| ᠪᠣᠣᠰᠤᠸᠠᠷ ︵ᠡᠷᠳᠡᠨᠢᠣᠨᠢᠰᠤ︶ | | ᠭᠠᠭᠴᠠᠭᠠᠷᠳᠠᠯ ᠪᠤᠶᠤ ᠤᠶᠢᠳᠬᠠᠷ ᠠᠯᠢᠨ ᠪᠤᠯᠬᠤ ᠶᠢ ᠢᠯᠭᠠᠵᠤ ᠴᠢᠳᠠᠯ ᠦᠭᠡᠢ ᠪᠤᠳᠣᠯ ᠳᠤ ᠪᠠᠨ ᠬᠦᠳᠦᠯᠦᠭᠳᠡᠨ ᠦᠨᠦ ᠰᠦᠨᠢ ᠪᠢ ᠵᠠᠩᠭᠤᠳᠣ ᠶᠢᠨ | ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠳᠠᠬᠢᠨ ᠢᠷᠡᠯᠡ᠃ ᠰᠡᠳᠬᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠦᠵᠡᠮᠵᠢ ᠤᠷᠤ ᠮᠦᠷ ᠦᠭᠡᠢ᠃ ᠪᠤᠳᠣᠯ ᠤᠨ ᠬᠤᠭᠤᠰᠣᠳᠣᠯ ᠢ ᠵᠦᠪᠬᠡᠨ ᠡᠨᠡ | ᠦᠳᠡᠰᠢ ᠶᠢᠨ ᠠᠭᠠᠷ ᠠᠷᠭᠠᠳᠠᠵᠣ ᠰᠡᠳᠬᠢᠯ ᠤᠨ ᠬᠦᠨ ᠳᠠᠬᠢ ᠬᠡᠶᠦᠷᠡᠯ ᠤᠨ ᠬᠦᠩᠬᠡᠨ ᠮᠠᠨᠠᠨ ᠢ ᠢᠪ ᠢᠷᠡᠨᠡ᠃ ᠬᠤᠷᠢᠨ ᠵᠢᠯ ᠤᠨ ᠡᠮᠦᠨᠡ ᠡᠨᠡ ᠭᠤᠤᠯ ᠤᠰᠤ | ᠲᠠᠢ ᠪᠠᠶᠢᠭᠰᠠᠨ᠂ ᠬᠤᠷᠢᠨ ᠵᠢᠯ ᠤᠨ ᠡᠮᠦᠨᠡ ᠡᠨᠡ ᠭᠤᠤᠯ ᠤᠨ ᠬᠦᠪᠡᠭᠡᠨ ᠠᠴᠠ ᠤᠯᠬᠤ ᠶᠣᠰᠣᠳᠠᠢ ᠪᠠᠨ ᠤᠯᠵᠤ᠂ ᠦᠵᠡᠬᠦ ᠶᠤᠰᠣᠳᠠᠢ ᠪᠠᠨ ᠦᠵᠡᠵᠦ᠂ ᠠᠮᠰᠠᠬᠤ | ᠶᠤᠰᠣᠳᠠᠢ ᠪᠠᠨ ᠠᠮᠰᠠᠵᠤ ᠬᠦᠩᠬᠡᠨ ᠬᠦᠪᠰᠦᠭᠡᠷ ᠮᠦᠷᠲᠡᠯᠡ ᠪᠠᠨ ᠡᠬᠦᠷᠢᠳᠡ ᠶᠢᠨ ᠶᠤᠮ ᠰᠢᠭ᠋᠂ ᠵᠣᠷᠢᠮᠠᠭᠬᠠᠨ ᠵᠤᠵᠢᠭᠬᠠᠨ ᠠᠳᠠᠯᠠ ᠦᠨᠢᠳᠡ ᠬᠠᠭᠠᠴᠠᠬᠤ ᠦᠭᠡᠢ | ᠶᠤᠮ ᠰᠢᠭ᠋ ᠴᠢᠩᠭᠠᠬᠠᠨ ᠬᠤᠶᠠᠷ ᠭᠠᠷ ᠳᠣᠬᠤᠶᠢᠯᠠᠯᠴᠠᠵᠤ ᠪᠠᠶᠢᠭᠰᠠᠨ ᠨᠢ ᠣᠳᠣ ᠴᠦ ᠬᠡᠰᠡᠨ ᠨᠢᠳᠣᠨ ᠳᠤ ᠳᠣᠳᠣ ᠠᠴᠠ ᠳᠣᠳᠣ᠂ ᠦᠨᠡᠨ ᠠᠴᠠ ᠦᠨᠡᠨ ᠨᠢ | ᠬᠤᠪᠢᠷᠠᠯᠳᠠ ᠦᠭᠡᠢ ᠭᠡᠮᠡᠨ ᠦᠨᠦ ᠰᠦᠨᠢ ᠶᠢᠨ ᠰᠠᠯᠬᠢᠨ ᠴᠢᠬᠢᠨ ᠳᠤ ᠮᠢᠨᠢ ᠬᠦᠩᠬᠡᠬᠡᠨ ᠰᠢᠪᠡᠨᠡᠬᠦ ᠮᠡᠳᠦ︕ | ᠳᠡᠷᠡ ᠵᠢᠯ ᠪᠢ ᠠᠷᠪᠠᠨ ᠳᠣᠯᠣᠭᠠᠳᠠᠢ᠂ ᠴᠢ ᠠᠷᠪᠠᠨ ᠳᠠᠪᠤᠳᠠᠢ ᠪᠠᠶᠢᠭᠰᠠᠨ᠃ ᠵᠡᠬᠦᠨ ᠡᠮᠦᠨᠡᠰᠢ ᠣᠯᠠᠭᠠᠨ ᠨᠠᠭᠤᠷ ᠤᠷᠣᠭᠤ ᠰᠤᠨᠤᠯᠵᠠᠨ ᠤᠷᠤᠰᠬᠤ ᠭᠤᠤᠯ | ᠤᠨ ᠬᠦᠪᠡᠭᠡᠨ ᠳᠤ ᠰᠠᠶᠢᠷ ᠬᠢᠰᠬᠢᠯᠡᠨ᠂ ᠴᠢᠯᠠᠭᠤ ᠢᠰᠬᠦᠯᠵᠦ᠂ ᠨᠠᠮᠤᠭᠤᠬᠠᠨ ᠬᠤᠷᠴᠢᠬᠢᠨᠠᠬᠤ ᠤᠰᠣᠨ ᠤ ᠳᠠᠭᠤᠨ ᠢ ᠴᠢᠩᠨᠠᠨ᠂ ᠶᠠᠳᠠᠷᠠᠯ ᠢᠶᠠᠨ ᠮᠠᠷᠳᠠᠭᠰᠠᠨ ᠮᠡᠯᠡᠬᠡᠢ | ᠶᠢᠨ ᠭᠤᠸᠠᠭᠯᠠᠯ ᠪᠠᠷᠠᠳᠠᠨ ᠬᠡᠶᠢᠪᠡᠭᠡᠨ ᠰᠢᠨᠡᠳ ᠤᠨ ᠰᠠᠷᠠᠨ ᠤ ᠳᠣᠶᠠᠭᠠᠨ ᠳᠣᠣᠷᠠ ᠬᠠᠶᠠ ᠨᠡᠳᠦᠶᠢᠨ ᠢᠷᠡᠬᠦ ᠪᠠᠷᠠᠭᠠᠨ ᠡᠭᠦᠯᠡᠨ ᠤ ᠬᠠᠷᠠᠩᠭᠤᠢ ᠰᠡᠭᠦᠳᠡᠷ ᠠᠴᠠ | ᠬᠤᠯᠮᠤᠬᠤ ᠰᠢᠭ᠋ ᠨᠢᠭᠡ ᠨᠢᠭᠡ ᠪᠠᠨ ᠰᠢᠷᠳᠡᠯᠴᠡᠨ ᠠᠰᠠᠭᠤᠬᠤ ᠬᠡᠰᠡᠨ ᠠᠰᠠᠭᠤᠯᠳᠠ ᠶᠢᠨ ᠬᠠᠭᠠᠰ ᠢ ᠬᠡᠯᠡᠭᠡᠳ ᠬᠠᠭᠠᠰ ᠢ ᠵᠠᠯᠭᠢᠭᠰᠠᠨ ᠴᠦ ᠤᠯᠬᠤ ᠭᠡᠰᠡᠨ | ᠬᠠᠷᠢᠭᠤᠯᠳᠠ ᠪᠠᠨ ᠪᠦᠷᠢᠨ ᠤᠯᠵᠤ ᠬᠡᠨ ᠨᠢᠭᠡᠨ ᠢᠶᠠᠨ ᠪᠤᠤ ᠯᠠ ᠭᠤᠮᠤᠳᠠᠭᠠᠶᠠ ᠬᠡᠰᠡᠨ ᠰᠢᠭ᠂ ᠬᠡᠨ ᠨᠢᠭᠡᠨ ᠳᠤ ᠪᠠᠨ ᠦᠨᠡᠨ ᠰᠡᠳᠬᠢᠯ ᠢᠶᠠᠨ ᠣᠶᠢᠯᠠᠭᠠᠭᠤᠯᠵᠤ | ᠴᠢᠳᠠᠬᠤ ᠦᠭᠡᠢ ᠠᠴᠠ ᠠᠶᠤᠨ ᠬᠦᠢᠬᠡᠨ ᠠᠰᠠᠭᠤᠯᠲᠠ ᠳᠤ ᠢᠳᠡᠭᠡᠯ ᠤᠨ ᠳᠠᠮᠠᠭᠠ ᠳᠠᠷᠤᠨ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠢ ᠠᠷᠴᠢᠭᠳᠠᠭᠠ ᠦᠭᠡᠢ ᠴᠢᠯᠠᠭᠤᠳ ᠬᠡᠯᠡᠵᠦ ᠪᠠᠶᠢᠭᠠ | ᠮᠡᠳᠦ᠃ ︽ᠡᠨᠡ ᠰᠦᠨᠢ ᠶᠢᠨ ᠰᠠᠷᠠᠨ ᠮᠡᠳᠦ ᠴᠢᠮᠠ ᠪᠠᠨ ᠳᠠᠩᠳᠠ ᠬᠠᠷᠠᠵᠤ ᠪᠠᠶᠢᠬᠤ ᠰᠠᠨ︾ ᠬᠡᠰᠡᠨ ᠳᠣᠭᠳᠣᠯᠣᠯ ᠤᠨ ᠶᠠᠷᠢᠶᠠ ᠡᠷᠳᠡ ᠤᠵᠠᠭᠤᠷ ᠤᠨ ᠳᠣᠮᠤᠭ | ᠮᠡᠳᠦ ᠦᠨᠦ ᠰᠦᠨᠢ ᠨᠠᠳᠠ ᠳᠠᠬᠢᠨ ᠰᠠᠨᠠᠭᠳᠠᠬᠤ ᠪᠠᠷ ᠪᠢ ᠴᠢᠨᠢ ᠴᠢᠮᠠ ᠪᠠᠨ ᠬᠡᠴᠢᠨᠡᠨ ᠴᠦ ᠵᠢᠯ ᠭᠤᠮᠤᠳᠠᠭᠠᠭᠰᠠᠨ ᠢ ᠣᠳᠣ ᠠᠳᠡ ᠡᠴᠠᠲ᠋ᠠᠬᠢᠨ ᠲᠡᠭᠦᠵᠦ ᠪᠠᠶᠢᠨᠠ᠃ | ᠮᠠᠷᠲᠠᠭᠳᠠᠭᠰᠠᠨ ᠵᠦᠢᠯ ᠳᠠᠬᠢᠨ ᠰᠠᠨᠠᠭᠳᠠᠬᠤ ᠪᠠᠷ ᠰᠡᠳᠬᠢᠯ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠡᠪᠬᠡᠷᠡᠵᠦ ᠱᠣᠷᠪᠤᠭ ᠨᠢ ᠠᠷᠭᠠ ᠦᠭᠡᠢ ᠤᠷᠤᠰᠣᠨ ᠢᠷᠡᠬᠦ ᠪᠤᠳᠣᠯ ᠤᠨ | ᠬᠦᠨᠳᠦ ᠭᠤᠨᠢᠭ ᠰᠠᠶᠢᠷ ᠲᠠᠢ ᠪᠠᠨ ᠬᠤᠪᠬᠤᠷᠤᠭᠰᠠᠨ ᠡᠨᠡ ᠭᠤᠤᠯ ᠤᠨ ᠤᠶᠢᠳᠬᠠᠷ ᠲᠠᠢ ᠶᠠᠭᠠᠬᠢᠵᠤ ᠠᠶᠠᠯᠳᠣᠭᠰᠠᠨ ᠢ ᠪᠢ ᠯᠠ ᠭᠠᠭᠴᠠᠭᠠᠷ ᠢᠶᠠᠨ ᠤᠶᠢᠯᠠᠭᠠᠵᠤ | ᠬᠦᠨᠳᠦ ᠭᠤᠳᠣᠷᠠᠯ ᠢ ᠳᠠᠩᠨᠠᠵᠤ ᠪᠠᠶᠢᠨᠠ᠃ | ᠰᠠᠯᠤᠯᠳᠠ ᠬᠡᠵᠤ ᠶᠠᠭᠤ ᠰᠠᠶᠢᠨ ᠪᠢᠯᠡ ᠭᠡᠵᠤ ᠬᠡᠨᠡᠳᠬᠡᠨ ᠪᠤᠳᠣᠬᠤ ᠳᠤ ᠲᠦᠮᠡᠨ ᠡᠪᠬᠡᠭᠡᠰᠦᠲᠡᠢ ᠨᠢᠭᠡ ᠬᠤᠪᠢ ᠵᠠᠬᠢᠳᠠᠯ ᠬᠡᠷᠳᠡᠬᠢᠨ ᠰᠡᠳᠬᠢᠯ ᠳᠤ ᠢᠷᠡᠨᠡ᠃ | ᠨᠢᠳᠦᠨ ᠳᠤ ᠪᠠᠨ ᠭᠤᠨᠢᠭ ᠲᠠᠢ᠂ ᠪᠤᠳᠣᠯ ᠳᠤ ᠪᠠᠨ ᠳᠠᠷᠤᠭᠠ ᠲᠠᠢ᠂ ᠤᠷᠣᠭᠤᠯ ᠴᠤᠷᠪᠤᠨ ᠦᠳᠡᠬᠦ ᠶᠢᠨ ᠠᠭᠱᠠᠨ ᠭᠠᠷᠳᠠᠭᠤᠯᠤᠭᠰᠠᠨ ᠳᠡᠷᠡ ᠬᠤᠪᠢ ᠵᠠᠬᠢᠳᠠᠯ ᠦᠨᠦ | ᠪᠤᠯᠳᠠᠯᠠ ᠰᠡᠳᠬᠢᠯ ᠤᠨ ᠬᠦᠨ ᠳᠤ ᠬᠡᠪᠳᠡᠭᠡᠰᠦᠳᠠᠢ ᠡᠪᠬᠡᠬᠡᠰᠦᠳᠠᠢ ᠬᠡᠪ ᠢᠶᠠᠷ᠃ ᠰᠠᠨᠠᠬᠤ ᠶᠢᠨ ᠳᠣᠭᠠᠯᠠᠩ ᠢᠶᠠᠷ ᠡᠷᠬᠢᠬᠦᠯᠦᠨ ᠤᠷᠪᠠᠭᠤᠯᠵᠤ ᠦᠵᠡᠬᠦ ᠳᠤ ᠣᠶᠢᠳᠬᠠᠷ | ᠤᠨ ᠮᠠᠨᠠᠨ ᠢᠪ ᠳᠠᠷᠣᠭᠠᠳ ᠢᠷᠡᠳᠡᠭ ᠬᠢᠷᠡᠨᠢ ᠠᠬᠢᠨ ᠳᠠᠬᠢᠨ ᠣᠷᠪᠠᠭᠤᠯᠬᠤ ᠳᠣᠷᠠᠳᠠᠢ ᠨᠢ ᠮᠢᠨᠤ ᠦᠴᠢᠨᠡᠨ ᠵᠢᠯ ᠤᠨ ᠢᠳᠡᠭᠡᠯ ᠤᠨ ᠬᠦᠴᠦᠨ ᠭᠡᠯᠲᠡᠢ᠃ ︽ᠲᠠ | ᠰᠢᠨᠡ ᠣᠷᠴᠢᠨ᠂ ᠰᠢᠨᠡ ᠨᠦᠬᠦᠳ ᠤᠨ ᠳᠣᠮᠳᠠ ᠰᠢᠨᠡ ᠰᠣᠷᠤᠯᠭᠠ ᠪᠠᠨ ᠡᠬᠢᠯᠡᠬᠦᠯᠬᠦ ᠤᠴᠢᠷ ᠨᠠᠮᠠ ᠶᠢ ᠰᠡᠳᠬᠢᠯ ᠳᠤ ᠪᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠳᠠᠭ ᠪᠢᠯᠡ ᠤᠤ︖ | ︾ ᠬᠡᠰᠡᠨ ᠠᠰᠠᠭᠤᠯᠳᠠ ᠳᠤ ᠪᠢ ᠶᠠᠮᠠᠷᠬᠠᠨ ᠬᠠᠷᠢᠭᠤ ᠦᠭᠴᠦ ᠶᠠᠪᠤᠯᠠ ᠳ᠋ᠠ︕ ᠰᠣᠷᠣᠨᠠ᠂ ᠬᠦᠮᠦᠨ ᠤ ᠳᠡᠭᠡᠳᠦ ᠪᠤᠯᠤᠨᠠ᠂ ᠬᠦᠰᠡᠯ ᠤᠨ ᠰᠣᠷᠭᠠᠭᠤᠯᠢ ᠳᠤ | ᠣᠷᠣᠨᠠ᠂ ᠢᠩᠬᠢᠪᠡᠯ ᠴᠢ ᠮᠢᠨᠢ ᠬᠡᠴᠢᠨᠡᠨ ᠪᠠᠶᠠᠷᠯᠠᠵᠤ᠂ ᠬᠡᠳᠦᠢ ᠬᠦᠭᠡᠷᠳᠡᠭ ᠪᠤᠯ ᠭᠡᠮᠡᠨ ᠦᠪᠡᠷ ᠤᠨ ᠵᠢᠷᠤᠭᠯᠠᠭᠰᠠᠨ ᠬᠦᠰᠡᠯ ᠳᠤ ᠪᠠᠨ ᠰᠣᠭᠳᠣᠨ ᠢᠷᠡᠭᠡᠳᠦᠢ ᠳᠤ | ᠠᠭᠤᠯᠵᠠᠬᠤ ᠳᠤ ᠪᠠᠨ ᠰᠡᠳᠭᠢᠯ ᠳᠤ ᠴᠢ ᠮᠢᠨᠢ ᠮᠦᠩᠬᠡ ᠪᠠᠷ ᠢᠶᠠᠨ ᠪᠠᠶᠢᠵᠤ ᠪᠠᠶᠢᠭᠠᠳ ᠪᠠᠶᠢᠭᠰᠠᠨ ᠰᠢᠤ ᠬᠡᠰᠡᠨ ᠢ ᠦᠵᠡᠬᠦᠯᠬᠦ ᠡᠷᠴᠢ ᠬᠦᠴᠦ ᠳᠣᠳᠣᠭᠠᠳᠣ ᠳᠠᠮᠢᠷ | ᠲᠠᠢ ᠪᠠᠶᠢᠭᠰᠠᠨ ᠴᠦ ᠠᠮᠢᠳᠣᠷᠠᠯ ᠢ ᠳᠣᠯᠣᠭᠠᠨ ᠦᠩᠭᠡ ᠪᠠᠷ ᠳᠦᠰᠦᠪᠯᠡᠵᠦ ᠴᠢᠳᠠᠭᠠ ᠦᠭᠡᠢ᠂ ᠵᠢᠷᠤᠭᠰᠠᠨ ᠵᠢᠷᠤᠭ ᠪᠤᠯᠭᠤᠭᠰᠠᠨ ᠢᠳᠡᠭᠡᠨ ᠢᠶᠠᠷ ᠢᠳᠡᠬᠡᠨ | ᠴᠢᠳᠠᠭᠠᠳ ᠤᠴᠠᠷᠠᠵᠤ ᠴᠢᠳᠠᠭᠰᠠᠨ ᠤ ᠬᠤᠶᠢᠨᠠ ᠰᠠᠯᠵᠤ ᠴᠦ ᠴᠢᠳᠠᠳᠠᠭ ᠢ ᠳᠠᠩᠴᠣ ᠤᠬᠠᠭᠰᠠᠨ ᠦᠭᠡᠢ ᠨᠢ ᠨᠠᠰᠣᠨ ᠤ ᠣᠰᠣᠯ ᠪᠤᠯᠵᠤ ᠦᠯᠡᠳᠡᠯᠡ᠃ | ᠤᠳᠣ ᠨᠠᠳᠠ ᠦᠯᠡᠳᠡᠭᠰᠡᠨ ᠨᠢ ᠶᠠᠭᠤ ᠪᠢᠯᠡ ᠬᠡᠮᠡᠨ ᠰᠢᠷᠭᠢᠭᠰᠡᠨ ᠡᠨᠡ ᠭᠤᠤᠯ ᠠᠴᠠ ᠠᠬᠢᠨ ᠠᠰᠠᠭᠤᠮᠠᠷ ᠪᠠᠶᠢᠨᠠ᠃ ᠮᠦᠷᠦᠭᠡᠳᠦᠯ ᠢ ᠮᠢᠨᠢ ᠳᠠᠯᠠᠯᠵᠤ ᠦᠨᠦ | ᠬᠦᠷᠦᠭᠰᠡᠨ ᠦᠯᠦ ᠦᠵᠡᠭᠳᠡᠬᠦ ᠳᠡᠷᠡ ᠨᠢᠭᠡᠨ ᠨᠢᠭᠤᠴᠠᠭᠠᠷ ᠵᠦᠢᠯ ᠴᠣᠬᠤᠮ ᠶᠠᠭᠤ ᠪᠢᠯᠡ︖ ᠬᠡᠮᠡᠨ ᠤᠯᠠᠨ ᠵᠢᠯ ᠡᠷᠭᠢᠬᠦᠯᠦᠨ ᠤᠷᠪᠠᠭᠤᠯᠤᠨ ᠪᠠᠶᠢᠭᠰᠠᠨ ᠴᠦ | ᠳᠣᠳᠣ ᠬᠠᠷᠢᠭᠤᠯᠳᠠ ᠤᠯᠵᠤ ᠴᠢᠳᠠᠭᠠ ᠦᠭᠡᠢ᠃ ᠪᠦᠷᠳᠡᠯᠵᠡᠨ ᠨᠡᠬᠦᠳᠡᠯᠯᠡᠬᠦ ᠡᠬᠦᠯᠡᠰ ᠤᠨ ᠵᠠᠢ ᠪᠠᠷ ᠠᠶᠠᠷᠬᠠᠨ ᠪᠤᠯᠳᠠᠶᠢᠬᠤ ᠰᠠᠷᠠᠨ ᠤ ᠴᠢᠷᠠᠢ ᠴᠢᠨᠦ ᠮᠢᠨᠢ ᠬᠠᠴᠠᠷ | ᠰᠢᠭ᠋ ᠰᠡᠳᠬᠢᠯ ᠳᠤ ᠬᠡᠷᠡᠯᠳᠦᠬᠦ ᠪᠠᠷ ᠬᠡᠴᠢᠨᠡᠨ ᠵᠢᠯ ᠡᠷᠢᠨ ᠪᠠᠶᠢᠭᠰᠠᠨ ᠬᠠᠷᠢᠭᠤ ᠰᠡᠳᠬᠢᠯ ᠤᠨ ᠵᠠᠢ ᠳᠤ ᠤᠳᠠᠨ ᠤ ᠳᠣᠯᠣᠭᠠᠢ ᠰᠢᠭ᠋ ᠰᠠᠭᠰᠠᠶᠢᠨ ᠪᠠᠶᠢᠬᠤ ᠨᠢ | ᠬᠠᠴᠢᠷᠬᠠᠯᠳᠠᠢ︕ ᠵᠤᠨ ᠤ ᠴᠢᠯᠦᠭᠡᠨ ᠳᠤ ᠤᠢ ᠳᠤ ᠶᠠᠪᠤᠵᠤ ᠵᠤᠭᠠᠴᠠᠭᠰᠠᠨ ᠤᠴᠢᠷ ᠬᠡᠬᠡᠷᠡ ᠶᠢᠨ ᠰᠠᠯᠬᠢ ᠳᠠᠭᠠᠭᠤᠯᠵᠤ ᠢᠷᠡᠬᠦ ᠪᠠᠷ ᠬᠤᠭᠤᠯᠠᠢ ᠡᠪᠬᠡᠷᠡᠨ ᠰᠡᠳᠬᠢᠯ | ᠳᠤ ᠺᠤᠹᠧ ᠶᠢᠨ ᠠᠮᠳᠠᠳᠣ ᠪᠤᠶᠤ ᠴᠤᠺᠦᠯᠡᠳ᠋ ᠤᠨ ᠠᠮᠳᠠᠳᠣ ᠰᠢᠬᠢᠷ ᠵᠠᠯᠬᠢᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠨ ᠮᠦᠷᠦᠭᠡᠳᠦᠯ ᠤᠨ ᠤᠴᠢᠭ ᠴᠠᠬᠢᠯᠭᠠᠨ ᠪᠤᠯᠵᠤ ᠪᠦᠬᠦ ᠪᠡᠶᠡ ᠶᠢ | ᠡᠷᠪᠡᠭᠡᠨᠡᠬᠦᠯᠦᠭᠰᠡᠨ ᠢᠶᠠᠨ ᠬᠤᠷᠤᠭᠤᠨ ᠤ ᠦᠵᠦᠬᠦᠷ ᠢᠶᠠᠷ ᠭᠠᠷᠬᠤ ᠰᠢᠤᠬᠠᠨ ᠪᠤᠯᠤᠭᠰᠠᠨ ᠢᠶᠠᠨ ᠳᠠᠬᠢᠨ ᠯᠠ ᠪᠠᠶᠢᠳᠠᠭ ᠤᠶᠤᠨ ᠮᠢᠩᠭᠠᠨ ᠴᠡᠴᠡᠭ ᠤᠨ | ᠦᠵᠡᠰᠬᠦᠯᠡᠩᠲᠦ ᠬᠦᠷᠢᠶᠡᠨ ᠳᠤ ᠳᠣᠭᠤᠷᠢᠨ ᠪᠠᠶᠢᠵᠤ ᠪᠠᠶᠠᠰᠣᠭᠰᠠᠨ ᠰᠢᠭ᠋ ᠡᠰᠡᠬᠦᠯᠡ ᠨᠠᠩᠴᠢᠳ ᠲᠤ ᠨᠠᠮ ᠴᠤᠬᠢᠭᠤᠯᠤᠨ ᠬᠠᠯᠠᠮᠰᠠᠭᠰᠠᠨ ᠰᠢᠭ᠋ ᠬᠦᠭᠡᠷᠦᠯ ᠤᠨ ᠴᠡᠭ | ᠨᠢᠭᠡ ᠯᠠ ᠳᠣᠣᠷᠠ ᠮᠢᠩᠭᠠᠨ ᠳᠡᠭᠳᠡᠷ ᠳᠡᠭᠡᠭᠰᠢᠯᠡᠨ ᠨᠠᠳᠠ ᠶᠢ ᠳᠣᠩ ᠴᠦ ᠣᠯᠠᠨ ᠵᠢᠯ ᠮᠦᠷᠦᠭᠡᠳᠦᠯ ᠳᠤ ᠱᠤᠩᠪᠠᠭᠤᠯᠤᠭᠰᠠᠨ ᠲᠣᠬᠠᠢ ᠶᠠᠷᠢᠬᠤ ᠰᠢᠭ᠋᠃ | ᠰᠣᠷᠭᠠᠭᠤᠯᠢ ᠶᠢᠨ ᠠᠷᠣ ᠬᠡᠷᠡᠮ ᠤᠨ ᠪᠤᠯᠤᠩ ᠳᠤ ᠭᠡᠭᠡᠭᠡᠭᠰᠡᠨᠣᠭᠵᠢ ᠲᠠᠢ᠂ ᠰᠦᠨ ᠳᠠᠯᠬᠠ ᠲᠠᠢ᠂ ᠵᠠᠬᠢᠳᠠᠯ ᠲᠠᠢ᠂ ᠮᠠᠨᠴᠦᠢ ᠲᠠᠢ ᠬᠡᠤᠬᠡᠳ ᠢ ᠦᠷᠡᠴᠢᠯᠡᠵᠦ ᠠᠪᠬᠤ | ᠰᠠᠨᠠᠯ ᠳᠡᠯᠭᠡᠨ ᠨᠢᠯᠪᠤᠰᠣᠨ ᠨᠢᠳᠦᠯᠡᠨ ᠬᠤᠷᠸᠠ ᠶᠢᠨ ᠳᠡᠭᠰᠢ ᠪᠤᠰᠣ ᠳᠤ ᠳᠤᠷᠠ ᠦᠭᠡᠶᠢᠴᠡᠭᠰᠡᠨ ᠪᠤᠶᠤ ᠰᠠᠨᠠᠭᠠ ᠪᠠᠶᠢᠭᠠᠳ ᠤᠨᠤᠭᠠ ᠬᠦᠷᠬᠦ ᠦᠭᠡᠢ ᠳᠤ ᠪᠠᠨ | ᠬᠠᠷᠠᠭᠤᠰᠤᠨ ᠤᠷᠤᠢ ᠶᠢᠨ ᠬᠤᠭᠤᠯᠠ ᠪᠠᠨ ᠴᠦ ᠢᠳᠡᠯ ᠦᠭᠡᠢ ᠵᠤᠪᠠᠯ ᠵᠠᠯᠬᠢᠯᠠᠨ ᠪᠠᠶᠢᠵᠤ ᠦᠩᠭᠡᠷᠡᠭᠡᠭᠰᠡᠨ ᠳᠣᠬᠠᠢ ᠣᠳᠣ ᠰᠠᠨᠠᠬᠤ ᠳᠤ ᠴᠢ ᠮᠢᠨᠢ ᠦᠷᠦᠪᠴᠢᠬᠦᠨ | ᠡᠩᠬᠦᠷᠡᠶᠢᠭᠡᠨ ᠢ ᠳᠣᠷᠦᠯᠬᠢ ᠠᠪᠴᠣ ᠵᠠᠶᠠᠭᠠᠭᠰᠠᠨ ᠭᠡᠮᠡᠷ᠃ ᠳᠡᠶᠢᠮᠤ ᠴᠦ ᠤᠴᠢᠷ ᠴᠢ ᠮᠢᠨᠢ ᠮᠢᠨᠦ ᠦᠨᠡᠨ ᠬᠠᠶᠢᠷᠠ ᠶᠢᠨ ᠨᠤᠶᠠᠨ ᠤᠷᠭᠢᠯ ᠢ ᠭᠠᠭᠴᠠᠭᠠᠷ ᠡᠵᠡᠷᠬᠡᠨ | ᠬᠤᠷᠢᠨ ᠵᠢᠯ ᠢ ᠦᠩᠭᠡᠷᠡᠭᠡᠭᠰᠡᠨ ᠪᠠᠶᠢᠬᠤ ᠡ᠃ ᠠᠢ ᠳ᠋ᠠ︕ ᠠᠮᠢᠳᠣᠷᠠᠯ ᠬᠡᠵᠦ ᠠᠯᠤᠰ ᠲᠤ ᠪᠠᠶᠢᠬᠤ ᠳᠤ ᠳᠡᠭᠷᠢ ᠪᠤᠯᠵᠤ ᠰᠠᠨᠠᠭᠳᠠᠨ᠂ ᠠᠯᠠᠭᠠᠨ ᠳᠤ ᠪᠠᠶᠢᠬᠤ ᠳᠤ | ᠠᠷᠭᠠ ᠦᠭᠡᠢ ᠯᠠ ᠦᠴᠦᠬᠡᠨ ᠬᠠᠷᠠᠭᠳᠠᠳᠠᠭ ᠠᠴᠠ ᠬᠦᠮᠦᠨ ᠶᠡᠷᠦ ᠨᠢ ᠰᠠᠨᠠᠬᠤ ᠶᠢᠨ ᠵᠤᠪᠠᠯᠠᠩ ᠳᠤ ᠳᠥᠭᠡᠷᠢᠳᠡᠭ ᠪᠠᠶᠢᠨᠠ ᠳ᠋ᠠ︕ ᠰᠠᠨᠠᠬᠤ ᠭᠡᠵᠤ ᠳ᠋ᠠ ᠨᠢᠭᠡ | ᠪᠤᠳᠣᠬᠤ ᠳᠤ ᠣᠯᠤᠯᠲᠠ ᠭᠡᠵᠤ ᠤᠯᠵᠠᠷᠬᠠᠯᠠᠬᠤ᠂ ᠬᠡᠨᠡᠳᠳᠡ ᠪᠤᠳᠣᠬᠤ ᠳᠤ ᠵᠤᠪᠠᠯᠠᠩ ᠭᠡᠵᠦ ᠠᠨᠳᠠᠭᠤᠷᠠᠮᠠᠷ ᠪᠠᠶᠢᠳᠠᠭ ᠢ ᠶᠠᠭᠠᠬᠢᠨᠠ᠃ | ᠡᠨᠡ ᠭᠤᠤᠯ ᠠᠴᠠ ᠵᠤᠪᠠᠯᠠᠩ ᠵᠢᠷᠭᠠᠯ ᠠᠯᠢᠨ ᠪᠤᠯᠬᠤ ᠶᠢ ᠢᠯᠭᠠᠵᠤ ᠴᠢᠳᠠᠯ ᠦᠭᠡᠢ ᠳᠣᠷᠠᠳᠬᠠᠯ ᠬᠢᠯᠢᠰᠳᠡᠯ ᠶᠠᠭᠤ ᠪᠤᠯᠬᠤ ᠶᠢ ᠮᠡᠳᠡᠯ ᠦᠭᠡᠢ ᠪᠤᠳᠣᠯ ᠤᠨ | ᠶᠠᠳᠠᠷᠠᠭᠠ ᠪᠠᠨ ᠳᠡᠭᠡᠭᠡᠵᠦ ᠦᠨᠦᠳᠦᠷ ᠲᠤ ᠢᠷᠡᠭᠰᠡᠨ᠃ ᠦᠨᠦ ᠴᠢ ᠮᠢᠨᠢ ᠬᠡᠨ ᠤ ᠬᠦᠮᠦᠨ ᠪᠤᠯᠤᠭᠠᠳ ᠶᠠᠪᠤᠵᠤ ᠪᠠᠶᠢᠨᠠ ᠬᠡᠵᠦ ᠪᠤᠳᠣᠬᠤ ᠪᠠᠷ ᠦᠯᠦ ᠮᠡᠳᠡᠬᠦ | ᠵᠤᠪᠠᠨᠢᠯ ᠰᠡᠳᠬᠢᠯ ᠳᠤ ᠪᠤᠷᠤᠭᠠᠨ ᠤ ᠡᠭᠦᠯᠡ ᠰᠢᠭ ᠬᠤᠷᠠᠬᠤ ᠶᠢ ᠶᠠᠭᠠᠬᠢᠨᠠ᠃ ᠬᠦ᠋ ᠬᠠᠷᠠᠬᠠᠨ ᠭᠡᠵᠢᠭᠡ ᠶᠢ ᠴᠢᠨᠢ ᠪᠠᠷᠠᠯᠠᠨ ᠬᠤᠴᠣᠷᠠᠭᠰᠠᠨ ᠨᠠᠮᠤᠷ ᠤᠨ ᠨᠢᠭᠡᠨ ᠡᠳᠦᠷ | ᠪᠤᠳᠣᠯ ᠳᠤ ᠳᠠᠬᠢᠨ ᠢᠷᠡᠬᠦ ᠪᠠᠷ ᠬᠠᠶᠢᠷᠠ ᠪᠠᠨ ᠳᠠᠭᠠᠭᠠᠬᠤ ᠦᠭᠡᠢ ᠪᠤᠶᠠᠨ ᠭᠡᠭᠴᠢ ᠶᠠᠭᠤ ᠪᠤᠯᠬᠤ ᠶᠢ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠭᠰᠡᠨ᠃ ᠠᠢ ᠳ᠋ᠠ ᠶᠠᠭᠠᠬᠢᠨᠠ ᠳ᠋ᠠ︕ | ᠵᠢᠷᠭᠠᠯ ᠳᠠᠭᠠᠭᠠᠬᠤ ᠦᠭᠡᠢ ᠵᠤᠪᠠᠯᠠᠩ ᠭᠡᠵᠦ ᠡᠨᠡ ᠤᠤ ᠳ᠋ᠠ ᠭᠡᠮᠡᠨ ᠡᠩᠭᠡᠷ ᠳᠡᠪᠳᠡᠭᠡᠬᠦ ᠨᠢᠯᠪᠤᠰᠣ ᠪᠠᠨ ᠳᠣᠳᠣᠭᠰᠢ ᠪᠠᠨ ᠵᠠᠯᠬᠢᠬᠤ ᠳᠤ ᠬᠤᠷᠸᠠ ᠶᠢᠨ ᠠᠮᠢᠳᠣᠷᠠᠯ | ᠨᠠᠳᠠ ᠪᠠᠷᠠᠭᠠᠯᠠᠵᠤ ᠰᠠᠨᠠᠭᠳᠠᠭᠰᠠᠨ᠃ ᠤᠷᠴᠢᠯᠠᠩ ᠢᠶᠠᠷ ᠠᠷᠢᠯᠵᠢᠰᠢ ᠦᠭᠡᠢ ᠬᠠᠶᠢᠷᠠ ᠨᠠᠳᠠ ᠦᠷᠳᠡᠭ ᠦᠭᠡᠢ ᠪᠤᠳᠣᠭᠳᠠᠭᠰᠠᠨ᠃ ᠦᠨᠦᠴᠢᠷᠡᠯ ᠶᠠᠭᠤ ᠪᠤᠯᠬᠤ ᠶᠢ | ᠮᠡᠳᠡᠷᠡᠵᠦ ᠦᠨᠦᠴᠢᠨ ᠡᠯᠢᠭᠡ ᠡᠮᠲᠡᠷᠡᠵᠦ ᠠᠮᠢᠳᠣᠷᠠᠯ ᠢ ᠠᠩᠬᠠ ᠦᠨᠡᠨ ᠤ ᠨᠢᠳᠣ ᠪᠠᠷ ᠬᠠᠷᠠᠭᠰᠠᠨ᠃ ᠳᠡᠶᠢᠮᠤ ᠳᠡᠭᠡᠵᠦ ᠪᠢ ᠳᠣᠮᠣᠭᠠᠵᠢᠵᠤ ᠡᠷᠡ ᠬᠦᠮᠦᠨ ᠬᠡᠰᠡᠨ | ᠨᠡᠷᠡ ᠣᠷᠣᠭᠤ ᠣᠯᠠᠮ ᠳᠦᠬᠦᠭᠰᠡᠨ᠃ ᠦᠨᠦ ᠰᠦᠨᠢ ᠡᠬᠦᠨ ᠢ ᠪᠤᠳᠣᠵᠣ ᠰᠠᠭᠤᠬᠤ ᠳᠤ ᠠᠶᠠᠰ ᠠᠶᠠᠰ ᠤᠨ ᠰᠠᠯᠬᠢ ᠠᠮᠢᠳᠣᠷᠠᠯ ᠤᠨ ᠬᠦᠩᠭᠡᠨ ᠬᠠᠭᠤᠳᠠᠮ ᠲᠠᠢ | ᠵᠡᠷᠭᠡᠴᠡᠵᠦ ᠨᠢᠭᠡ ᠪᠤᠳᠣᠭᠳᠠᠨ᠂ ᠣᠭᠲᠠᠷᠭᠤᠢ ᠪᠠᠷ ᠳᠦᠬᠦᠷᠡᠩ ᠤᠳᠣᠳ ᠴᠢᠨᠤ ᠳᠦᠯᠦᠭᠡ ᠡᠮᠵᠡᠭᠯᠡᠭᠰᠡᠨ ᠵᠢᠷᠦᠬᠡᠨ ᠤ ᠰᠢᠷᠬᠠ ᠪᠤᠯᠵᠤ ᠨᠢᠭᠡ ᠪᠤᠳᠣᠭᠳᠠᠨ ᠪᠠᠶᠢᠬᠤ | ᠮᠢᠨᠢ ᠦᠷᠦᠪᠳᠦᠯᠳᠠᠢ᠃ ᠠᠮᠢᠳᠣᠷᠠᠯ ᠤᠨ ᠣᠷᠳᠣ ᠭᠤᠤᠯ ᠢ ᠪᠠᠷᠠᠳᠠᠨ ᠵᠤᠪᠠᠵᠤ ᠨᠢᠭᠡ᠂ ᠭᠤᠨᠢᠷᠬᠠᠵᠤ ᠨᠢᠭᠡ᠂ ᠭᠦᠭᠡᠷᠴᠤ ᠨᠢᠭᠡ᠂ ᠪᠠᠶᠠᠷᠯᠠᠵᠤ ᠨᠢᠭᠡ ᠶᠠᠪᠤᠬᠤ ᠳᠤ | ᠬᠦᠨ ᠴᠡᠩᠬᠡᠷ ᠤᠰᠣᠨ ᠳᠤ ᠨᠢ ᠵᠢᠪᠴᠣ ᠨᠢᠭᠡ᠂ ᠤᠮᠪᠠᠵᠤ ᠨᠢᠭᠡ ᠤᠬᠠᠭᠠᠷᠠᠳᠠᠭ ᠵᠢᠮᠡ ᠲᠠᠢ ᠶᠤᠮ ᠪᠠᠶᠢᠨᠠ᠃ ᠲᠠᠨ ᠳᠤ ᠪᠠᠨ ᠪᠠᠶᠠᠷᠯᠠᠭᠰᠠᠨ ᠰᠢᠤ ᠭᠡᠮᠡᠨ ᠪᠤᠳᠣᠯ | ᠠᠴᠠ ᠪᠠᠨ ᠰᠡᠷᠡᠭᠦ ᠳᠤ ᠣᠳᠣᠳ ᠰᠣᠪᠤᠷᠴᠤ ᠦᠷ ᠴᠠᠶᠢᠬᠤ ᠶᠢᠨ ᠲᠡᠮᠲᠡᠭ ᠳᠡᠭᠷᠢ ᠶᠢᠨ ᠬᠠᠶᠠᠭᠠᠨᠠ ᠮᠡᠳᠡᠭᠳᠡᠭᠰᠡᠨ ᠪᠠᠶᠢᠯᠠ᠃ | ᠵᠠᠩᠭᠤᠳᠣ ᠶᠢᠨ ᠭᠤᠤᠯ ᠤᠨ ᠰᠠᠷᠠᠨ | ᠳᠡᠭᠷᠢ ᠳᠤ ᠪᠠᠨ ᠯᠠ ᠭᠡᠷᠡᠯ ᠲᠠᠢ | ᠵᠢᠭᠠᠬᠠᠨ ᠪᠠᠭᠠ ᠶᠢᠨ ᠴᠢ ᠯᠠ ᠮᠢᠨᠢ | ᠳᠡᠨᠢᠭᠦᠨ ᠰᠡᠳᠬᠢᠯ ᠳᠤ ᠮᠢᠨᠢ ᠮᠦᠰᠢᠶᠡᠯ ᠲᠠᠢ᠃ | | | | | | | |