ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢᠨ ᠤ ᠬᠡᠷᠡᠭᠰᠡᠯ(ᠨᠠᠢᠮᠠ)  ᠰᠢᠮᠡᠭᠦᠷ ᠬᠤᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/6
      ᠰᠢᠮᠡᠭᠦᠷ ᠬᠤᠤ ᠪᠣᠯ ᠮᠤᠩᠭᠤᠯᠴᠤᠳ ᠤᠨ ᠠᠷᠢᠬᠢᠨ ᠤ ᠰᠣᠶᠣᠯ ᠤᠨ ᠪᠠᠰᠠ ᠨᠢᠭᠡ ᠣᠭᠢ ᠪᠦᠲᠦᠭᠡᠯ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨ᠎ᠠ᠃ ᠲᠡᠭᠦᠨ ᠤ ᠬᠢᠴᠡ ᠨᠢ ᠭᠤᠶᠣ ᠰᠠᠶᠢᠬᠠᠨ᠂ ᠪᠦᠲᠦᠴᠡ ᠨᠢ ᠲᠦᠭᠦᠮ᠂ ᠮᠤᠰᠬᠢᠭᠤᠷ ᠪᠥᠭᠯᠡᠭᠡ ᠲᠠᠢ᠂ ᠲᠡᠭᠡᠷ᠎ᠡ ᠪᠠᠨ ᠰᠢᠮᠡᠬᠦ ᠴᠣᠷᠭᠤ ᠲᠠᠢ᠂ ᠪᠥᠭᠡᠷᠡᠩᠬᠡᠢ᠂ ᠤᠷᠲᠤ ᠳᠥᠷᠪᠡᠯᠵᠢᠨ᠂ ᠲᠤᠭᠤᠢ ᠤᠯᠠᠨ ᠶᠠᠩᠵᠤ ᠶᠢᠨ ᠬᠡᠯᠪᠡᠷᠢᠲᠡᠢ᠂ ᠭᠤᠣᠯ ᠪᠡᠶ᠎ᠡ ᠶᠢᠨ ᠬᠡᠰᠡᠭ ᠤᠨ ᠬᠤᠶᠠᠷ ᠲᠠᠯ᠎ᠠ ᠳᠤ ᠨᠢ ᠶᠠᠩᠵᠤ ᠶᠢᠨ ᠰᠠᠶᠢᠬᠠᠨ ᠮᠤᠩᠭᠤᠯ  ᠤᠭᠠᠯᠵᠠ᠂ ᠬᠤᠸᠠᠷ ᠰᠠᠶᠢᠯᠤᠮᠠᠯ ᠲᠠᠢ᠂ ᠮᠦᠩᠬᠦ᠂ ᠵᠠᠰ᠂ ᠭᠠᠤᠯᠢ᠂ ᠵᠢᠩ ᠲᠠᠢ ᠯᠠᠨ ᠪᠤᠶᠤ ᠲᠤᠭᠤᠯᠭ᠎ᠠ  ᠪᠠᠷ ᠬᠢᠭᠰᠡᠨ ᠬᠠᠮᠤᠭ ᠤᠨ ᠭᠤᠶᠤ ᠰᠠᠶᠢᠬᠠᠨ ᠠᠷᠢᠬᠢᠨ ᠤ ᠬᠡᠷᠡᠭᠰᠡᠯ ᠪᠣᠯᠣᠨ᠎ᠠ᠃ ᠰᠢᠮᠡᠭᠦᠷ ᠬᠤᠤ ᠪᠣᠯ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠣᠲᠡᠨ ᠤ ᠣᠨᠴᠡᠯᠢᠭ᠋ ᠲᠤ ᠲᠣᠬᠢᠷᠠᠭᠤᠯᠵᠤ ᠦᠢᠯᠡᠳᠦᠭᠰᠡᠨ ᠡᠵᠡᠯᠡᠭᠦᠨ ᠢᠶᠠᠷ ᠪᠠᠭ᠎ᠠ᠂ ᠬᠦᠩᠭᠡᠨ᠂ ᠵᠣᠬᠢᠬᠤ ᠪᠠᠭᠲᠠᠭᠠᠮᠵᠢᠲᠠᠢ᠂ ᠰᠢᠮᠡᠬᠦ ᠳᠤ ᠡᠪᠲᠠᠢ᠂ ᠡᠪᠦᠷᠳᠤᠯᠡᠭᠡᠳ ᠠᠪᠴᠤ ᠶᠠᠪᠤᠬᠤ ᠳᠤ ᠲᠥᠭᠦᠮ᠂ ᠠᠷᠢᠬᠢᠨ ᠤ ᠰᠢᠨ᠎ᠡ ᠰᠤᠷᠭᠤᠭ ᠦᠨᠣᠷ ᠠᠮᠲᠠ ᠶᠢ ᠪᠠᠲᠤᠯᠠᠵᠤ ᠴᠢᠳᠠᠳᠠᠭ ᠴᠡᠪᠡᠷ ᠠᠷᠢᠭᠤᠨ ᠠᠷᠢᠬᠢᠨ ᠡᠳ᠋ᠯᠡᠯ ᠪᠣᠯᠣᠨ᠎ᠠ᠃ ︽ᠰᠢᠮᠡᠵᠦ ᠤᠤᠭᠤᠬᠤᠢ ᠳᠤᠷ ᠠᠷᠢᠬᠢ ᠰᠠᠶᠢᠬᠠᠨ᠂ ᠰᠢᠨᠵᠢᠵᠤ ᠰᠠᠭᠤᠬᠤᠢ ᠳᠤᠷ ᠨᠥᠬᠦᠷ ᠰᠠᠶᠢᠬᠠᠨ︾ ᠭᠡᠳᠡᠭ ᠢᠶᠠᠷ ᠨᠠᠰᠤᠳᠠᠶᠢᠴᠤᠳ ᠭᠦᠢᠲᠡᠨ ᠴᠠᠭ ᠲᠤ ᠰᠢᠮᠡᠭᠦᠷ ᠬᠤᠤ ᠶᠢ ᠬᠡᠵᠢᠶᠡᠠᠳᠡ ᠪᠡᠶ᠎ᠡ ᠠᠴᠠ ᠪᠠᠨ ᠰᠠᠯᠭᠠᠯ ᠦᠭᠡᠢ ᠠᠪᠴᠦ ᠳᠠᠭᠠᠷᠠᠪᠡᠯ ᠠᠷᠢᠬᠢ ᠪᠠᠨ ᠰᠢᠮᠡᠭᠡᠳ ᠠᠶᠠᠯᠠᠳᠠᠭ᠃ ᠭᠡᠷ ᠲᠤ ᠪᠠᠨ ᠪᠣᠯ ᠡᠷᠬᠢᠨᠡᠭ ᠲᠡᠭᠡᠷ᠎ᠡ ᠪᠠᠨ ᠳᠠᠯᠪᠢᠵᠦ ᠥᠪᠡᠷᠲᠡᠭᠡᠨ ᠬᠡᠷᠡᠭᠯᠡᠬᠦ ᠪᠥᠭᠡᠳ ᠵᠣᠴᠢᠳ ᠢᠷᠡᠪᠡᠯ ᠠᠷᠢᠬᠢ ᠪᠠᠨ ᠲᠦᠭᠦᠷᠭᠡᠵᠦ ᠡᠮᠤᠨ᠎ᠠ ᠨᠢ ᠲᠠᠯᠪᠢᠭᠠᠳ ᠬᠦᠨᠳᠤᠯᠠᠨ ᠵᠣᠴᠢᠯᠠᠬᠤ ᠴᠤ ᠪᠣᠢ᠃ ᠰᠢᠮᠡᠭᠦᠷ ᠬᠤᠤ ᠪᠣᠯ ᠭᠠᠳᠠᠭᠰᠢ ᠭᠠᠷᠬᠤ ᠳᠤ ᠪᠡᠶ᠎ᠡ ᠳᠤ ᠪᠠᠨ ᠠᠪᠴᠤ ᠬᠡᠷᠡᠭᠯᠡᠳᠡᠭ ᠠᠷᠢᠬᠢᠨ ᠤ ᠬᠡᠷᠡᠭᠯᠡᠯ ᠪᠣᠯᠣᠨ᠎ᠠ᠃                                   ︽ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ  ᠡᠳ᠋ᠯᠡᠯ  ᠬᠡᠷᠡᠭᠰᠡᠯ ᠤᠨ ᠰᠤᠶᠤᠯ︾ ᠭᠡᠭᠦ  ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ  
ᠢᠷᠡᠯᠲᠡ᠄ ᠡᠵᠡᠨ ᠬᠤᠷᠤᠭ᠎ᠠ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ