| ᠮᠤᠩᠭᠤᠯᠴᠤᠳ ᠭᠠᠤᠯᠢᠨ ᠲᠣᠭᠤᠭᠠ ᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠢᠷᠠᠮᠤ ᠪᠠᠷ ᠴᠢᠳᠬᠤᠭᠰᠠᠨ ᠳᠤᠮᠳᠠ ᠪᠠᠨ ᠪᠦᠰᠡᠯᠡᠭᠦᠷ ᠲᠠᠢ ᠲᠣᠮᠣ ᠰᠤ᠋ ᠲᠣᠭᠤᠭᠠ ᠪᠣᠯᠣᠨ | ᠠᠮᠤᠨ ᠲᠣᠭᠤᠭᠠ᠂ ᠪᠠᠭᠠ ᠰᠢᠷᠡᠮᠤᠨ ᠲᠣᠭᠤᠭᠠ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠬᠦ ᠪᠣᠯᠪᠠ᠃ ᠰᠤ᠋ ᠲᠣᠭᠤᠭᠠ ᠨᠢ ᠲᠣᠮᠣ ᠭᠠᠤᠯᠢᠨ ᠲᠣᠭᠤᠭᠠ ᠲᠠᠢ ᠦᠨᠳᠦᠰᠤᠨ ᠳᠤ ᠪᠠᠨ ᠠᠳᠠᠯᠢ | ᠪᠠᠶᠢᠵᠤ ᠢᠯᠭᠠᠭᠠ ᠨᠢ ᠰᠠᠨᠵᠢ ︵ᠪᠠᠷᠢᠭᠤᠯ︶ ᠦᠭᠡᠢ᠃ ᠰᠤ᠋ ᠲᠣᠭᠤᠭᠠᠨ ᠳᠤ ᠲᠡᠭ ᠳᠤᠮᠳᠠᠭᠤᠷ ᠢᠶᠠᠨ ᠰᠠᠯᠳᠠᠭ ᠬᠤᠶᠠᠷ ᠬᠤᠷᠤᠭᠤ ᠵᠤᠵᠠᠭᠠᠨ ᠮᠣᠳᠣᠨ ᠬᠠᠪᠲᠠᠰᠤᠨ | ᠬᠠᠪᠬᠠᠭ ᠤ ᠪᠤᠶᠤ ᠪᠦᠬᠦᠯᠢ ᠨᠢᠭᠡ ᠬᠡᠰᠡᠭ ᠢᠶᠠᠷ ᠬᠢᠭᠰᠡᠨ ᠬᠤᠯᠤᠰᠤᠨ ᠬᠠᠪᠬᠠᠭ ᠳᠠᠭᠠᠷᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠰᠤ᠋ ᠲᠣᠭᠤᠭᠠ ᠪᠠᠨ ᠪᠠᠰᠠ ︽ᠬᠠᠶᠢᠪᠢ | ᠲᠣᠭᠤᠭᠠ︾᠂ ︽ᠬᠠᠶᠢᠰᠤ ᠲᠣᠭᠤᠭᠠ︾ ᠭᠡᠵᠦ ᠨᠡᠷᠡᠯᠡᠬᠦ ᠪᠥᠭᠡᠳ ︽ᠪᠦᠳᠦᠭᠦᠨ ᠮᠠᠩᠭᠤᠰ᠂ ᠪᠥᠭᠰᠡ ᠪᠠᠨ ᠰᠢᠷᠠᠨᠠ︾ ᠭᠡᠵᠦ ᠬᠠᠴᠢᠷᠬᠠᠭᠳᠠᠭ᠃ ᠰᠢᠷᠠᠮᠤᠨ | ᠲᠣᠭᠤᠭᠠ ᠵᠢᠪᠡᠷᠡᠳᠡᠭ ᠪᠣᠯᠬᠤᠷ ᠮᠤᠩᠭᠤᠯᠴᠤᠳ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠵᠢᠪᠡ ᠶᠢ ᠨᠢ ᠠᠷᠢᠯᠭᠠᠬᠤ ᠤᠭᠢ ᠰᠠᠶᠢᠨ ᠲᠦᠭᠦᠮᠭᠡᠨ ᠠᠷᠭᠠ ᠮᠡᠷᠭᠡᠰᠢᠯ ᠢ ᠡᠭᠦᠳᠦᠭᠰᠡᠨ | ᠪᠠᠶᠢᠨᠠ᠃ ᠲᠤᠬᠠᠶᠢᠯᠠᠪᠡᠯ ᠵᠢᠪᠡ ᠲᠠᠢ ᠰᠢᠷᠡᠮᠤᠨ ᠲᠣᠭᠤᠭᠠᠨ ᠳᠤ ᠪᠠᠨ ᠦᠬᠡᠷ ᠤᠨ ᠠᠷᠭᠠᠯ ᠢ ᠳᠦᠭᠦᠷᠳᠡᠯᠠ ᠬᠢᠭᠡᠳ ᠤᠯᠠᠶᠢᠯᠭᠠᠵᠤ ᠦᠨᠡᠰᠤ ᠪᠣᠯᠭᠠᠭᠠᠳ | ᠠᠰᠬᠠᠭᠰᠠᠨ ᠤ ᠲᠠᠷᠠᠭᠠ ᠰᠢᠷᠦᠭᠦᠨ ᠬᠠᠳᠠ ︵ᠰᠢᠷᠣᠢ ᠶᠢᠨ ᠬᠠᠳᠠ ᠶᠢ ᠬᠡᠯᠡᠵᠦ ᠪᠣᠢ︶ ᠪᠠᠷ ᠱᠦᠷᠭᠦᠭᠡᠵᠦ ᠵᠢᠪᠡ ᠶᠢ ᠨᠢ ᠭᠠᠷᠭᠠᠨ ᠳᠡᠭᠡᠷᠡ ᠨᠢ ᠤᠰᠤ ᠬᠢᠵᠦ | ᠵᠣᠬᠢᠬᠤ ᠬᠤᠭᠤᠴᠠᠭᠠ ᠪᠤᠴᠠᠯᠭᠠᠭᠠᠳ ᠤᠰᠤ ᠶᠢ ᠨᠢ ᠠᠰᠬᠠᠵᠤ ᠮᠠᠭᠠᠵᠢᠨ ᠲᠤᠰᠤ ᠪᠠᠷ ᠲᠤᠰᠣᠯᠠᠨᠠ᠃ ᠡᠨᠡ ᠮᠡᠳᠣ ᠪᠠᠷ ᠤᠯᠠᠨᠳᠠ ᠲᠠᠬᠢᠨ ᠳᠠᠪᠳᠠᠭᠠᠳ ᠤᠰᠤ ᠨᠢ | ᠴᠡᠪᠡᠷ ᠲᠤᠩᠭᠠᠯᠠᠭ ᠪᠣᠯᠪᠠᠯ ᠲᠣᠭᠤᠭᠠᠨ ᠤ ᠵᠢᠪᠡ ᠨᠢ ᠠᠷᠢᠯᠳᠠᠭ ᠪᠠᠶᠢᠨᠠ᠃ ᠡᠭᠦᠨ ᠢ ᠲᠣᠭᠤᠭᠠ ᠪᠣᠯᠭᠤᠬᠤ ᠭᠡᠨᠡ᠃ ᠪᠣᠯᠭᠤᠭᠰᠠᠨ ᠲᠣᠭᠤᠭᠠ ᠪᠠᠨ ᠳᠣᠲᠣᠷᠠ ᠨᠢ | ᠤᠰᠤ ᠲᠠᠢ ᠬᠠᠶᠠᠬᠤ ᠪᠤᠶᠤ ᠪᠣᠷᠣᠭᠠᠨ ᠤᠰᠤᠨ ᠳᠤ ᠨᠤᠷᠭᠠᠵᠤ ᠬᠠᠶᠠᠬᠤ᠂ ᠤᠷᠲᠤ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠴᠢᠬᠢᠭᠲᠡᠢ ᠭᠠᠵᠠᠷ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠂ | ᠡᠰᠡᠪᠡᠯ ᠲᠠᠬᠢᠨ ᠵᠢᠪᠡᠷᠡᠳᠡᠭ᠃ | | ︽ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠰᠤᠶᠤᠯ︾ ᠭᠡᠭᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ | |