| ᠤᠤᠵᠢ ᠪᠣᠯ ᠤᠷᠳᠤᠰ ᠡᠮᠡᠭᠳᠡᠶᠢᠴᠤᠳ ᠤᠨ ᠲᠡᠷᠯᠢᠭ ᠤᠨ ᠭᠠᠲᠠᠭᠤᠷ ᠳᠠᠪᠬᠤᠷᠯᠠᠨ ᠡᠮᠦᠰᠬᠦ ᠬᠠᠨᠴᠤᠢ ᠦᠭᠡᠢ᠂ ᠰᠢᠯᠤᠭᠤᠨ ᠡᠩᠬᠡᠷ ᠲᠠᠢ᠂ ᠲᠠᠪᠤᠨ ᠲᠣᠪᠴᠢ | ᠲᠠᠢ᠂ ᠬᠤᠶᠠᠷ ᠲᠠᠰᠢᠶᠠᠨ ᠳᠤ ᠨᠢ ᠵᠠᠶᠢᠴᠠ ᠲᠠᠢ᠂ ᠠᠷᠤ ᠳᠤ ᠨᠢ ᠤᠨᠣᠭᠤ ᠲᠠᠢ᠂ ᠴᠡᠭᠡᠵᠢ ᠪᠦᠰᠡᠯᠡᠭᠦᠷ ᠨᠢ ᠢᠪᠴᠤᠤ᠂ ᠬᠤᠷᠮᠣᠢ ᠨᠢ ᠲᠡᠷᠪᠡᠭᠡᠷ ᠰᠢᠭ᠂ ᠬᠥᠪᠡᠭᠡ ᠪᠠᠷ | ᠢᠶᠠᠨ 3 — 4 ᠬᠤᠷᠣᠭᠤ ᠭᠤᠶᠤ ᠰᠠᠶᠢᠬᠠᠨ ᠡᠮᠵᠢᠶᠠᠷᠢ ᠳᠠᠷᠤᠭᠤᠯᠤᠭᠰᠠᠨ ᠭᠠᠳᠠᠷ ᠲᠦᠷᠬᠦ ᠳᠡᠭᠡᠷᠡ ᠪᠠᠨ ᠡᠮᠡᠭᠲᠡᠢ ᠬᠥᠮᠤᠨ ᠤ ᠪᠡᠶᠡ ᠪᠠᠶᠢᠳᠠᠯ ᠤᠨ ᠮᠣᠷᠣᠢ | ᠱᠣᠭᠤᠮ ᠤᠨ ᠭᠤᠸᠠᠯᠢᠭ ᠰᠠᠶᠢᠬᠠᠨ ᠢ ᠢᠯᠡᠷᠡᠭᠦᠯᠵᠦ ᠴᠢᠳᠡᠬᠤ ᠬᠢᠴᠡ ᠪᠠᠷ ᠨᠠᠷᠢᠯᠢᠭ᠂ ᠨᠡ ᠦᠷᠳᠡᠭ ᠢᠶᠠᠷ ᠦᠨᠳᠤᠷ᠂ ᠦᠵᠡᠬᠦ ᠳᠤ ᠰᠠᠶᠢᠬᠠᠨ᠂ ᠶᠣᠰᠣᠯᠠᠯ ᠤᠨ | ᠬᠤᠪᠴᠠᠰᠤ ᠪᠣᠯᠬᠤ ᠶᠤᠮ᠃ ᠶᠣᠰᠣᠲᠠᠢ ︽ᠪᠠᠷᠴᠢᠬᠢᠷ ᠤᠨ ᠰᠠᠶᠢᠬᠠᠨ ᠨᠢ ᠦᠷᠥᠮᠡ᠂ ᠪᠠᠭ᠋ᠠᠷᠬᠠᠭᠳᠠᠭ ᠤᠨ ᠰᠠᠶᠢᠬᠠᠨ ᠨᠢ ᠬᠤᠪᠴᠠᠰᠤ︾ ᠭᠡᠭᠴᠢ ᠤᠤᠵᠢ ᠶᠢ ᠬᠡᠯᠡᠵᠤ | ᠪᠠᠶᠢᠭᠠ ᠠᠵᠢ᠃ ᠤᠤᠵᠢ ᠶᠢ ᠡᠰᠭᠡᠵᠦ ᠤᠶᠣᠬᠤ ᠳᠤ ᠪᠠᠨ ᠡᠮᠤᠰᠬᠦ ᠬᠥᠮᠤᠨ ᠤ ᠪᠡᠶᠡ ᠪᠠᠶᠢᠳᠠᠯ᠂ ᠵᠢᠰᠤ ᠴᠢᠷᠠᠢ᠂ ᠬᠤᠪᠴᠡᠰᠤᠨ ᠦᠩᠭᠡ ᠵᠡᠷᠭᠡ ᠲᠠᠢ ᠶᠠᠪ ᠴᠡᠪ | ᠳᠠᠭᠠᠷᠠᠭᠤᠯᠵᠤ ᠳᠣᠲᠣᠷᠠ ᠡᠮᠦᠰᠬᠦ ᠲᠡᠷᠯᠢᠭ ᠠᠴᠠ ᠪᠠᠨ ᠬᠡᠳᠤᠨ ᠬᠤᠷᠣᠭᠤ ᠣᠬᠤᠷ ᠥᠪᠡᠷ ᠤᠨ ᠠᠯᠢ ᠳᠠᠭᠠᠰᠢᠶᠠᠭᠳᠠᠭᠰᠠᠨ ᠦᠩᠭᠡ ᠶᠢ ᠰᠤᠩᠭᠤᠨ ᠡᠰᠭᠡᠵᠦ | ᠣᠶᠣᠬᠤ ᠭᠠᠵᠠᠷ ᠢᠶᠠᠷ ᠨᠢ ᠨᠠᠭᠠᠯᠲᠠ ᠲᠦᠷᠬᠢᠵᠦ ᠳᠣᠳᠣᠷ ᠭᠠᠲᠠᠷ ᠢ ᠨᠢ ᠨᠡᠶᠢᠯᠡᠭᠦᠯᠦᠨ ᠦᠩᠭᠡ ᠶᠢᠨ ᠰᠠᠶᠢᠬᠠᠨ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠤᠷᠠᠯᠠᠵᠤ ᠬᠤᠶᠠᠷ | ᠲᠠᠯᠠ ᠶᠢᠨ ᠵᠠᠶᠢᠴᠠ᠂ ᠤᠨᠤᠭᠤ ᠶᠢᠨ ᠰᠠᠯᠪᠤᠷᠢ ᠳᠡᠭᠡᠷᠡ ᠨᠢ ᠲᠤᠭᠤᠷ ᠤᠨ ᠤᠭᠠᠯᠵᠠ ᠣᠶᠣᠵᠤ ᠪᠠᠬᠢᠯᠡᠬᠦ ᠪᠥᠭᠡᠳ ᠲᠠᠯᠤ ᠮᠥᠷ᠊ ᠶᠢᠨ ᠥᠷᠭᠡᠨ ᠬᠥᠪᠡᠭᠡ ᠳᠡᠭᠡᠷᠡ ᠨᠢ | ᠶᠠᠩᠵᠤ ᠶᠢᠨ ᠮᠤᠩᠭᠤᠯ ᠬᠡ ᠤᠭᠠᠯᠵᠠ ᠳᠠᠭᠠᠷᠠᠭᠤᠯᠵᠤ ᠶᠡᠭᠡ ᠡᠩᠬᠡᠷ ᠲᠲ᠋ᠡᠭᠡᠷᠡ ᠨᠢ ᠪᠠᠪᠠᠭᠠᠢ᠂ ᠡᠷᠪᠡᠭᠡᠢ ᠬᠡᠯᠪᠡᠷᠢᠲᠠᠢ ᠬᠠᠪᠳᠠᠭᠠᠢ ᠪᠤᠶᠤ ᠪᠦᠮᠪᠣᠭᠡᠯᠢᠭ ᠮᠦᠩᠭᠦᠨ | ᠲᠣᠪᠴᠢ ᠡᠰᠡᠭᠦᠯᠡ ᠬᠤᠷᠭᠤᠢ ᠪᠠᠷ ᠵᠠᠩᠬᠢᠲᠤᠭᠰᠠᠨ ᠵᠠᠩᠬᠢᠲᠤᠮᠠᠯ ᠲᠣᠪᠴᠢ ᠶᠢ ᠬᠠᠲᠠᠵᠤ ᠨᠡᠩ ᠭᠤᠶᠤ ᠰᠠᠶᠢᠬᠠᠨ ᠪᠣᠯᠭᠠᠳᠠᠭ᠃ ᠤᠤᠵᠢ ᠶᠢ ᠣᠯᠠᠩᠬᠢ ᠳᠤ ᠪᠠᠨ | ᠪᠠᠶᠠᠳ ᠨᠣᠶᠠᠳ ᠤᠨ ᠬᠠᠲᠤᠭᠲᠠᠢ ᠨᠠᠷ ᠠᠷᠪᠢᠨ ᠡᠮᠦᠰᠬᠦ ᠪᠥᠭᠡᠳ ᠲᠡᠷᠢᠭᠦᠨ ᠳᠤ ᠪᠠᠨ ᠯᠤᠤ ᠶᠢᠨ ᠬᠤᠸᠠᠷᠲᠠᠢ ᠮᠠᠯᠠᠭᠠᠢ ᠪᠤᠶᠤ ᠳᠠᠷᠤᠭᠤᠯᠭᠠ ᠰᠢᠪᠡᠭ ᠵᠡᠭᠦᠵᠦ ᠮᠠᠬᠠᠢ | ᠲᠠᠢ ᠵᠣᠬᠢᠷᠠᠭᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ ︽᠁ ᠤᠤᠵᠢ ᠡᠮᠦᠰᠪᠡᠯ ᠴᠢᠮᠡᠭ ᠵᠡᠭᠦᠵᠦ᠂ ᠤᠭᠤᠴᠠ ᠢᠳᠡᠪᠡᠯ ᠬᠢᠲᠤᠭᠠ ᠪᠠᠷᠢᠳᠠᠭ︾ ᠭᠡᠳᠡᠭ ᠢᠶᠠᠷ | ᠤᠤᠵᠢ ᠡᠮᠦᠰᠬᠦ ᠳᠤ ᠴᠢᠮᠡᠭ ᠵᠡᠭᠦᠬᠦ ᠶᠢ ᠴᠢᠬᠤᠯᠠᠴᠢᠯᠠᠨ ᠬᠤᠶᠠᠷ ᠲᠠᠯᠠ ᠶᠢᠨ ᠵᠠᠶᠢᠴᠠ ᠶᠢ ᠳᠠᠭᠠᠭᠤᠯᠤᠨ ᠲᠣᠷᠣᠭᠰᠢ ᠲᠠᠪᠤᠨ ᠦᠩᠭᠡ ᠶᠢᠨ ᠭᠬᠢᠪ ᠳᠤᠷᠳᠤᠩ | ᠤᠨᠵᠢᠶᠢᠯᠭᠠᠨ ᠵᠡᠭᠦᠭᠰᠡᠨ ᠱᠢᠷᠤᠨ ᠰᠢᠬᠢᠳᠭᠡ ᠲᠠᠢ ᠮᠦᠩᠭᠦᠨ ᠪᠠᠯ ᠪᠤᠶᠤ ᠲᠤᠭᠤᠢ ᠮᠣᠳᠣᠨ ᠬᠠᠪᠳᠡᠰᠤ ᠶᠢ ᠲᠤᠷᠭᠠ ᠪᠠᠷ ᠭᠠᠲᠠᠷᠯᠠᠵᠤ ᠨᠠᠭᠠᠭᠠᠳ ᠬᠤᠸᠠᠷ | ᠬᠠᠳᠬᠬᠤᠭᠰᠠᠨ ᠪᠦᠰ ᠪᠡᠯ ᠢ ᠵᠡᠭᠦᠭᠰᠡᠨ ᠪᠠᠶᠢᠬᠤ ᠶᠣᠰᠣᠲᠠᠢ ᠪᠠᠶᠢᠳᠠᠭ᠃ ᠤᠷᠳᠤᠰ ᠮᠤᠩᠭᠤᠯᠴᠤᠳ ︽ᠤᠤᠵᠢ ᠴᠢᠨᠢ ᠤᠷᠲᠤ ᠪᠣᠢ ／ᠬᠢᠰᠬᠢᠭᠳᠡᠬᠦ ᠠᠴᠠ | ᠬᠢᠴᠢᠶᠠ ᠳ᠋ᠤᠤ ᠤᠯᠠᠩᠬᠢ ᠶᠢᠨ ᠦᠭᠡ ᠬᠤᠷᠴᠠ ᠪᠣᠢ／ ᠬᠡᠯᠡᠭᠳᠡᠬᠦ ᠠᠴᠠ ᠬᠢᠴᠢᠶᠡ ᠳ᠋ᠣᠣ᠃／︾ ᠭᠡᠵᠦ ᠳᠠᠭᠤᠯᠠᠳᠠᠭ᠃ | | | ︽ᠤᠷᠳᠤᠰ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠰᠤᠶᠤᠯ︾ ᠭᠡᠭᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ | | | |