠭᠡ ᠶᠢᠨ ᠬᠤᠨᠳᠠᠭ᠎ᠠ ᠭᠤᠷᠪᠠ ᠰᠢᠤ︾ ᠭᠡᠵᠦ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠭᠤᠷᠪᠠ ᠪᠠᠷ ᠪᠠᠷᠢᠳᠠᠭ᠃ ᠳᠥᠷᠪᠡ ᠪᠣᠯ ︽ᠬᠤᠶᠠᠷ ᠬᠤᠣᠰ︾᠎ ᠢᠶᠠᠷ ᠡᠷᠬᠢᠮᠯᠡᠭᠳᠡᠵᠦ ︽ᠪᠦᠬᠦᠯᠢ ᠪᠦᠳᠦᠨ︾᠂ ︽ᠤᠷᠲᠤ ᠤᠳᠠᠭᠠᠨ︾᠎ ᠢ ᠪᠡᠯᠭᠡᠳᠡᠳᠡᠭ ᠤᠴᠢᠷ ᠳᠥᠷᠪᠡᠨ ᠬᠤᠨᠳᠠᠭ᠎ᠠ ᠪᠠᠷ ᠠᠷᠢᠬᠢ ᠪᠠᠷᠢᠳᠠᠭ ᠶᠣᠰᠣ ᠪᠣᠢ᠃ ᠣᠳᠣ ᠴᠤ ᠤᠳᠤᠭ ᠬᠤᠰᠢᠭᠤᠨ ᠤ ᠠᠷᠪᠡᠰ ᠰᠤᠮᠤᠨ ᠤ ᠮᠠᠯᠴᠢᠳ ᠪᠦᠷ ᠳᠥᠷᠪᠡ ᠪᠠᠷ ᠪᠠᠷᠢᠳᠠᠭ᠃ ᠶᠡᠷᠤᠩᠬᠡᠶᠢᠯᠡᠵᠦ ᠬᠡᠯᠡᠪᠡᠯ ᠠᠷᠢᠬᠢᠨ  ᠤ ᠰᠣᠶᠣᠯ ᠪᠣᠯ ᠬᠦᠨᠳᠦᠳᠭᠡᠯ ᠰᠣᠶᠣᠯ ᠮᠥᠨ᠂ ᠪᠡᠯᠭᠡᠳᠡᠯ ᠰᠣᠶᠣᠯ ᠮᠥᠨ᠂ ᠨᠠᠶᠢᠷ ‍ᠦᠨ‌‍ᠰᠣᠶᠣᠯ ᠮᠥᠨ᠂ ᠪᠡᠶᠡᠰᠤᠯ ᠤᠨ ᠰᠣᠶᠣᠯ ᠮᠥᠨ᠃ ᠭᠡᠵᠢᠶᠡᠳᠡ ᠬᠡᠮᠵᠢᠶ᠎ᠡ ᠲᠠᠢ ᠵᠤᠭᠤᠭᠯᠠᠬᠤ  ᠶᠢ ᠡᠷᠬᠢᠮᠯᠡᠳᠡᠭ ᠪᠣᠯᠬᠤᠷ ᠶᠡᠭᠡᠴᠤᠣᠯ ︽ᠰᠠᠬᠠᠯ ᠶᠡᠬᠡᠳᠡᠪᠡᠯ ᠵᠢᠰᠤ ᠶᠢ ᠡᠪᠳᠡᠯᠡᠵᠦ᠂ ᠰᠠᠷᠬᠤᠳ ᠶᠡᠬᠡᠳᠦᠪᠡᠯ ᠵᠠᠩ ᠡᠪᠳᠡᠯᠡᠨ᠎ᠡ︾ ᠭᠡᠵᠦ ᠵᠠᠯᠠᠭᠤ ᠪᠠᠭᠠᠴᠤᠳ ᠢᠶᠠᠨ ᠭᠡᠵᠢᠶᠠᠳᠡ ᠰᠡᠷᠡᠮᠵᠢᠯᠡᠭᠦᠯᠵᠦ ᠪᠠᠶᠢᠳᠠᠭ᠃             ︽ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ  ᠡᠳ᠋ᠯᠡᠯ  ᠬᠡᠷᠡᠭᠰᠡᠯ ᠤᠨ ᠰᠤᠶᠤᠯ︾ ᠭᠡᠭᠦ  ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ  
ᠢᠷᠡᠯᠲᠡ᠄ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ