| | ᠦᠨᠦᠳᠦᠷ ᠪᠣᠯ ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠬᠤᠷᠢᠨ ᠬᠤᠶᠠᠷ ᠪᠢᠯᠡ᠃ ᠪᠢ ᠬᠤᠰᠢᠭᠤᠨ ᠳᠤ ᠤᠴᠢᠭᠠᠳ ᠰᠢᠨᠡ ᠶᠢᠨ ᠪᠠᠷᠠᠭᠠ ᠡᠨᠡ ᠲᠡᠷᠡ ᠪᠠᠨ ᠠᠪᠤᠭᠠᠳ᠂ | ᠬᠠᠷᠢᠬᠤ ᠪᠠᠷ ᠲᠠᠪᠬᠢᠨᠠ᠃ ᠮᠠᠨ ᠤ ᠭᠡᠷ ᠤᠨ ᠬᠠᠷᠢᠬᠤ ᠵᠠᠮ ᠲᠠᠭᠡᠷᠡ ᠨᠢ ︽ ᠵᠢᠷᠭᠠᠯᠠᠩᠳᠦ︾ ᠨᠠᠰᠣᠲᠠᠶᠢᠴᠣᠳ ᠤᠨ ᠠᠰᠠᠷᠠᠭᠴᠢ ᠶᠢᠨ ᠬᠦᠷᠢᠶᠠᠡᠯᠡᠭ ᠲᠠᠢ᠃ | ᠲᠡᠨᠳᠡ ᠮᠢᠨᠤ ᠲᠠᠨᠢᠳᠠᠭ ᠲᠤᠷᠵᠢ ᠠᠪᠤ ᠮᠢᠨᠢ ᠰᠠᠭᠤᠳᠠᠭ ᠃ ᠲᠡᠷᠡ ᠪᠣᠯ ᠮᠢᠨᠤ ᠠᠪᠤ ᠶᠢᠨ ᠬᠠᠮᠲᠤ ᠰᠤᠷᠤᠯᠭᠠᠳᠠᠨ ᠨᠢ ᠪᠦᠭᠡᠳ ᠪᠠᠭᠠ ᠶᠢᠨ ᠨᠠᠶᠢᠵᠠ ᠨᠢ ᠪᠤᠯᠤᠨᠠ᠃ | ᠠᠪᠤ ᠲᠠᠩᠳᠡ ᠪᠠᠨ ᠯᠠ ︽ᠬᠦᠤ ᠮᠢᠨᠢ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠳᠤᠷᠵᠢ ᠠᠪᠤ ᠲᠠᠢ ᠪᠠᠨ ᠤᠴᠢᠵᠤ ᠵᠤᠯᠭᠠᠳᠠᠭ ᠶᠤᠮ ᠰᠢᠤ᠂ ᠬᠦᠭᠡᠷᠦᠬᠦᠢ ᠲᠡᠷᠡ ᠮᠢᠨᠢ | ᠭᠠᠭᠴᠠᠭᠠᠷᠬᠠᠨ᠂ ᠦᠷᠡ ᠶᠢᠨ ᠭᠠᠭᠴᠠ ᠬᠦᠤ ᠨᠢ ᠪᠠᠰᠠ ᠭᠠᠳᠠᠭᠠᠳᠤ ᠳᠤ ᠠᠵᠢᠯ ᠲᠠᠢ︾ ᠭᠡᠵᠦ ᠶᠡᠷᠢᠳᠠᠭ᠃ ᠴᠤᠬᠤᠮ ᠠᠪᠤ ᠶᠢᠨ ᠵᠠᠬᠢᠭᠰᠠᠨ ᠢ ᠴᠡᠭᠡᠵᠢᠯᠡᠭᠰᠡᠨ | ᠤ ᠬᠢ ᠪᠤᠯᠪᠠᠤ︖ ᠪᠢ ᠡᠨᠡ ᠵᠠᠮ ᠢᠶᠠᠷ ᠶᠠᠪᠤᠬᠤ ᠪᠤᠯᠭᠠᠨ ᠲᠡᠷᠡ ᠠᠪᠤ ᠮᠢᠨᠤ ᠪᠤᠳᠤᠯ ᠳᠤ ᠬᠡᠵᠢᠶᠡᠳᠡ ᠪᠠᠨ ᠪᠤᠳᠤᠭᠳᠠᠨᠠ᠃ | ︽ᠵᠢᠷᠭᠠᠯᠠᠩᠲᠦ︾ ᠨᠠᠰᠤᠲᠠᠶᠢᠴᠦᠳ ᠤᠨ ᠠᠰᠠᠷᠠᠭᠴᠢ ᠶᠢᠨ ᠬᠦᠷᠢᠶᠡᠯᠡᠩ ᠦᠨᠦᠳᠦᠷ ᠡᠯᠦᠢ ᠬᠤᠯᠦᠢ᠃ ᠬᠦᠮᠦᠰ ᠪᠦᠷ ᠰᠢᠨᠡᠯᠡᠬᠦ ᠪᠠᠷ ᠬᠠᠷᠢᠵᠠᠭᠠᠭᠰᠠᠨ | ᠪᠤᠯᠬᠤᠷ ᠬᠤᠭᠤᠰᠤᠨ ᠪᠠᠶᠢᠰᠢᠩ ᠬᠦᠷᠢᠶᠡ ᠨᠢ ᠭᠠᠭᠴᠠᠭᠠᠷᠳᠠᠯ ᠶᠠᠭᠤ ᠭᠡᠳᠡᠭ ᠢ ᠦᠵᠡᠭᠦᠯᠵᠤ ᠪᠠᠶᠢᠯᠠ᠃ ᠬᠡᠳᠦᠨ ᠲᠠᠪᠠᠭ ᠦᠨᠳᠦᠷ ᠤᠯᠢᠶᠠᠰᠤ ᠰᠠᠯᠬᠢᠨ ᠳᠤ | ᠲᠠᠶᠢᠪᠤᠡᠭ ᠨᠠᠶᠢᠭᠤᠬᠤ ᠨᠢ ᠶᠠᠭ ᠯᠠ ᠡᠨᠡ ᠬᠦᠷᠢᠶᠡᠨ ᠤ ᠡᠵᠡᠷᠬᠡᠭᠴᠢ ᠪᠤᠯ ᠪᠢ ᠭᠡᠭᠦ ᠰᠢᠭ᠃ | ᠭᠦᠷᠢᠶᠠᠨ ᠡᠭᠦᠳᠡᠨ ᠲᠡᠭᠡᠷᠡ ᠠᠰᠠᠷᠠᠭᠴᠢᠳ ᠨᠠᠰᠤᠲᠠᠶᠢᠴᠤᠳ ᠢ ᠨᠢᠭᠡ ᠨᠢᠭᠡ ᠪᠠᠷ ᠬᠡᠤᠬᠡᠳ ᠤᠳ ᠲᠤ ᠨᠢ ᠳᠤᠰᠢᠶᠠᠵᠤ᠄ ︽ᠰᠢᠨᠠ ᠵᠢᠯ ᠲᠤ ᠪᠠᠨ ᠪᠠᠶᠠ ᠪᠠᠨ | ᠰᠠᠶᠢᠬᠠᠨ ᠰᠤᠪᠢᠯᠠᠨ᠂ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠪᠠᠶᠢᠭᠠᠷᠠᠢ︕︾ ᠭᠡᠵᠦ ᠮᠤᠷᠳᠠᠭᠤᠯᠵᠤ ᠪᠠᠶᠢᠪᠠ᠃ ᠡᠪᠦᠭᠡ ᠡᠮᠡᠭᠡ ᠨᠠᠷ ᠬᠡᠤᠬᠡᠳ ᠲᠠᠢ ᠪᠠᠨ ᠭᠠᠷ ᠭᠠᠷ ᠪᠠᠨ | ᠭᠦᠳᠦᠯᠡᠯᠴᠡᠨ ᠨᠢᠭᠤᠷ ᠳᠠᠭᠠᠨ ᠪᠠᠶᠠᠷ ᠤᠨ ᠭᠡᠭᠡ ᠳᠠᠲᠠᠨᠠ᠃ ᠬᠦᠷᠢᠶᠡᠨ ᠲᠤᠳᠤᠷᠠ ᠲᠠᠮᠢᠷ ᠤᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠠᠨ ᠨᠠᠶᠠᠭᠠᠳ ᠨᠠᠰᠣᠲᠠᠢ ᠠᠪᠤ ᠲᠠᠶ᠋ᠢᠭ ᠢᠶᠠᠨ | ᠲᠤᠭᠰᠢᠯᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠠᠯᠬᠤᠯᠠᠨ ᠲᠤᠭᠲᠠᠪᠤᠷᠢ ᠠᠯᠳᠠᠬᠤ ᠶᠤᠮ᠃ ᠪᠢ ᠲᠡᠷᠡ ᠨᠠᠰᠣᠲᠠᠨ ᠢ ᠦᠵᠡᠮᠡᠭᠴᠡ ᠳᠤᠷᠵᠢ ᠠᠪᠤ ᠪᠠᠶᠢᠭᠠ ᠶᠢ ᠲᠠᠨᠢᠪᠠ᠃ | ᠡᠨᠡ ᠨᠠᠰᠤᠲᠠᠨ ᠬᠡᠳᠦᠶᠢᠪᠡᠷ ᠠᠪᠤ ᠶᠢᠨ ᠬᠠᠮᠲᠤ ᠰᠤᠷᠤᠯᠳᠠᠭᠠᠨ ᠪᠤᠯᠪᠠᠴᠤ᠂ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠪᠢ ᠠᠳᠡ ᠡᠵᠢ ᠪᠠᠨ ᠲᠠᠭᠠᠭᠠᠳ ᠨᠢᠭᠡ ᠬᠤᠯᠠ ᠶᠢᠨ | ᠳᠦᠷᠦᠯ ᠲᠠᠢ ᠵᠤᠯᠭᠠᠬᠤ ᠪᠠᠷ ᠢᠷᠡᠬᠦ ᠳᠡᠭᠡᠨ ᠲᠡᠭᠦᠨ ᠲᠠᠢ ᠰᠠᠶᠢᠬᠠᠨ ᠲᠠᠨᠢᠯᠴᠠᠭᠰᠠᠨ ᠶᠤᠮ᠃ ᠲᠤᠷᠵᠢ ᠠᠪᠤ ᠪᠣᠯ ᠶᠡᠭᠡ ᠡᠶᠡᠯᠳᠡᠭ ᠬᠠᠯᠠᠭᠤᠮᠰᠤᠭ ᠵᠠᠩ ᠲᠠᠢ | ᠬᠦᠮᠦᠨ ᠪᠠᠶᠢᠪᠠ᠃ ᠲᠡᠷᠡ ᠪᠢᠳᠠᠨ ᠲᠠᠢ ᠠᠭᠤᠯᠵᠠᠭᠠᠳ ᠡᠵᠢ ᠲᠠᠢ ᠮᠡᠨᠳᠦᠴᠢᠯᠡᠭᠡᠳ ᠨᠠᠮᠠᠢᠢ ᠦᠵᠡᠮᠡᠭᠴᠡ᠄ ︽ᠡᠨᠡ ᠬᠦᠤ ᠮᠠᠨ ᠤ ᠪᠠᠭᠠᠲᠤᠷ ᠤᠨ ᠵᠠᠯᠠᠭᠤ ᠦᠶᠡ | ᠲᠠᠢ ᠠᠪ ᠠᠳᠠᠯᠢ ᠪᠠᠶᠢᠨᠠ ᠰᠢᠣ᠂ ᠠᠪᠤ ᠴᠢᠨᠢ ᠲᠡᠭᠡᠭᠡᠳ ᠶᠠᠭᠤᠨ ᠳᠠᠭᠠᠨ ᠡᠭᠦᠷᠳᠡᠵᠦ ᠪᠠᠶᠢᠨᠠ︖︾ ᠭᠡᠵᠤ ᠰᠢᠭᠤᠳ ᠨᠠᠳᠠ ᠲᠠᠢ ᠶᠠᠭ ᠲᠠᠨᠢᠯ ᠰᠢᠭ᠋ ᠶᠡᠷᠢᠯᠠ | ᠃ ᠪᠢ ᠄ ︽ᠠᠪᠤ ᠭᠡᠷ ᠲᠤ ᠪᠠᠨ ᠪᠠᠶᠢᠬᠤ ︾ ᠭᠡᠳ ᠯᠠ ᠡᠵᠢ ᠶᠢᠨ ᠲᠡᠷᠭᠡᠳᠡ ᠲᠤᠭᠤᠢ ᠵᠤᠭᠰᠤᠬᠤ ᠳᠤ ᠄ ︽ ᠲᠡᠨᠡᠷ ᠤᠨ ᠡᠷᠢᠬᠦ ᠭᠡᠰᠡᠨ ᠲᠦᠷᠦᠯ ᠢ ᠴᠢᠨᠢ | ᠪᠢ ᠤᠯᠤᠭᠠᠳ ᠦᠭᠭᠦᠶᠠ︾ ᠭᠡᠳ ᠪᠢᠳᠠᠨ ᠢ ᠲᠠᠭᠠᠭᠤᠯᠵᠤ ᠶᠠᠪᠤᠭᠰᠠᠨ ᠪᠢᠯᠠ᠃ ᠲᠤᠷᠵᠢ ᠠᠪᠤ ᠤᠯᠠᠨ ᠦᠭᠡ ᠪᠠᠨ ᠳᠡᠯᠭᠡᠭᠡᠳ ᠯᠠ᠂ ᠪᠢ ᠬᠠᠯᠠᠭᠤᠨ ᠵᠤᠨ ᠤ | ᠲᠡᠮᠡᠭᠡ ᠰᠢᠭ ᠠᠩᠭᠠᠶᠢᠭᠠᠳ ᠰᠤᠨᠤᠰᠴᠤ ᠶᠠᠪᠤᠯᠠ᠃ ᠦᠷᠡ ᠶᠢᠨ ᠭᠠᠭᠴᠠ ᠬᠦᠤ ᠨᠢ ᠭᠧᠷᠮᠠᠨ ᠳᠤ ᠠᠵᠢᠯ ᠲᠠᠢ᠂ ᠰᠢᠨᠠᠯᠠᠬᠦ ᠳᠤ ᠬᠠᠷᠢᠵᠤ ᠢᠷᠡᠳᠡᠭ ᠭᠡᠵᠦ ᠬᠡᠯᠡᠵᠦ | ᠪᠠᠶᠢᠪᠠ᠃ | ᠪᠢ ᠨᠢᠭᠡ ᠠᠵᠢᠯᠴᠢᠨ ᠠᠴᠠ᠄ ︽ᠠᠰᠠᠷᠠᠭᠴᠢ ᠡ᠂ ᠳᠤᠷᠵᠢ ᠠᠪᠤ ᠶᠢᠨ ᠬᠦᠤ ᠨᠢ ᠭᠧᠷᠮᠠᠨ ᠠᠴᠠ ᠢᠷᠡᠭᠡ ᠦᠬᠡᠢ ᠶᠤᠮ ᠤᠤ︖︾ ᠭᠡᠪᠡᠯ᠂ ᠬᠠᠵᠠᠭᠤ ᠶᠢᠨ | ᠨᠢᠭᠡ ᠨᠠᠰᠤᠲᠠᠨ ᠠᠮᠵᠢᠵᠤ᠄ ︽ᠲᠡᠷᠡ ᠰᠤᠯᠢᠶᠠᠳᠦ ᠶᠢᠨ ᠭᠦᠦ ᠨᠢ ᠠᠯᠢ ᠵᠢᠯ ᠢᠷᠡᠵᠤ ᠪᠠᠶᠢᠯᠠ ᠳ᠋ᠠ︖ ᠴᠤᠬᠤᠮ ᠲᠡᠭᠦᠨ ᠳᠤ ᠲᠦᠷᠦᠭᠰᠡᠨ ᠬᠦᠤ ᠪᠠᠶᠢᠳᠠᠭ | ᠦᠬᠡᠢ ᠶᠢ ᠭᠡᠨ ᠮᠡᠳᠡᠯᠡ︾ ᠭᠡᠯᠡ᠃ ᠪᠢ ᠦᠭᠡ ᠲᠠᠭᠤᠨ ᠦᠬᠡᠢ᠂ ᠰᠢᠭᠤᠳ ᠠᠯᠬᠤᠭᠰᠠᠭᠠᠷ ᠬᠦᠷᠢᠶᠡᠨ ᠳᠤ ᠤᠷᠤᠯᠠ᠃ | ᠮᠢᠨᠤ ᠬᠤᠶᠢᠨᠠ ᠠᠴᠠ ᠠᠰᠠᠷᠠᠭᠴᠢ ᠤᠳ᠄ ︽ᠲᠤᠷᠵᠢ ᠡᠪᠤᠭᠡᠨ ᠢ ᠪᠠ᠊ ᠠᠰᠠᠷᠠᠭᠴᠢ ᠭᠡᠷ ᠲᠡᠭᠡᠨ ᠠᠪᠴᠤ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠨᠠ᠂ ᠲᠠ ᠤᠴᠢᠭᠠᠳ ᠴᠦ | ᠬᠡᠷᠡᠭ ᠦᠬᠡᠢ︾ ᠭᠡᠵᠦ ᠬᠠᠰᠬᠢᠷᠠᠬᠤ ᠶᠢ ᠪᠢ ᠰᠤᠨᠤᠰᠤᠭᠰᠠᠨ ᠦᠬᠡᠢ ᠰᠢᠭ᠄ ︽ᠪᠢ ᠳᠤᠷᠵᠢ ᠠᠪᠤ ᠲᠠᠢ ᠪᠠᠨ ᠰᠢᠨᠡᠯᠡᠨᠠ︾ ᠭᠡᠳ ᠯᠠ ᠨᠠᠰᠤᠲᠠᠨ ᠤ ᠪᠠᠶᠢᠷᠢ ᠶᠢ | ᠴᠢᠭᠯᠡᠪᠡ᠃ | ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠮᠢᠨᠢ᠂ ᠡᠳᠦᠷ ᠲᠤ ᠪᠠᠨ ᠦᠷᠡ ᠪᠠᠨ ᠪᠠᠷᠠᠯᠠᠵᠤ ᠪᠠᠶᠢᠭᠠ ᠶᠢ ᠠᠯᠤᠰ ᠲᠤ ᠰᠠᠭᠤᠭᠠ ᠬᠦᠤ ᠨᠢ ᠮᠡᠳᠡᠳᠡᠭ ᠴᠦ ᠪᠤᠯᠪᠠᠤ︖ ᠠᠪᠤ | ᠶᠢᠨ ᠴᠢᠨᠢ ᠳᠦᠷᠢ ᠴᠢᠨᠤ ᠵᠡᠭᠦᠳᠦᠨ ᠳᠤ ᠢᠷᠡᠬᠦ ᠦᠬᠡᠢ ᠴᠦ᠂ ᠴᠢᠨᠤ ᠬᠦᠭᠡᠷᠦᠭᠦᠨ ᠠᠯᠢᠶᠠᠬᠠᠨ ᠴᠢᠷᠠᠢ ᠨᠢ ᠨᠠᠰᠤᠲᠠᠨ ᠤ ᠡᠳᠦᠷ ᠪᠦᠷᠢ ᠶᠢᠨ ᠪᠤᠳᠤᠯ᠂ ᠦᠳᠡᠰᠢ | ᠪᠦᠷᠢ ᠶᠢᠨ ᠵᠡᠭᠦᠳᠦᠨ ᠳᠤ ᠲᠡᠳᠡᠨ ᠲᠠᠢ ᠬᠠᠮᠳᠤ ᠪᠠᠶᠢᠳᠠᠭ᠃ | ᠬᠦᠷᠢᠶᠡᠨ ᠡᠭᠦᠳᠡᠨ ᠤ ᠬᠤᠶᠠᠷ ᠲᠠᠯᠠ ᠳᠤ ᠪᠠᠶᠢᠭᠠ ᠭᠢᠳᠠᠳ ᠮᠤᠩᠭᠤᠯ ᠢᠶᠠᠷ ᠵᠤᠷᠠᠶᠢᠯᠭᠠᠨ ᠪᠢᠴᠢᠭᠰᠡᠨ ︽ᠵᠢᠷᠭᠠᠯᠠᠩᠳᠦ︾ ᠬᠡᠬᠦ ᠲᠤᠮᠦ ᠦᠰᠦᠭ ᠨᠢ ᠵᠠᠭᠤᠨ | ᠮᠧᠲᠷ ᠤᠨ ᠬᠤᠯᠠ ᠠᠴᠠ ᠲᠤᠳᠤᠬᠠᠨ ᠦᠵᠡᠭᠳᠡᠨᠡ᠃ ᠨᠠᠰᠣᠲᠠᠶᠢᠴᠣᠳ ᠤᠨ ᠰᠡᠳᠬᠢᠯ ᠳᠤ ᠡᠨᠡ ᠦᠰᠦᠭ ᠲᠤᠩ ᠵᠢᠵᠢᠭᠬᠡᠨ ᠪᠠᠶᠢᠵᠤ᠂ ᠴᠭᠠᠰᠢᠯᠠᠭᠠᠳ ᠲᠡᠭᠦᠨ ᠢ | ᠴᠡᠭᠡᠵᠢᠯᠡᠵᠤ ᠪᠠᠶᠢᠬᠤ ᠬᠦᠮᠦᠨ ᠬᠡᠳᠦ ᠯᠠ ᠪᠠᠶᠢᠬᠤ ᠳ᠋ᠠ᠃ ︽ᠬᠦᠤ ᠮᠢᠨᠢ᠂ ᠦᠬᠢᠨ ᠮᠢᠨᠢ᠂ ᠭᠡᠷ ᠮᠢᠨᠢ ᠁︾ ᠭᠡᠬᠦ ᠦᠰᠦᠭ ᠤᠳ ᠨᠡᠩ ᠳᠤᠯᠠᠭᠠᠬᠠᠨ | ᠵᠢᠷᠭᠠᠯᠳᠠᠢ ᠰᠠᠨᠠᠭᠳᠠᠳᠠᠭ᠃ | ᠪᠢ ᠡᠨᠡᠬᠦ ᠡᠯᠦᠢ ᠬᠤᠯᠤᠢ ᠪᠠᠶᠢᠭᠠ ᠲᠤᠮᠤ ᠬᠦᠷᠢᠶᠡᠨ ᠳᠤ ᠳᠤᠷᠵᠢ ᠠᠪᠤ ᠶᠢ ᠬᠠᠶᠢᠵᠤ᠂ ᠨᠠᠰᠤᠲᠠᠶᠢᠴᠤᠳ ᠤᠨ ᠪᠠᠶᠢᠷᠢ ᠶᠢᠨ ᠨᠠᠷᠢᠬᠠᠨ ᠭᠤᠲᠤᠮᠵᠢ ᠪᠠᠷ | ᠨᠠᠭᠠᠰᠢ ᠴᠠᠭᠠᠰᠢ ᠭᠡᠰᠡᠯᠡ᠃ ᠨᠢᠭᠡ ᠴᠦ ᠬᠦᠮᠦᠨ ᠦᠭᠡᠢ ᠡᠵᠡᠭᠦᠢ ᠭᠡᠷ ᠤᠳ ᠨᠠᠮᠠᠢᠢ ᠰᠢᠷᠳᠡᠵᠦ᠂ ᠮᠢᠨᠤ ᠠᠯᠬᠤᠬᠤ ᠴᠢᠮᠡᠭᠡ ᠨᠠᠳᠠᠳᠤ ᠬᠠᠨᠢ ᠪᠤᠯᠤᠨᠠ᠃ ᠭᠡᠨᠡᠳᠳᠡ | ᠬᠠᠮᠢᠭᠠ ᠨᠢᠭᠡ ᠬᠦᠮᠦᠨ ᠦᠭᠡ ᠶᠠᠷᠢᠬᠤ ᠰᠢᠭ᠋ ᠰᠤᠨᠤᠰᠲᠠᠵᠤ᠂ ᠲᠡᠷᠡ ᠲᠠᠭᠤ ᠶᠠᠭ ᠲᠤᠭᠤᠰᠬᠠᠨ ᠬᠦᠷᠢᠶᠡᠨ ᠬᠦᠪᠡᠭᠡ ᠪᠠᠷ ᠤᠷᠭᠤᠵᠤ ᠪᠠᠶᠢᠭᠠ ᠦᠨᠳᠦᠷ ᠦᠯᠢᠶᠡᠰᠦᠨ | ᠲᠡᠨᠳᠡ ᠠᠴᠠ ᠲᠤᠭᠤᠯᠳᠠᠯᠠ᠃ ᠪᠢ ᠰᠤᠨᠤᠷ ᠤᠨ ᠰᠡᠷᠡᠮᠵᠡ ᠪᠠᠨ ᠢᠳᠬᠡᠵᠦ᠂ ᠤᠯᠢᠶᠡᠰᠤᠨ ᠮᠤᠳᠤᠳ ᠤᠨ ᠲᠤᠤᠷᠠ ᠤᠴᠢᠯᠠ᠃ ᠳᠤᠷᠵᠢ ᠠᠪᠦ ᠨᠢᠭᠡ ᠦᠨᠳᠦᠷ | ᠤᠯᠢᠶᠠᠰᠤ ᠶᠢ ᠢᠯᠪᠡᠨ᠄ ︽ᠴᠢ ᠴᠦ ᠦᠨᠳᠦᠷ ᠤᠷᠭᠤᠵᠠᠢ ᠳ᠋ᠠ᠂ ᠴᠢᠮᠠ ᠶᠢ ᠨᠢᠯᠬᠠ ᠰᠤᠶᠤᠭᠠ ᠪᠠᠶᠢᠬᠤ ᠳᠤ ᠬᠦᠤ ᠪᠢᠳᠠ ᠬᠤᠶᠠᠷ ᠲᠠᠷᠢᠭᠰᠠᠨ ᠶᠤᠮ︾ ᠬᠡᠵᠦ | ᠨᠢᠯᠪᠤᠰᠦ ᠪᠠᠨ ᠠᠷᠴᠢᠬᠤ ᠰᠢᠭ᠋ ᠪᠤᠯᠤᠯᠠ᠃ | ᠡᠨᠡ ᠨᠢ ᠶᠠᠭ ᠯᠠ ᠬᠦᠤ ᠲᠠᠢ ᠪᠠᠨ ᠨᠠᠷᠭᠢᠵᠤ ᠪᠠᠶᠢᠭᠠ ᠰᠢᠭ᠋᠃ ᠪᠢ ᠤᠷᠤᠨ ᠳᠤ ᠪᠠᠨ ᠵᠤᠭᠰᠤᠭᠠᠳ ᠤᠷᠤᠭᠰᠢ ᠠᠯᠬᠤᠬᠤ ᠵᠤᠷᠢᠭ ᠪᠠᠶᠢᠭᠰᠠᠨ ᠦᠬᠡᠢ᠃ | ᠨᠢᠭᠡ ᠮᠢᠨᠦ᠊ᠲ᠂ ᠬᠤᠶᠠᠷ ᠮᠢᠨᠦ᠊ᠲ ᠁ ᠨᠢᠭᠡ ᠴᠠᠭ ᠭᠡᠳ ᠯᠠ ᠦᠡᠭᠭᠡᠷᠡᠵᠦ ᠪᠠᠶᠢᠯᠠ᠃ ᠭᠡᠨᠡᠳᠲᠠ ᠲᠤᠷᠵᠢ ᠠᠪᠤ ᠮᠢᠨᠤ ᠲᠡᠷᠭᠡᠳᠡ ᠢᠷᠡᠭᠡᠳ᠄ ︽ᠬᠦᠶ᠋ᠢ︕ | ᠮᠢᠨᠤ ᠬᠦᠤ ᠢᠷᠡᠴᠢᠭᠡᠭᠰᠡᠨ ᠪᠠᠶᠢᠵᠤ ᠳ᠋ᠠ᠂ ᠠᠪᠤ ᠨᠢ ᠴᠢᠮᠡ ᠪᠠᠰᠠ ᠯᠠ ᠡᠨᠡ ᠵᠢᠯ ᠢᠷᠡᠵᠦ ᠠᠮᠵᠢᠬᠤ ᠦᠬᠡᠢ ᠪᠤᠢ ᠭᠡᠳ ᠪᠤᠳᠤᠭᠰᠠᠨ᠂ ᠴᠢᠨᠤ ᠲᠠᠷᠢᠭᠰᠠᠨ ᠮᠤᠳᠤ | ᠲᠠᠢ ᠶᠠᠷᠢᠯᠴᠠᠬᠤ ᠠᠴᠠ ᠦᠭᠡᠷᠡ ᠠᠪᠤ ᠲᠠᠢ ᠴᠢᠨᠢ ᠬᠠᠨᠢ ᠪᠤᠯᠬᠤ ᠬᠦᠮᠦᠨ ᠦᠬᠡᠢ ᠯᠠ ᠳ᠋ᠠ︾ ᠭᠡᠵᠦ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠮᠢᠨᠤ ᠬᠠᠴᠠᠷ ᠢ ᠦᠨᠦᠰᠦᠪᠡ᠃ | ᠪᠢ ᠵᠢᠭᠠᠬᠠᠨ ᠴᠠᠭ ᠶᠠᠭ ᠶᠠᠭᠤ ᠬᠡᠯᠡᠬᠦ ᠪᠠᠨ ᠤᠯᠬᠤ ᠦᠬᠡᠢ ᠤᠳᠠᠵᠤ ᠤᠳᠠᠭᠠᠳ᠄ ︽ᠢᠷᠡᠴᠢᠭᠡᠭᠰᠡᠨ ᠠᠪᠤ ᠡ ᠁︾ ᠭᠡᠳ ᠨᠠᠰᠤᠲᠠᠨ ᠤ ᠬᠤᠶᠠᠷ ᠭᠠᠷ | ᠠᠴᠠ ᠪᠠᠷᠢᠯᠠ᠃ ︽ᠡᠷᠳᠡᠭᠡᠭᠦᠷ ᠤᠲᠠᠰᠤ ᠪᠠᠷ ᠶᠠᠷᠢᠬᠤ ᠳᠠᠭᠠᠨ᠂ ᠲᠠᠨᠳᠡ ᠰᠦᠷᠡᠬᠡᠢ ᠶᠠᠭᠠᠷᠠᠤ ᠪᠠᠶᠢᠨᠠ ᠬᠡᠰᠡᠨ ᠰᠢᠳᠡ᠂ ᠤᠳᠤ ᠲᠡᠭᠡᠭᠡᠳ ᠬᠦᠤ ᠮᠢᠨᠢ ᠠᠳᠡ | ᠢᠡᠭᠬᠢᠭᠡᠳ ᠵᠤᠭᠰᠤᠬᠤ ᠪᠠᠷ ᠠᠪᠤ ᠨᠢ ᠢᠳᠡᠭᠡᠭᠦ ᠦᠬᠡᠢ ᠰᠢᠭ ᠪᠤᠯᠬᠤ ᠶᠤᠮ︾ ᠭᠡᠪᠡᠯ᠄ ︽ᠪᠢ ᠶᠡᠷᠦ ᠨᠢ ᠲᠠᠨ ᠤ ᠁︾ ᠭᠡᠵᠦ ᠴᠠᠭᠠᠰᠢ ᠶᠠᠮᠠᠷ ᠦᠬᠡ | ᠵᠤᠬᠢᠶᠠᠵᠤ ᠬᠡᠯᠡᠬᠦ ᠪᠠᠨ ᠮᠡᠳᠡᠬᠦ ᠦᠬᠡᠢ ᠪᠤᠯᠵᠤ᠄ ︽ᠪᠢ ᠲᠠᠨ ᠢ ᠰᠠᠨᠠᠭᠠᠳ ᠁︾ ᠭᠡᠵᠦ ᠨᠠᠰᠣᠲᠠᠨ ᠢ ᠰᠢᠷᠳᠡᠪᠡ᠃ | ᠪᠢ ᠨᠠᠰᠣᠲᠠᠨ ᠢ ᠲᠦᠰᠢᠭᠡᠳ ᠰᠠᠭᠤᠳᠠᠭ ᠭᠡᠷ ᠲᠤ ᠨᠢ ᠤᠷᠤᠯᠠ᠃ ᠭᠡᠷ ᠤᠨ ᠪᠦᠬᠦ ᠬᠡᠷᠡᠮ ᠲᠡᠭᠡᠷᠡ ᠪᠠᠨ ᠨᠢᠭᠡ ᠯᠠ ᠵᠠᠯᠠᠭᠤ ᠬᠦᠮᠦᠨ ᠤ ᠰᠠᠭᠦᠳᠡᠷ ᠢ | ᠨᠠᠭᠠᠭᠠᠳ ᠨᠢᠳᠦ ᠡᠷᠢᠶᠡᠯᠵᠡᠨᠡ᠃ ᠪᠢ ᠰᠡᠭᠦᠳᠡᠷ ᠢ ᠬᠠᠷᠠᠪᠠᠯ ᠲᠤᠷᠵᠢ ᠠᠪᠤ᠄ ︽ᠬᠦᠤ ᠮᠢᠨᠢ ᠶᠠᠭᠤ ᠶᠢ ᠨᠢ ᠭᠠᠶᠢᠬᠠᠬᠤ ᠪᠤᠢ᠂ ᠪᠦᠷ ᠯᠠ ᠴᠢᠨᠤ ᠰᠡᠭᠦᠳᠡᠷ ᠰᠢᠳᠡ᠂ | ᠴᠢ ᠪᠢᠴᠢᠭ ᠤᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠪᠠᠶᠢᠭᠠ ᠰᠡᠭᠦᠳᠡᠷ ᠢ ᠦᠵᠡᠭᠰᠡᠨ ᠦᠬᠡᠢ ᠤᠳᠠᠯᠠ ᠰᠢᠤ᠂ ᠴᠢᠮᠠ ᠳᠤ ᠡᠨᠡ ᠰᠡᠭᠦᠳᠡᠷ ᠪᠠᠶᠢᠭᠠ ᠪᠢᠯᠢᠤ︖ ᠡᠵᠢ ᠴᠢᠨᠢ | ᠪᠤᠷᠬᠠᠨ ᠪᠤᠯᠤᠭᠠᠳ ᠬᠤᠷᠢᠨ ᠵᠢᠯ ᠪᠤᠯᠵᠤ ᠪᠠᠶᠢᠨᠠ᠂ ᠡᠪᠡᠳᠴᠢᠨ ᠭᠡᠳᠡᠭ ᠰᠠᠯᠵᠤ ᠪᠤᠯᠳᠠᠭ ᠦᠬᠡᠢ ᠵᠤᠪᠠᠯᠠᠩ᠂ ᠠᠢ︕ ᠪᠠᠶᠢᠪᠠᠯ ᠪᠠᠶᠢᠳᠠᠭ ᠯᠠ ᠬᠦᠮᠦᠨ ᠳ᠋ᠠ ᠁ | ︾ ᠭᠡᠵᠦ ᠲᠤᠷᠵᠢ ᠠᠪᠦ ᠨᠢᠭᠡ ᠨᠤᠭᠤᠭᠠᠨ ᠲᠤᠷᠭᠠᠨ ᠲᠡᠪᠡᠯ ᠲᠠᠢ ᠵᠠᠯᠠᠭᠤᠬᠠᠨ ᠪᠦᠰᠡᠭᠦᠢ ᠪᠤᠯᠤᠨ ᠬᠦᠬᠡ ᠲᠤᠷᠭᠠᠨ ᠲᠡᠪᠡᠯ ᠲᠠᠢ ᠵᠠᠯᠠᠭᠤ ᠬᠤᠶᠠᠭᠤᠯᠠ ᠲᠤᠮᠳᠠ ᠪᠠᠨ | ᠲᠤᠯᠤᠭᠠ ᠨᠠᠢᠮᠠᠨ ᠨᠠᠰᠤᠨ ᠤ ᠪᠢᠴᠢᠬᠠᠨ ᠬᠦᠤ ᠲᠡᠪᠡᠷᠢᠭᠰᠡᠨ ᠰᠡᠭᠦᠳᠡᠷ ᠢ ᠨᠠᠳᠠ ᠦᠭᠭᠦᠯᠠ᠃ ᠪᠢ ᠰᠢᠭᠤᠳ ᠯᠠ᠄ ︽ᠠᠪᠤ ᠡ᠂ ᠡᠨᠡ ᠰᠡᠭᠦᠳᠡᠷ ᠨᠠᠳᠠᠳᠦ ᠪᠠᠶᠢᠨᠠ︾ | ᠭᠡᠳ ᠠᠵᠢᠭ ᠴᠦ ᠦᠬᠡᠢ ᠬᠤᠳᠠᠯ ᠬᠡᠯᠡᠪᠡ᠃ ᠰᠡᠭᠦᠳᠡᠷ ᠳᠡᠭᠡᠷᠡᠬᠢ ᠪᠦᠰᠡᠭᠦᠢ ᠴᠡᠪᠡᠷᠬᠡᠨ ᠭᠤᠶᠤᠬᠠᠨ ᠬᠦᠮᠦᠨ ᠪᠠᠶᠢᠯᠠ᠃ | ᠪᠢ ᠤᠬᠤᠷ ᠭᠡᠵᠢᠭᠡ ᠲᠠᠢ ᠪᠤᠯᠬᠤᠷ᠂ ᠪᠡᠶᠡ ᠪᠠᠨ ᠲᠡᠳᠡᠨ ᠤ ᠬᠦᠤ ᠲᠠᠢ ᠠᠳᠠᠯᠢᠳᠬᠠᠵᠤ ᠦᠵᠡᠯᠡ᠃ ᠪᠤᠷᠬᠠᠨ ᠡ︕ ᠪᠢ ᠪᠡᠶᠡ ᠪᠠᠨ ᠶᠠᠭ ᠢᠳᠡᠭᠡᠭᠦ ᠶᠢᠨ | ᠠᠷᠭᠠ ᠦᠬᠡᠢ ᠳ᠋ᠠ᠃ ᠨᠠᠳᠠ ᠴᠢᠳᠬᠦᠷ ᠤᠷᠤᠰᠢᠭᠰᠠᠨ ᠴᠦ ᠪᠤᠯᠪᠠᠤ︖ ᠭᠡᠳ ᠬᠠᠴᠠᠷ ᠢᠶᠠᠨ ᠴᠢᠮᠬᠢᠵᠦ ᠦᠵᠡᠪᠡᠯ ᠰᠦᠷᠡᠬᠡᠢ ᠯᠠ ᠡᠪᠡᠳᠦᠯᠡ᠃ ᠰᠢᠯ ᠲᠡᠭᠡᠷᠡ | ᠴᠢᠷᠠᠢ ᠪᠠᠨ ᠰᠠᠶᠢᠬᠠᠨ ᠰᠢᠨᠵᠢᠭᠡᠳ ᠪᠠᠶᠢᠬᠤᠯᠠᠷ᠂ ᠬᠡᠷᠡᠮ ᠲᠤ ᠨᠠᠭᠠᠵᠤ ᠪᠠᠶᠢᠭᠠ ᠰᠡᠭᠦᠳᠡᠷ ᠲᠠᠢ ᠮᠠᠰᠢ ᠠᠳᠠᠯᠢ ᠲᠦᠷᠢ ᠲᠠᠢ ᠪᠠᠶᠢᠪᠠ᠃ ᠪᠢ ᠶᠠᠭᠠᠬᠢᠭᠠᠳ ᠲᠤᠷᠵᠢ | ᠠᠪᠤ ᠶᠢᠨ ᠬᠦᠤ ᠲᠠᠢ ᠡᠶᠢᠮᠦ ᠠᠳᠠᠯᠢ ᠪᠤᠢ︖ ᠭᠡᠵᠦ ᠪᠤᠳᠤᠭᠠᠳ ᠪᠤᠳᠤᠭᠠᠳ ᠢᠨᠢᠶᠡᠳᠦ ᠴᠦ ᠬᠦᠷᠦᠯᠡ᠃ ᠭᠡᠪᠡᠴᠦ ᠪᠠᠭᠠ ᠠᠶᠢᠳᠠᠰ ᠬᠦᠷᠴᠦ᠂ ᠢᠡᠭᠬᠢᠵᠦ | ᠨᠠᠰᠤᠲᠠᠢ ᠬᠦᠮᠦᠨ ᠢ ᠮᠡᠬᠡᠯᠡᠭᠡᠳ ᠪᠤᠯᠬᠤ ᠦᠬᠡᠢ ᠰᠢᠤ᠃ ᠨᠠᠳᠠᠳᠤ ᠪᠣᠯ ᠡᠨᠡ ᠪᠦᠬᠦᠨ ᠪᠦᠷ ᠠᠰᠠᠭᠤᠯᠳᠠ︕ ᠲᠤᠷᠵᠢ ᠠᠪᠤ ᠪᠠᠶᠠᠷᠯᠠᠭᠠᠳ ᠶᠠᠭ ᠯᠠ ᠠᠷᠪᠠᠨ ᠨᠠᠰᠤ | ᠵᠠᠯᠠᠭᠤᠵᠢᠭᠰᠠᠨ ᠰᠢᠭ᠋ ᠪᠠᠶᠢᠯᠠ᠃ | ᠪᠢ ᠡᠨᠡ ᠪᠦᠬᠦᠨ ᠢ ᠰᠡᠳᠭᠢᠭᠦ ᠶᠢᠨ ᠴᠢᠯᠦᠬᠡᠨ ᠳᠤ ᠲᠤᠷᠵᠢ ᠠᠪᠤ ᠬᠠᠷᠢᠨ ᠭᠠᠳᠠᠨᠠ ᠭᠠᠷᠤᠭᠠᠳ᠄ ︽ᠪᠠ᠊ ᠠᠰᠠᠷᠠᠭᠴᠢ ᠡ᠂ ᠮᠢᠨᠤ ᠬᠦᠤ ᠢᠷᠡᠴᠢᠬᠡᠭᠰᠡᠨ᠂ | ᠪᠢ ᠡᠨᠡ ᠵᠢᠯ ᠲᠠᠨ ᠤ ᠳᠤ ᠤᠴᠢᠵᠤ ᠰᠢᠨᠡᠯᠡᠬᠦ ᠦᠭᠡᠢ︾ ᠭᠡᠳ ᠦᠨᠳᠦᠷ ᠲᠠᠭᠤᠨ ᠢᠶᠠᠷ ᠬᠡᠯᠡᠨᠡ᠃ ᠪᠠ᠊ ᠠᠰᠠᠷᠠᠭᠴᠢ ᠭᠡᠷ ᠲᠤ ᠤᠷᠤᠭᠠᠳ ᠮᠢᠨᠤ ᠲᠤᠭᠢᠯᠭᠠ ᠪᠠᠷ | ᠶᠠᠭᠤ ᠪᠤᠯᠤᠭᠰᠠᠨ ᠢ ᠮᠡᠳᠡᠭᠡᠳ᠄ ︽ᠬᠠᠷᠢᠨ ᠰᠢᠳᠡ᠂ ᠨᠠᠰᠤᠲᠠᠨ ᠲᠠᠨ ᠳᠤ ᠪᠠᠶᠠᠷ ᠬᠦᠷᠭᠡᠶᠡ︾ ᠭᠡᠳ ᠮᠢᠨᠤ ᠬᠠᠨᠴᠤᠨ ᠠᠴᠠ ᠲᠠᠲᠠᠭᠠᠳ᠄ ︽ᠨᠠᠰᠣᠲᠠᠨ ᠡ᠂ ᠪᠢ | ᠬᠦᠤ ᠳᠤ ᠴᠢᠨᠢ ᠬᠡᠳᠦᠨ ᠶᠠᠷᠢᠬᠤ ᠴᠢᠬᠤᠯᠠ ᠤᠴᠢᠷ ᠪᠠᠶᠢᠨᠠ᠂ ᠲᠠᠨ ᠤ ᠠᠮᠢᠳᠤᠷᠠᠯ ᠤᠨ ᠰᠤᠶᠢᠳᠬᠡᠯ ᠤᠨ ᠤᠴᠢᠷ︾ ᠭᠡᠳ ᠨᠠᠮᠠᠢᠢ ᠲᠠᠭᠠᠭᠤᠯᠠᠭᠠᠳ ᠭᠠᠷᠤᠯᠠ᠃ | ᠪᠠ᠊ ᠠᠰᠠᠷᠠᠭᠴᠢ᠂ ᠠᠯᠪᠠᠨ ᠭᠡᠷ ᠲᠡᠭᠡᠨ ᠤᠷᠤᠭᠠᠳ ᠨᠠᠳᠠᠳᠤ ᠨᠢᠭᠡ ᠵᠠᠬᠢᠳᠠᠯ ᠦᠵᠡᠭᠦᠯᠦᠭᠡᠳ᠄ ︽ᠭᠤᠷᠪᠠᠨ ᠵᠢᠯ ᠤᠨ ᠡᠮᠦᠨᠡ ᠨᠠᠰᠣᠲᠠᠨ ᠤ ᠬᠦᠤ ᠨᠢ | ᠡᠪᠡᠳᠴᠢᠨ ᠢᠶᠠᠷ ᠭᠧᠷᠮᠠᠨ ᠳᠤ ᠨᠠᠰᠤ ᠪᠠᠷᠠᠭᠰᠠᠨ᠃ ᠠᠳᠡ ᠬᠦᠤ ᠶᠢᠨ ᠬᠢᠨᠢ ᠪᠦᠬᠦ ᠬᠦᠷᠦᠩᠭᠡ ᠪᠠ ᠮᠦᠡᠭᠭᠦ ᠵᠤᠭᠤᠰ ᠢ ᠨᠠᠰᠣᠲᠠᠨ ᠳᠤ ᠭᠤᠷᠪᠠᠨ ᠵᠢᠯ ᠤᠨ ᠡᠮᠦᠨᠡ | ᠭᠤᠶᠢᠪᠢᠭᠤᠯᠤᠭᠰᠠᠨ᠂ ᠪᠢ ᠡᠭᠦᠨ ᠢ ᠬᠠᠮᠢᠶᠠᠷᠤᠨ ᠬᠤᠷᠢᠶᠠᠵᠦ ᠪᠠᠶᠢᠨᠠ᠃ ᠪᠢ ᠤᠳᠠᠭᠠ ᠪᠤᠯᠭᠠᠨ ᠮᠦᠡᠭᠬᠦ ᠪᠤᠯᠤᠨ ᠬᠤᠪᠴᠠᠰᠤ ᠡᠨᠡ ᠲᠡᠷᠡ ᠶᠢ ᠦᠭᠬᠦ ᠳᠤ ᠪᠠᠨ | ᠬᠦᠤ ᠴᠢᠨᠢ ᠢᠯᠡᠭᠡᠭᠰᠡᠨ ᠭᠡᠳᠡᠭ᠃ ᠪᠢ ᠪᠠᠰᠠ ᠵᠠᠷᠢᠮ ᠳᠤ ᠪᠠᠨ ᠬᠤᠭᠤᠯᠠᠢ ᠪᠠᠨ ᠦᠳᠬᠡᠨ ᠪᠤᠯᠤᠭᠠᠭᠠᠳ ᠭᠠᠷ ᠤᠲᠠᠰᠤ ᠪᠠᠷ ᠬᠦᠤ ᠶᠢ ᠨᠢ ᠤᠷᠤᠯᠠᠨ ᠶᠡᠷᠢᠳᠠᠭ᠃ | ᠴᠢ ᠲᠡᠭᠡᠷᠡ ᠤᠳᠠᠭᠠ ᠪᠠᠰᠠ ᠨᠠᠰᠤᠲᠠᠨ ᠲᠠᠢ ᠮᠠᠰᠢ ᠶᠠᠷᠢᠶᠠ ᠨᠠᠶᠢᠯᠠᠵᠦ ᠯᠠ ᠪᠠᠶᠢᠭᠰᠠᠨ ᠰᠢᠳᠡ᠂ ᠤᠳᠤ ᠬᠠᠷᠢᠨ ᠨᠡᠩ ᠴᠢᠷᠮᠡᠶᠢᠬᠤ ᠶᠢ ᠪᠢ ᠬᠦᠰᠡᠶᠡ ᠳᠡᠭᠦᠤ ᠮᠢᠨᠢ︕ | ᠲᠡᠭᠦᠨ ᠤ ᠭᠡᠷ ᠤᠨ ᠬᠢᠨᠢ ᠲᠦᠯᠬᠢᠭᠦᠷ᠂ ᠨᠠᠰᠤᠲᠠᠨ ᠯᠠᠪ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠰᠢᠨᠡᠯᠡᠨᠡ ᠬᠡᠬᠦ ᠪᠤᠢ᠂ ᠵᠠ︕ ᠲᠡᠭᠦᠤ ᠮᠢᠨᠢ ᠠᠵᠢᠯ ᠢ ᠬᠢᠪᠡᠯ ᠲᠠᠭᠤᠰᠬᠠᠳᠠᠯᠠ ︾ | ᠭᠡᠳ ᠬᠠᠮᠤᠭ ᠡᠭᠦᠷᠭᠡ ᠶᠢ ᠨᠠᠳᠠᠳᠤ ᠳᠤᠰᠢᠶᠠᠯᠠ᠃ ︽ᠡᠭᠡᠴᠢ ᠡ᠂ ᠪᠢ ᠶᠠᠭᠠᠬᠢᠵᠤ ᠬᠢᠬᠦ ᠪᠤᠢ ᠠᠶᠤᠵᠦ ᠪᠠᠶᠢᠨᠠ︾ ᠭᠡᠪᠡᠯ ᠪᠠ᠊ ᠠᠰᠠᠷᠠᠭᠴᠢ᠄ ︽ᠪᠠᠶᠠᠷ ᠵᠢᠷᠭᠠᠯ | ᠤᠨ ᠲᠦᠯᠦᠭᠡ᠂ ᠳᠡᠭᠦᠤ ᠮᠢᠨᠢ ᠁︾ ᠭᠡᠪᠡ᠃ | ᠪᠢ ᠲᠡᠷᠭᠡᠨ ᠳᠤ ᠪᠠᠨ ᠲᠤᠷᠵᠢ ᠠᠪᠤ ᠶᠢ ᠰᠠᠭᠤᠯᠭᠠᠭᠠᠳ ᠲᠡᠳᠡᠨ ᠤ ᠭᠡᠷ ᠵᠦᠭ ᠶᠠᠪᠤᠬᠤ ᠳᠤ᠄ ︽ᠬᠦᠤ ᠮᠢᠨᠢ᠂ ᠪᠢᠳᠠ ᠭᠡᠷ ᠲᠤ ᠪᠠᠨ ᠬᠠᠷᠢᠵᠤ ᠰᠢᠨᠡᠯᠡᠭᠡ | ᠦᠬᠡᠢ ᠤᠳᠠᠵᠤ ᠪᠠᠶᠢᠨᠠ᠂ ᠨᠢᠭᠡ ᠰᠠᠶᠢᠬᠠᠨ ᠰᠢᠨᠡᠯᠡᠶᠡ ᠳ᠋ᠠ︕ ᠠᠶᠢᠯ ᠠᠶᠢᠮᠠᠭ ᠤᠨ ᠨᠠᠶᠢᠵᠠ ᠨᠦᠬᠦᠳ ᠢᠶᠠᠨ ᠪᠦᠷ ᠲᠠᠭᠤᠳᠠᠨ ᠨᠠᠶᠢᠷ ᠬᠢᠶᠡ᠂ ᠴᠠᠭᠠᠨ ᠰᠠᠷᠠ | ᠶᠢᠨ ᠠᠷᠪᠠᠳ ᠪᠤᠯᠬᠤ ᠳᠤ ᠴᠢ ᠪᠠᠰᠠ ᠯᠠ ᠶᠠᠪᠤᠴᠢᠬᠠᠨᠠ᠂ ᠪᠠᠭᠠ ᠶᠢᠨ ᠨᠠᠶᠢᠵᠠ ᠨᠠᠷ ᠲᠠᠢ ᠪᠠᠨ ᠬᠡᠳᠦᠨ ᠡᠳᠦᠷ ᠨᠠᠷᠭᠢᠵᠦ ᠰᠠᠭᠤ ᠳ᠋ᠠ ᠬᠦᠤ ᠮᠢᠨᠢ︾ ᠭᠡᠵᠦ ᠨᠠᠮᠠᠢᠢ | ᠴᠤᠭᠤ ᠰᠢᠷᠳᠡᠨᠡ᠃ | ︽ᠠᠪᠤ ᠡ᠂ ᠪᠢ ᠳᠠᠬᠢᠭᠠᠳ ᠬᠠᠮᠢᠭᠠ ᠴᠦ ᠶᠠᠪᠤᠬᠤ ᠦᠭᠡᠢ᠂ ᠭᠡᠷ ᠲᠤ ᠪᠠᠨ ᠲᠠᠨ ᠲᠠᠢ ᠰᠠᠭᠤᠨᠠ︾ ᠭᠡᠪᠡᠯ᠄ ︽ᠵᠠ ᠵᠠ᠂ ᠠᠪᠤ ᠨᠢ ᠪᠠᠶᠠᠷᠯᠠᠵᠤ | ᠪᠠᠶᠢᠨᠠ᠂ ᠪᠢ ᠲᠡᠳᠡᠭᠡᠷ ᠨᠠᠰᠤᠲᠠᠳ ᠲᠤ ᠮᠢᠨᠤ ᠬᠦᠤ ᠡᠨᠡ ᠡᠳᠦᠷ ᠢᠷᠡᠨᠡ ᠭᠡᠰᠡᠨ ᠳᠤ᠂ ᠳᠡᠲᠡ ᠨᠠᠮᠠᠢᠢ ᠰᠤᠯᠢᠶᠡᠲᠦ ᠭᠡᠨᠡ᠂ ᠤᠳᠤ ᠪᠦᠷ ᠢᠷᠡᠭᠡᠳ ᠪᠠᠶᠢᠨᠠ᠂ ᠪᠢ | ᠰᠤᠯᠢᠶᠡᠳᠤ ᠪᠢᠰᠢ︾ ᠭᠡᠳ ᠨᠢᠯᠪᠤᠰᠦ ᠪᠠᠨ ᠠᠷᠴᠢᠨᠠ᠃ ︽ᠠᠪᠤ ᠡ᠂ ᠪᠢᠳᠠ ᠲᠠᠬᠢᠭᠠᠳ ᠠᠰᠠᠷᠠᠭᠴᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ ᠰᠠᠭᠤᠬᠤ ᠦᠬᠡᠢ᠂ ᠬᠦᠤ ᠨᠢ | ᠬᠡᠵᠢᠶᠡᠳᠡ ᠲᠠᠨ ᠤ ᠲᠡᠷᠭᠡᠳᠡ ᠪᠠᠶᠢᠭᠠ ᠰᠢᠣ᠂ ᠤᠳᠤ ᠪᠢᠳᠠ ᠦᠡᠭᠭᠡᠷᠡᠭᠰᠡᠨ ᠤ ᠤᠴᠢᠷ ᠢ ᠶᠠᠷᠢᠬᠤ ᠦᠬᠡᠢ᠂ ᠢᠷᠡᠭᠡᠳᠦᠢ ᠨᠡᠩ ᠵᠤᠯ ᠵᠢᠷᠭᠠᠯᠳᠠᠢ ᠪᠤᠯᠤᠨᠠ︾ ᠭᠡᠪᠡᠯ | ᠲᠤᠷᠵᠢ ᠠᠪᠤ ᠲᠤᠯᠤᠭᠠᠢ ᠳᠤᠬᠢᠨᠠ᠃ | ᠡᠨᠡ ᠡᠳᠦᠷ ᠬᠦᠤ ᠮᠢᠨᠢ ᠢᠷᠡᠨᠡ︕ ᠠᠵᠠ ᠵᠢᠷᠭᠠᠯ ᠨᠠᠳᠠ ᠲᠠᠢ ᠬᠠᠮᠲᠤ᠃ | | | | | | | | | | | | | | | |