ᠮᠡᠯᠮᠡᠷᠡᠨ ᠬᠠᠶᠢᠯᠬᠤ ᠮᠢᠨᠦ ᠬᠠᠶᠢᠷ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2022/8/23
ᠮᠡᠯᠮᠡᠷᠡᠨ ᠬᠠᠶᠢᠯᠬᠤ ᠮᠢᠨᠦ ᠬᠠᠶᠢᠷ᠎ᠠ                             ᠭᠠᠯᠳᠠᠳ᠂ ᠭᠤᠷᠪᠠ ᠠᠲᠠᠷ ᠤᠨ ᠴᠡᠴᠡᠭ ᠢ ᠢᠴᠢᠭᠡᠮᠡᠷ ᠠᠷᠢᠭᠤᠨ ᠲᠠᠭᠢᠨᠢᠰ ᠤᠨ ᠭᠠᠯᠪᠢᠷ ᠲᠠᠢ ᠠᠪᠤ ᠶᠢᠨ ᠴᠡᠪᠡᠷᠭᠡᠨ ᠦᠬᠢᠨ ᠲᠠᠨ ᠢ ᠪᠠᠨ ᠠᠯᠠᠭ ᠵᠢᠷᠦᠭᠡ ᠪᠠᠨ ᠤᠨᠠᠭᠠᠵᠤ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠠᠷ ᠬᠠᠶᠠᠯᠠᠨ ᠲᠤᠯᠭᠢᠰᠬᠤ ᠠᠯᠲᠠᠨ ᠨᠤᠲᠤᠭ ᠤᠨ ᠲᠦᠯᠭᠡᠭᠡᠨ ᠨᠠᠭᠤᠷ ᠰᠢᠤᠬᠠᠨ ᠠᠪᠤᠷᠢ ᠠᠭᠠᠰᠢ ᠵᠠᠩ ᠳᠤ ᠴᠢᠨᠢ ᠠᠰ ᠪᠡᠶ᠎ᠡ ᠮᠢᠨᠢ ᠦᠢᠴᠢᠵᠤ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠡᠭᠡᠷᠡᠮ᠎ᠠ ᠲᠠᠯ᠎ᠠ ᠶᠢᠨ ᠦᠷᠦᠴᠡᠨ ᠠᠴᠠ ᠡᠷᠪᠡᠭᠡᠢ ᠰᠢᠤᠬᠠᠨ ᠲᠡᠷᠪᠡᠵᠤ ᠭᠠᠷᠤᠭᠰᠠᠨ ᠡᠭᠡᠯᠢᠲᠠᠢ ᠮᠤᠩᠭᠤᠯ ᠡᠵᠢ ᠶᠢᠨ ᠦᠬᠢᠨ ᠲᠠᠨ ᠢ ᠪᠠᠨ ᠡᠯᠢᠭᠡ ᠵᠢᠷᠦᠭᠡᠨ ᠳᠡᠭᠡᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠡᠪᠤᠷ ᠲᠤᠯᠠᠭᠠᠬᠠᠨ  ᠡᠬᠡ ᠤᠷᠤᠨ ᠤ ᠮᠢᠨᠢ ᠡᠩᠭᠦᠷᠠᠢ ᠬᠦᠭᠡᠷᠦᠬᠦᠨ ᠲᠦᠯ ᠨᠢ ᠪᠤᠯᠤᠭᠰᠠᠨ ᠡᠷᠡᠨ ᠵᠠᠭᠤᠨ ᠤ ᠪᠤᠯᠪᠠᠷᠠᠢ ᠦᠬᠢᠨ ᠲᠠᠨ ᠢ ᠪᠠᠨ ᠡᠨᠡ ᠪᠡᠶ᠎ᠡ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠢᠬᠢᠷ᠎ᠡ ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠠᠴᠠ ᠢᠪᠡᠭᠡᠯ ᠬᠡᠢ ᠮᠤᠷᠢ ᠬᠤᠤᠰᠯᠠᠵᠤ ᠲᠦᠷᠦᠭᠰᠡᠨ ᠢᠵᠢᠯᠬᠡᠨ ᠡᠵᠢ ᠶᠢᠨ ᠰᠡᠳᠭᠡᠯ ᠲᠠᠢ ᠢᠯᠭᠤᠮ ᠬᠦᠭᠡᠷᠦᠭᠦᠨ ᠦᠬᠢᠨ ᠲᠠᠨ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠢᠷᠠᠰ ᠢᠷᠠᠰ ᠮᠦᠰᠢᠶᠡᠨ ᠬᠦᠪᠦᠯᠵᠡᠭᠦ ᠢᠷᠮᠡᠭ ᠬᠦᠪᠡᠭᠡ ᠦᠭᠡᠢ ᠡᠭᠦᠯᠡᠰ ᠤᠨ ᠢᠯᠳᠠᠮᠬᠠᠨ ᠲᠦᠷᠭᠦ ᠶᠢ ᠠᠪᠴᠤ ᠲᠦᠷᠦᠭᠰᠡᠨ ᠢᠯᠭᠤᠭᠰᠠᠨ ᠵᠢᠪᠬᠤᠭᠠᠲᠤ ᠦᠬᠢᠨ ᠲᠠᠨ ᠢ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠤᠷᠴᠢᠯᠠᠩ ᠤᠨ ᠲᠠᠩᠨᠠᠢ ᠳᠤ ᠰᠠᠴᠤᠨ ᠠᠨᠢᠪᠴᠢᠬᠤ ᠤᠲᠤᠨ ᠮᠡᠴᠢᠳ ᠤᠨ ᠬᠢᠯᠪᠠᠭ᠎ᠠ ᠰᠢᠤᠬᠠᠨ ᠤᠶᠤᠨ ᠮᠡᠳᠡᠷᠡᠯ ᠤᠨ ᠮᠢᠨᠢ ᠲᠤᠯᠭ᠎ᠠ ᠶᠢ ᠠᠰᠬᠠᠭᠰᠠᠨ ᠤᠭ᠍ᠶᠤ ᠰᠤᠪᠤᠳ ᠰᠢᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠤᠮᠤᠭᠰᠢᠯ ᠪᠠᠭ᠋ᠠᠷᠬᠠᠯ ᠬᠤᠷᠤᠶᠢᠯᠠᠭᠰᠠᠨ ᠤᠯᠪᠠᠭ᠎ᠠ ᠲᠡᠤᠬᠡᠲᠤ ᠨᠤᠲᠤᠭ ᠤᠨ ᠮᠢᠨᠢ ᠤᠴᠢ ᠨᠢ ᠪᠤᠯᠵᠤ ᠪᠠᠳᠠᠷᠠᠨ ᠲᠡᠯᠭᠡᠷᠡᠭᠰᠡᠨ ᠤᠢ ᠪᠢᠯᠢᠭ ᠬᠤᠷᠴᠠᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠤᠰᠬᠠᠯ ᠲᠤᠩᠭᠠᠯᠠᠭ ᠮᠦᠷᠡᠨ ᠤ ᠪᠠᠨ ᠤᠬᠠᠭ᠎ᠠ ᠶᠢ ᠨᠢ ᠦᠪᠯᠡᠵᠤ ᠲᠦᠷᠦᠭᠰᠡᠨ ᠤᠴᠢᠷ ᠦᠭᠡᠢ ᠭᠤᠶᠤᠬᠠᠨ ᠲᠠᠨ ᠢ ᠪᠠᠨ ᠤᠴᠠᠷᠠᠵᠤ ᠪᠠᠶᠢᠭᠠᠳ ᠬᠠᠶᠢᠷᠠᠯᠠᠭᠰᠠᠨ ᠶᠤᠮ᠃ᠤᠷᠭ᠎ᠠ ᠶᠢᠨ ᠦᠵᠦᠭᠦᠷ ᠨᠠᠭᠢᠯᠵᠠᠭᠤᠯᠤᠨ ᠮᠤᠷᠲᠠᠬᠤ ᠤᠷᠭᠤᠬᠤ ᠨᠠᠷᠠᠨ ᠰᠢᠤᠬᠠᠨ ᠤᠭᠰᠠᠭᠠᠨ ᠤ ᠮᠢᠨᠢ ᠤᠬᠭᠠᠷᠠᠯ ᠭᠡᠭᠡᠷᠡᠯ ᠤᠨ ᠵᠠᠯᠭᠠᠮᠵᠢ ᠪᠤᠯᠤᠭᠰᠠᠨ ᠤᠯᠠᠭᠠᠨ ᠰᠠᠷᠠᠯᠠᠩ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠦᠷᠯᠦᠭᠡ ᠶᠢᠨ ᠰᠢᠬᠦᠳᠡᠷᠢ ᠶᠢᠨ ᠪᠤᠯᠤᠷ ᠮᠦᠬᠦᠯᠢᠭ ᠰᠢᠤᠬᠠᠨ ᠦᠪᠴᠢ ᠪᠡᠶ᠎ᠡ  ᠲᠤᠨᠤᠯᠵᠠᠨ ᠮᠡᠯᠲᠡᠭᠡᠨᠡᠭᠦ ᠦᠭᠭᠢᠶᠡᠮᠦᠷ ᠠᠷᠢᠭᠤᠬᠠᠨ ᠰᠡᠳᠭᠡᠯ ᠲᠠᠢ ᠲᠠᠨ ᠢ ᠪᠠᠨ ᠦᠭᠡᠷ᠎ᠡ ᠦᠭᠡᠢ ᠰᠡᠳᠭᠡᠯ ᠢᠶᠠᠷ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠦᠨᠲᠡᠭᠡᠨ ᠬᠠᠴᠠᠷ ᠤᠨ ᠢᠶᠠᠨ ᠲᠤᠯᠢᠨ ᠳᠠᠭᠠᠨ ᠦᠪ ᠰᠤᠶᠤᠯ ᠤᠨ ᠲᠤᠶᠠᠭ᠎ᠠ ᠲᠠᠲᠠᠭᠤᠯᠤᠭᠰᠠᠨ ᠦᠯᠦᠭᠡᠢ ᠪᠤᠯᠤᠭᠰᠠᠨ ᠨᠤᠲᠤᠭ ᠤᠨ ᠮᠢᠨᠢ ᠦᠡᠭᠭᠡᠲᠤ ᠴᠡᠴᠡᠭ ᠪᠤᠯᠤᠭᠰᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠦᠵᠦᠭᠦᠷ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ  ᠎ ᠤᠨ ᠦᠰᠦᠷᠴᠤ ᠨᠡᠭᠦᠬᠦ ᠡᠭᠦᠯᠡᠨ ᠰᠡᠵᠢᠬᠦᠷ ᠠᠴᠠ ᠦᠡᠭᠭᠡ ᠵᠢᠰᠦ ᠪᠠᠨ ᠰᠤᠩᠭᠤᠨ ᠲᠦᠷᠦᠭᠰᠡᠨ ᠦᠵᠡᠮᠵᠢ ᠲᠡᠭᠦᠰ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠦᠨᠢᠶ᠎ᠡ ᠲᠤᠭᠤᠯ ᠤᠨ ᠢᠪᠡᠯᠭᠡᠨ ᠤ ᠦᠮᠴᠢᠷᠬᠡᠨ ᠵᠦᠭᠡᠯᠡᠨ ᠵᠡᠯᠡᠯᠭᠡᠨ ᠠᠴᠠ ᠦᠯᠢᠭᠡᠷ ᠲᠤᠤᠯᠢᠰ ᠪᠠᠨ ᠰᠤᠶᠤᠷᠬᠠᠵᠤ ᠠᠪᠤᠭᠰᠠᠨ ᠦᠵᠡᠰᠭᠦᠯᠡᠩ ᠭᠤᠸ᠎ᠠ ᠦᠬᠢᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠠᠮᠤᠷ ᠤᠨ ᠰᠢᠪᠠᠭᠤᠳ ᠨᠡᠭᠦᠳᠡᠯᠯᠡᠨ ᠰᠤᠪᠤᠷᠠᠬᠤ ᠨᠠᠷᠠᠨ ᠲᠠᠯ᠎ᠠ ᠶᠢᠨ ᠮᠢᠨᠢ ᠨᠡᠭᠦᠳᠡᠯᠴᠢ ᠤᠭᠰᠠᠭ᠎ᠠ ᠨᠠᠰᠤ ᠪᠠᠨ ᠰᠤᠴᠢᠭᠠᠵᠤ ᠠᠯᠳᠠᠷ ᠢᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ ᠨᠠᠯᠠᠭᠠᠷ ᠲᠠᠯ᠎ᠠ ᠰᠢᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠠᠮ᠎ᠠ ᠶᠢ ᠲᠦᠷᠦᠬᠦᠯᠦᠭᠰᠡᠨ ᠮᠤᠩᠭᠤᠯ ᠡᠵᠢ ᠶᠢᠨ ᠨᠠᠨᠲᠢᠨ ᠰᠤᠷᠲᠠᠯ ᠤᠨ ᠮᠦᠡᠭᠬᠡ ᠶᠢᠨ ᠰᠠᠭᠢᠭᠤᠰᠤ ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠪᠠᠨ ᠡᠶᠡᠰᠴᠤ ᠶᠠᠪᠤᠭᠰᠠᠨ ᠨᠠᠰᠤᠨ ᠤ ᠬᠠᠨᠢ ᠪᠠᠨ ᠭᠡᠵᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠡᠷ᠎ᠡ ᠪᠠᠨ ᠬᠡᠯᠡᠭᠦ ᠦᠭᠡᠢ ᠴᠦ ᠬᠡᠰᠡᠨ ᠨᠡᠭᠡᠭᠡᠭᠰᠡᠨ ᠪᠤᠲᠤᠯ ᠢ ᠴᠢᠨᠢ ᠤᠬᠠᠭᠠᠷᠠᠵᠤ ᠰᠡᠳᠭᠢᠭᠰᠡᠨ ᠨᠡᠷᠡᠭᠦᠢ ᠠᠮᠢᠲᠤᠷᠠᠯ ᠤᠨ ᠪᠡᠷᠭᠡ ᠳᠤ ᠪᠦᠬᠡᠰᠢᠵᠤ ᠶᠠᠪᠤᠭᠰᠠᠨ ᠨᠡᠷᠡᠮᠡᠯ ᠠᠴᠠ ᠠᠮᠲᠠᠲᠠᠶᠢᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠡᠮᠡᠭᠦᠨ ᠲᠤᠭᠲᠠᠭᠤᠨ ᠰᠦᠨᠢ ᠶᠢᠨ ᠬᠦᠨ ᠳᠠᠬᠢ ᠨᠡᠶᠢᠴᠡᠯ ᠵᠤᠬᠢᠴᠠᠯ ᠤᠨ ᠨᠠᠶᠢᠷᠠᠭ ᠡᠰᠭᠡᠭᠰᠡᠨ ᠨᠡᠯᠦᠭᠡᠷ ᠠᠭᠤᠲᠠᠮ ᠪᠤᠲᠤᠯ ᠤᠨ ᠤᠶᠠᠭᠠᠰᠤ ᠲᠠᠢ ᠨᠡᠭᠡᠯ ᠬᠠᠲᠠᠭᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠢᠩᠵᠢᠨ ᠰᠡᠳᠭᠡᠯ ᠤᠨ ᠤᠯᠠᠭᠠᠨ ᠤᠴᠢ ᠪᠠᠷ ᠨᠢᠮᠭᠡᠨ ᠵᠤᠵᠠᠭᠠᠨ ᠢ ᠬᠠᠶᠢᠯᠠᠭᠤᠯᠤᠨ ᠤᠶᠠᠰᠬᠠᠨ ᠨᠢᠭᠡ ᠦᠭᠡᠢ ᠪᠤᠲᠤᠯ ᠢᠶᠠᠨ ᠡᠷᠭᠦᠵᠤ ᠬᠠᠨᠠᠶᠢᠭᠰᠠᠨ ᠨᠢᠭᠡᠨ ᠦᠬᠢᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠨᠢᠷᠤᠭᠤᠨ ᠮᠤᠩᠭᠤᠯ ᠤᠨ ᠲᠠᠯ᠎ᠠ ᠠᠴᠠ ᠨᠢᠭᠤᠯ ᠦᠭᠡᠢ ᠲᠤᠯᠠᠶᠢᠵᠤ ᠬᠡᠷᠡᠯᠲᠦᠭᠰᠡᠨ ᠨᠢᠯᠴᠢᠭᠢᠨᠡᠮ᠎ᠡ ᠬᠠᠯᠠᠭᠤᠨ ᠤᠷᠠᠢ ᠬᠠᠰᠭᠢᠷᠤᠯ ᠤᠨ ᠰᠤᠷᠪᠤᠯᠵᠢ ᠨᠢᠲᠦᠨ ᠠᠯᠠᠭ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠤᠮᠤᠬᠠᠨ ᠪᠤᠯᠪᠠᠷᠠᠢ ᠠᠪᠤᠷᠢ ᠳᠠᠭᠠᠨ ᠨᠤᠶᠢᠲᠠᠨ ᠬᠠᠭᠤᠷᠠᠢ ᠶᠢ ᠪᠠᠭᠳᠠᠭᠠᠵᠤ ᠶᠠᠪᠤᠭᠰᠠᠨ ᠨᠤᠶᠢᠷ ᠠᠴᠠ ᠪᠠᠨ ᠰᠡᠷᠢᠭᠰᠡᠨ ᠴᠡᠯᠮᠡᠭᠦᠨ ᠲᠠᠯ᠎ᠠ ᠰᠢᠤᠬᠠᠨ ᠨᠤᠮᠧᠷ ᠤᠨ ᠠᠩᠬᠠᠨ ᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠤᠮᠢᠨ ᠲᠠᠯ᠎ᠠ ᠶᠢᠨ ᠲᠡᠨᠵᠢᠨ ᠤ ᠨᠤᠭᠤᠭᠠᠨ ᠠᠴᠠ ᠢᠯᠭᠠᠷᠠᠬᠤ ᠴᠡᠴᠡᠭ ᠨᠤᠤᠰᠤᠨ ᠬᠦᠷᠮᠡᠨ ᠤ ᠨᠢᠯ ᠬᠠᠯᠠᠭᠤᠨ ᠢᠶᠠᠷ ᠨᠤᠮᠤᠢ ᠨᠠᠳᠠ ᠪᠠᠨ ᠲᠤᠯᠠᠭᠠᠴᠠᠭᠤᠯᠤᠭᠰᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠤᠭᠤᠰᠤ ᠭᠠᠯᠠᠭᠤ ᠲᠡᠷᠪᠡᠵᠤ ᠨᠤᠤᠭᠢᠭᠰᠠᠨ ᠨᠤᠲᠤᠭ ᠤᠨ ᠨᠠᠭᠤᠷ ᠤᠨ ᠪᠠᠭ᠋ᠠᠲᠤᠯ ᠪᠤᠯᠤᠭᠰᠠᠨ ᠨᠤᠭᠤ ᠶᠢᠨ ᠰᠤᠷᠭᠤᠭ ᠠᠯᠠᠭ ᠴᠡᠴᠡᠭ ᠰᠢᠤᠬᠠᠨ ᠨᠤᠭᠤᠨ ᠭᠤᠸ᠎ᠠ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠤᠮᠤᠨ ᠬᠦᠪᠴᠢ ᠲᠡᠷᠭᠡᠯᠰᠢᠭᠦᠯᠵᠤ ᠶᠠᠪᠤᠭᠰᠠᠨ ᠨᠤᠲᠠ ᠲᠡᠤᠬᠡ ᠶᠢᠨ ᠬᠦᠬᠡ ᠢᠮ ᠢᠶᠠᠷ ᠨᠤᠷᠮᠠᠨ ᠭᠠᠯ ᠤᠨ ᠲᠦᠯᠦ ᠶᠢ ᠠᠰᠬᠠᠵᠤ ᠶᠠᠪᠤᠭᠰᠠᠨ ᠨᠤᠷᠮᠠᠭᠠᠷ ᠪᠤᠰᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠨᠦᠬᠦᠵᠤ ᠪᠢᠴᠢᠬᠦ ᠠᠯᠲᠠᠨ ᠰᠤᠶᠤᠯ ᠢᠶᠠᠨ ᠨᠦᠬᠦᠳ ᠤᠯᠠᠨ ᠲᠠᠢ ᠪᠠᠨ ᠬᠤᠷᠴᠠᠯᠠᠵᠤ ᠶᠠᠪᠤᠭᠰᠠᠨ ᠨᠦᠬᠦᠭᠡᠳᠦᠷ ᠮᠠᠷᠭᠠᠰᠢ ᠳᠤ ᠨᠠᠶᠢᠳᠠᠯ ᠦᠭᠡᠢ ᠨᠦᠮᠦᠭᠡᠨ ᠵᠢᠷᠦᠭᠡᠨ ᠳᠡᠭᠡᠨ ᠬᠠᠳᠠᠭᠠᠯᠠᠭᠰᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠦᠬᠦᠷᠰᠡᠭ ᠬᠠᠯᠠᠭᠤᠨ ᠨᠠᠶᠢᠷ ᠢᠶᠠᠷ ᠢᠶᠠᠨ ᠨᠦᠬᠦᠷᠯᠡᠯ ᠤᠨ ᠪᠠᠲᠤ ᠶᠢ ᠵᠢᠷᠤᠭᠯᠠᠭᠰᠠᠨ ᠨᠦᠭᠡᠴᠡ ᠬᠠᠳᠠᠭᠠᠯᠠᠯ ᠢᠶᠠᠨ ᠬᠠᠷᠠᠮᠨᠠᠯ ᠦᠭᠡᠢ ᠨᠦᠬᠦᠷᠲᠠᠢ ᠶᠠᠪᠤᠳᠠᠭ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠦᠮᠵᠦᠭ ᠰᠡᠳᠭᠡᠯ ᠤᠨ ᠲᠤᠯᠲᠤ ᠳᠠᠭᠠᠨ ᠨᠦᠷ᠎ᠡ ᠵᠦᠭᠡᠯᠡᠨ ᠬᠠᠶᠢᠷ᠎ᠠ ᠪᠠᠨ ᠪᠢᠯᠬᠠᠭᠤᠯᠵᠤ ᠨᠦᠭᠡᠷᠰᠦ ᠮᠤᠲᠤᠨ ᠤ ᠵᠤᠷᠢᠭ ᠢᠶᠠᠷ ᠢᠶᠠᠨ ᠨᠦᠰᠡᠷ ᠬᠦᠨᠲᠦ ᠶᠢ ᠲᠠᠭᠠᠭᠠᠵᠤ ᠶᠠᠪᠤᠬᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠨᠦᠵᠢᠶᠠᠩ ᠮᠦᠷᠡᠨ ᠤ ᠲᠤᠷᠪᠢᠲᠤ ᠲᠠᠪᠠᠯᠭᠠᠨ ᠨᠦᠷᠢᠨ ᠴᠤᠭᠢᠯᠠᠨ ᠡᠷᠭᠢ ᠲᠡᠯᠡᠰᠬᠦ ᠨᠦᠰᠡᠷ ᠬᠠᠲᠠᠭᠤ ᠮᠤᠩᠭᠤᠯ ᠰᠢᠨᠲᠠᠰᠤ ᠲᠠᠢ ᠨᠦᠮᠦᠷᠢ ᠲᠤᠯᠠᠭᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠠᠬ᠎ᠠ ᠤᠷᠮᠠᠰ ᠢ ᠰᠡᠷᠭᠦᠨ ᠲᠠᠲᠠᠬᠤ ᠪᠠᠶᠠᠯᠢᠭ ᠤᠷᠤᠨ ᠤ ᠮᠢᠨᠢ ᠬᠠᠶᠢᠷᠬᠠᠨ ᠰᠢᠤᠬᠠᠨ ᠪᠠᠷᠳᠠᠮ ᠲᠡᠬᠦᠯᠲᠡᠷ ᠮᠦᠰᠢᠶᠡᠯ ᠤᠷᠢᠭᠰᠠᠨ ᠪᠠᠩᠵᠠᠯ ᠡᠷᠢᠶᠡᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠤ ᠪᠠᠨ ᠭᠤᠶᠤᠬᠤ ᠪᠠᠳᠮ᠎ᠠ ᠴᠡᠴᠡᠭ ᠤᠨ ᠨᠠᠭᠢᠯᠵᠠᠭᠠᠨ ᠳᠠᠭᠠᠨ ᠪᠠᠭᠤᠪᠴᠢ ᠵᠠᠰᠠᠯ ᠤᠨ ᠵᠢᠮᠰᠡᠭ ᠢᠶᠠᠨ ᠬᠢᠯᠠᠷᠠᠭᠤᠯᠤᠭᠰᠠᠨ ᠪᠠᠯᠴᠢᠷ ᠨᠢᠷᠠᠶᠢᠬᠠᠨ ᠲᠦᠷᠭᠦ ᠲᠠᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠡᠷᠬᠡ ᠶᠢᠨ ᠡᠯᠡᠰᠦᠨ ᠴᠦᠡᠭᠭᠦᠯ ᠠᠴᠠ ᠪᠡᠭᠡᠷᠡᠵᠤ ᠪᠠᠶᠢᠭᠠᠳ ᠲᠡᠯᠭᠡᠷᠡᠭᠰᠡᠨ ᠬᠤᠸᠠᠷ ᠪᠡᠭᠡ ᠪᠠᠷ ᠵᠢᠷᠤᠭᠰᠠᠨ ᠬᠤᠪᠤᠷ ᠵᠢᠷᠤᠭ ᠰᠢᠭ᠋ ᠪᠡᠶ᠎ᠡ ᠰᠡᠳᠭᠡᠯ ᠳᠤ ᠮᠢᠨᠢ ᠠᠭᠤᠰᠤᠭᠰᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠡᠯ ᠲᠠᠭᠠᠵᠤ ᠪᠢᠯᠬᠠᠷᠠᠨ ᠪᠠᠭᠤᠬᠤ ᠪᠡᠯᠭᠡ ᠲᠡᠭᠦᠰ ᠷᠠᠰᠢᠶᠠᠨ ᠰᠢᠤᠬᠠᠨ ᠪᠡᠶᠡᠯᠡᠭᠦ ᠤᠴᠢᠷ ᠪᠦᠬᠦᠨ ᠢ ᠵᠦᠡᠭᠨᠡᠨ ᠢᠷᠦᠭᠡᠳᠡᠭ ᠪᠡᠷᠢ ᠬᠦᠮᠦᠨ ᠪᠤᠯᠬᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠢᠯᠢᠭᠲᠦ ᠦᠵᠦᠭ ᠪᠠᠷ ᠵᠢᠷᠤᠭᠳᠠᠭᠰᠠᠨ ᠪᠢᠯᠢᠬᠦᠨ ᠲᠤᠩᠭᠠᠯᠠᠭ ᠲᠦᠷᠭᠦ ᠳᠤᠨᠢ ᠪᠢᠳᠡᠭᠦᠬᠡᠨ ᠵᠤᠷᠢᠭ ᠤᠨ ᠡᠷᠴᠢ ᠰᠤᠶᠢᠭᠰᠠᠨ ᠪᠢᠷ᠎ᠠ ᠲᠤᠲᠤᠷ᠎ᠠ ᠲᠠᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠢᠷ ᠤᠨ ᠲᠤᠷᠭᠠᠨ ᠦᠵᠦᠬᠦᠷ ᠲᠤ ᠪᠢᠨᠲᠦᠷᠢᠶ᠎ᠡ ᠬᠠᠰ ᠰᠢᠤᠬᠠᠨ ᠴᠤᠯᠭᠤᠷᠠᠳᠠᠭ ᠪᠢᠰᠢᠯᠠᠭ ᠤᠨ ᠰᠡᠩᠭᠡᠨᠡᠭᠦᠨ ᠦᠨᠦᠷ ᠲᠤ ᠪᠢᠰᠢᠬᠦᠢ ᠶᠡᠭᠡ ᠪᠠᠷ ᠤᠶᠠᠷᠠᠳᠠᠭ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠪᠤᠲᠤᠯ ᠤᠨ ᠤᠷᠲᠤᠬᠠᠨ ᠭᠤᠭᠴᠤᠭᠠᠨ ᠳᠠᠭᠠᠨ ᠪᠤᠰᠤᠭ᠎ᠠ ᠰᠤᠶᠤᠯ ᠢᠶᠠᠨ ᠠᠷᠭᠠᠮᠵᠢᠵᠤ ᠶᠠᠪᠤᠭᠰᠠᠨ ᠪᠤᠯᠵᠤᠭ᠎ᠠ ᠲᠤᠭᠢᠶᠠᠯ ᠢᠶᠠᠨ ᠰᠠᠨᠠᠭᠠᠰᠢᠷᠠᠨ ᠵᠢᠷᠤᠮᠯᠠᠳᠠᠭ ᠪᠤᠯᠭᠤᠮᠵᠢ ᠰᠠᠶᠢᠲᠠᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠤᠳᠢ ᠰᠡᠳᠭᠡᠯ ᠤᠨ ᠨᠠᠨᠳᠢᠨ ᠰᠤᠷᠲᠠᠯ ᠢᠶᠠᠷ ᠪᠤᠲᠤᠭᠤ ᠲᠤᠭᠤᠯ ᠢᠶᠠᠨ ᠡᠨᠡᠷᠢᠨ ᠶᠠᠪᠤᠳᠠᠭ ᠪᠤᠷᠤᠭᠵᠢᠭᠤᠨ ᠴᠠᠭᠠᠪᠤᠷ ᠬᠦᠭᠡᠷᠦᠭᠦᠢ ᠮᠠᠯᠴᠢᠨ ᠤ ᠪᠤᠨᠲᠤᠭᠤᠷ ᠦᠬᠢᠨ ᠲᠠᠨ ᠢ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠤᠷᠬᠠᠨ ᠪᠠᠭᠰᠢ ᠶᠢᠨ ᠠᠷᠢᠭᠤᠨ ᠨᠤᠮᠯᠠᠯ ᠢᠶᠠᠷ ᠪᠤᠭᠤᠷᠤᠯ ᠨᠠᠰᠤᠲᠠᠨ ᠢᠶᠠᠨ ᠠᠴᠢᠯᠠᠨ ᠬᠦᠨᠲᠦᠳᠭᠡᠳᠡᠭ ᠪᠤᠶᠠᠨᠲᠤ ᠤᠭᠰᠠᠭᠠᠨ ᠤ ᠮᠢᠨᠢ ᠪᠤᠷᠤᠭᠤ ᠦᠬᠡᠢ ᠦᠷᠡᠰ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠤᠭᠤ ᠰᠤᠭᠤ ᠤᠷᠤᠮᠲᠠᠨ ᠬᠠᠷᠠᠶᠢᠭᠰᠠᠨ ᠪᠤᠯᠠᠭ ᠤᠰᠤ ᠪᠤᠷᠭᠢᠯᠵᠤ ᠪᠢᠯᠬᠠᠷᠠᠭᠰᠠᠨ ᠪᠤᠮᠪᠠ ᠶᠢᠨ ᠰᠠᠶᠢᠬᠠᠨ ᠤᠷᠤᠨ ᠳᠤ ᠵᠠᠶᠠᠭᠠᠭᠰᠠᠨ ᠪᠤᠯᠤᠮᠠᠷ ᠦᠬᠢᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠦᠬᠦᠬᠦ ᠵᠤᠯᠠ ᠶᠢᠨ ᠪᠦᠲᠦᠭᠦᠨ ᠭᠤᠤᠯ ᠢ ᠪᠦᠬᠦ ᠬᠦᠴᠦ ᠪᠠᠷ ᠢᠶᠠᠨ ᠲᠤᠯᠵᠤ ᠪᠤᠰᠤᠭᠰᠠᠨ ᠪᠦᠬᠡ ᠰᠢᠨᠳᠠᠰᠤ ᠲᠠᠢ ᠤᠬᠠᠭᠠᠯᠢᠭ ᠡᠯᠴᠢ ᠪᠦᠰ ᠲᠡᠷᠯᠢᠭ ᠲᠠᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠪᠦᠬᠦᠡᠭ ᠬᠦᠷᠤᠭᠡᠰᠦ ᠲᠡᠭᠦᠯᠢᠨ ᠬᠠᠷᠠᠶᠢᠭᠰᠠᠨ ᠪᠦᠭᠯᠡᠭᠦᠤ ᠠᠭᠯᠠᠭ ᠨᠢᠷᠤᠭᠤᠳ ᠤᠨ ᠬᠤᠷᠮᠤᠢ ᠠᠴᠠ ᠪᠦᠵᠤᠩ  ᠠᠯᠢᠶᠠᠬᠠᠨ ᠲᠠᠤᠯᠠᠢ ᠰᠢᠤᠬᠠᠨ ᠪᠦᠵᠢᠭ ᠪᠦᠵᠢᠵᠤ ᠮᠦᠰᠢᠶᠡᠭᠰᠡᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠦᠤᠲᠡᠭᠡᠷ ᠰᠦᠨᠢ ᠶᠢᠨ ᠬᠡᠷᠡᠯᠲᠤ ᠤᠲᠤᠨ ᠪᠦᠬᠡᠭᠡ ᠲᠠᠰᠤᠷᠠᠬᠤ ᠶᠢᠨ ᠤᠯᠠᠪᠢᠷ ᠲᠤᠶᠠᠭ᠎ᠠ ᠪᠦᠬᠦᠲᠡ ᠶᠠᠰᠤᠲᠠᠨ ᠤ ᠢᠷᠡᠭᠡᠳᠦᠢ ᠶᠢᠨ ᠡᠵᠡᠨ ᠪᠦᠰᠡᠭᠦᠢ ᠬᠦᠮᠦᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠪᠦᠷᠢᠲᠦ ᠱᠠᠩᠳᠠ ᠶᠢᠨ ᠠᠩᠭᠢᠯᠤᠮ᠎ᠠ ᠴᠡᠴᠡᠭ ᠪᠦᠷᠦᠢ ᠠᠶᠢᠰᠦᠢ ᠶᠢᠨ ᠠᠵᠢᠯᠴᠢ ᠬᠠᠷᠢᠶᠠᠴᠠᠢ ᠪᠦᠲᠦᠭᠡᠯᠴᠢ ᠵᠤᠷᠢᠭ ᠤᠨ ᠰᠤᠲᠤᠨ ᠵᠢᠯᠤᠭᠤᠲᠤᠭᠴᠢ ᠪᠦᠷᠭᠡ ᠭᠡᠷ ᠤᠨ ᠰᠠᠷᠠᠨ ᠲᠠᠭᠢᠨᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ᠃ᠫᠠᠩᠰᠠ ᠲᠤᠷᠲᠤᠩ ᠢᠶᠠᠨ ᠨᠠᠭᠢᠯᠵᠠᠭᠤᠯᠤᠨ ᠪᠦᠵᠢᠬᠦ ᠫᠸᠡᠭᠯᠠᠢ ᠠᠷᠠᠯ ᠤᠨ ᠬᠤᠪᠢᠯᠭᠠᠨᠲᠤ ᠦᠬᠢᠳ ᠰᠢᠤᠬᠠᠨ ᠫᠠᠭᠳᠠᠭᠠᠷ ᠪᠤᠰᠤ ᠰᠤᠭᠤ ᠰᠢᠭ᠋ ᠬᠦᠭᠡᠷᠦᠭᠦᠨ ᠫᠠᠯᠮ᠎ᠠ ᠰᠤᠪᠤᠳ ᠰᠢᠭ᠋ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠠᠷ᠎ᠠ ᠮᠠᠩᠨᠠᠢ ᠶᠢᠨ ᠲᠠᠪᠤᠰᠤ ᠤᠷᠢᠭᠰᠠᠨ ᠬᠠᠨᠭ᠍ᠬᠤᠯᠤᠮ᠎ᠠ ᠰᠠᠶᠢᠬᠠᠨ ᠰᠦ ᠲᠠᠢ ᠴᠠᠢ ᠪᠠᠨ ᠰᠠᠮᠤᠷᠴᠤ ᠬᠠᠭᠠᠯᠭ᠎ᠠ ᠲᠤᠭᠰᠢᠨ ᠮᠤᠷᠢᠯᠠᠨ ᠰᠠᠭᠠᠲᠠᠬᠤ ᠬᠠᠮᠤᠭ ᠵᠤᠴᠢᠳ ᠢᠶᠠᠨ ᠮᠦᠰᠢᠶᠡᠨ ᠤᠭᠲᠤᠳᠠᠭ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠬᠠᠨ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ᠢᠶᠠᠷ ᠬᠠᠶᠢᠷᠠᠲᠠᠢ ᠮᠤᠩᠭᠤᠯ ᠳᠠᠭᠠᠨ ᠵᠤᠯᠲᠠᠶᠢᠬᠠᠨ ᠵᠠᠶᠠᠭᠠᠭᠰᠠᠨ ᠬᠠᠯᠠᠭᠤᠨ ᠲᠤᠯᠠᠭᠠᠬᠠᠨ ᠨᠢᠩᠵᠢᠨ ᠰᠡᠳᠭᠡᠯ ᠲᠠᠢ ᠬᠠᠶᠢᠯ ᠤᠨ ᠤᠰᠤ ᠰᠢᠭ᠋ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠡᠶᠢᠮᠤᠷᠢ ᠵᠢᠪᠬᠤᠭᠠᠯᠢᠭ ᠤᠷᠤᠨ ᠤ ᠮᠢᠨᠢ ᠬᠡᠬᠡᠨᠴᠢᠷ ᠲᠦᠷᠭᠦ ᠶᠢ ᠠᠪᠴᠤ ᠵᠠᠶᠠᠭᠠᠭᠰᠠᠨ ᠬᠡᠬᠡᠷ᠎ᠡ ᠶᠢᠨ ᠴᠡᠴᠡᠭ ᠢ ᠢᠴᠢᠭᠡᠮᠡᠷ ᠬᠡᠵᠢᠶᠡᠳᠡ ᠵᠠᠯᠠᠭᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠡ ᠤᠭᠠᠯᠵᠠ ᠰᠢᠤᠬᠠᠨ ᠮᠤᠰᠭᠢᠯᠲᠤᠭᠰᠠᠨ ᠬᠡᠪ ᠤᠨ ᠪᠤᠰᠤ ᠨᠤᠲᠤᠭ ᠤᠨ ᠠᠷᠢᠭᠤᠬᠠᠨ ᠮᠦᠷᠡᠨ ᠠᠴᠠ ᠬᠡᠪᠡᠯᠢ ᠤᠷᠢᠵᠤ ᠬᠦᠮᠦᠨ ᠵᠠᠶᠠᠭ᠎ᠠ ᠲᠦᠷᠦᠭᠡᠯᠡᠭᠰᠡᠨ ᠬᠡᠤᠬᠡᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠢᠷ᠎ᠡ ᠴᠡᠭᠡᠯ ᠤᠨ ᠱᠤᠪᠬᠤ ᠤᠷᠭᠢᠯ ᠠᠴᠠ ᠬᠢᠷᠮᠠᠯᠠᠵᠤ ᠪᠤᠤᠷᠠᠬᠤ ᠴᠠᠰᠤᠨ ᠴᠡᠴᠡᠭᠡᠰ ᠬᠢᠬᠤᠨᠠᠨ ᠤᠳᠬᠤ ᠲᠡᠤᠬᠡ ᠶᠢᠨ ᠭᠠᠯ ᠠᠶᠠᠨ ᠳᠤ ᠬᠢᠴᠢᠶᠡᠮᠵᠢᠲᠡᠶᠢᠬᠡᠨ ᠬᠤᠴᠤᠷᠴᠤ ᠦᠯᠡᠳᠡᠭᠰᠡᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠢᠬᠦ ᠭᠡᠰᠡᠨ ᠠᠵᠢᠯ ᠳᠠᠭᠠᠨ ᠬᠢᠵᠢᠶᠡᠯ ᠡᠷ᠎ᠡ ᠰᠢᠭ ᠵᠢᠳᠭᠦᠨ ᠲᠡᠮᠡᠤᠯᠡᠳᠡᠭ ᠬᠢᠲᠡᠳ ᠮᠤᠩᠭᠤᠯ ᠳᠠᠭᠠᠨ ᠴᠠᠭᠠᠷᠠᠨ ᠲᠡᠮᠰᠢᠭᠰᠡᠨ ᠬᠢᠷᠮ᠎ᠠ ᠶᠢᠨ ᠭᠤᠤᠯ ᠮᠦᠰᠦ ᠰᠢᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠬᠤᠨᠢᠴᠢᠨ ᠠᠪᠤ ᠶᠢᠨ ᠲᠤᠯᠠᠭᠠᠬᠠᠨ ᠡᠪᠦᠷ ᠲᠤ ᠬᠤᠪᠤᠷ ᠡᠷᠳᠡᠨᠢ ᠰᠢᠤᠬᠠᠨ ᠪᠦᠪᠡᠶᠢᠯᠡᠭᠳᠡᠨ ᠲᠤᠷᠨᠢᠭᠰᠠᠨ ᠬᠤᠯᠠ ᠶᠢᠨ ᠬᠤᠯᠠ ᠠᠴᠠ  ᠰᠡᠳᠬᠢᠯ ᠡᠵᠡᠮᠳᠡᠨ ᠠᠷᠭᠠᠮᠵᠢᠶᠠᠬᠤ ᠬᠤᠶᠢᠯᠤᠭ ᠲᠡᠪᠲᠡᠷᠢᠬᠦ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠤᠨᠤᠭ ᠤᠨ ᠵᠤᠵᠠᠭᠠᠨ ᠳᠤ ᠪᠤᠲᠤᠯ ᠠᠴᠠ ᠭᠠᠷᠳᠠᠭ ᠦᠭᠡᠢ ᠬᠤᠭᠤᠯᠠᠢ ᠠᠴᠠ ᠨᠢ ᠤᠶᠠᠩᠭᠠᠷᠠᠨ ᠲᠤᠨᠤᠷᠠᠬᠤ ᠠᠷᠠᠳ ᠤᠨ ᠲᠠᠭᠤᠨ ᠬᠤᠪᠢᠨᠴᠢᠷ ᠵᠢᠷᠦᠭᠡᠨ ᠤ ᠮᠢᠨᠢ ᠦᠮᠴᠢ ᠪᠤᠯᠵᠤ ᠬᠤᠪᠢ ᠪᠡᠶ᠎ᠡ ᠪᠠᠨ ᠮᠠᠷᠲᠠᠵᠤ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠤᠨ ᠴᠠᠭᠠᠨ ᠭᠠᠯᠠᠭᠤᠳ ᠤᠨ ᠨᠤᠷᠭᠢᠶᠠᠨ ᠠᠴᠠ ᠬᠤᠷᠠᠨ ᠰᠠᠷᠨᠢᠬᠤ ᠡᠭᠦᠯᠡᠰ ᠢ ᠨᠡᠪᠲᠡᠯᠦᠨ ᠬᠤᠮᠪᠢᠭᠰᠠᠨ ᠵᠢᠬᠦᠷ ᠢᠶᠠᠨ ᠲᠡᠯᠭᠡᠨ ᠲᠡᠭᠦᠯᠢᠭᠰᠡᠨ ᠬᠤᠷᠮᠤᠰᠲᠠ ᠲᠡᠭᠷᠢ ᠶᠢᠨ ᠭᠤᠸ᠎ᠠ ᠲᠠᠭᠢᠨᠢᠰ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠤᠯᠤᠰᠤ ᠵᠡᠭᠡᠰᠦ ᠨᠠᠶᠢᠭᠤᠨ ᠬᠠᠯᠢᠭᠤᠷᠠᠭᠰᠠᠨ ᠬᠤᠯᠤᠨᠴᠠ ᠡᠪᠦᠭᠡᠳ ᠤᠨ ᠮᠢᠨᠢ ᠬᠠᠭᠤᠴᠢᠨ ᠪᠠᠭᠤᠷᠢ ᠠᠴᠠ ᠬᠤᠰᠤᠨ ᠲᠡᠷᠯᠢᠭ ᠤᠨ ᠡᠩᠭᠡᠷ ᠲᠡᠪᠲᠦᠭᠡᠵᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠰᠢᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠦᠬᠡᠮᠲᠦᠭ ᠠᠭᠤᠯᠠ ᠤᠰᠤᠨ ᠤ ᠪᠠᠨ ᠬᠦᠭᠡᠷᠦᠭᠦᠨ ᠲᠦᠷᠢ ᠶᠢ ᠠᠪᠴᠤ ᠵᠠᠶᠠᠭᠠᠭᠰᠠᠨ ᠬᠦᠭᠡᠷᠦ ᠲᠡᠭᠵᠢᠨ ᠠᠯᠢᠶᠠᠬᠠᠨ ᠮᠦᠰᠢᠶᠡᠯ  ᠎ ᠢ ᠴᠢᠨᠢ ᠬᠦᠭᠡᠭᠡᠵᠤ ᠪᠠᠶᠢᠭᠠᠳ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠭᠰᠠᠨ ᠶᠤᠮ᠃ ᠬᠦᠭᠵᠢᠯ ᠡᠰᠨᠢᠯ ᠪᠢᠯᠬᠠᠨ ᠢᠪᠢᠯᠦᠭᠰᠡᠨ ᠬᠦᠭᠡ ᠲᠤᠭ ᠤᠨ ᠲᠤᠷᠭᠠᠨ ᠬᠤᠷᠮᠤᠢ ᠳᠤ ᠬᠦᠪᠡᠭᠡ ᠡᠮᠵᠢᠶᠡᠷᠢ ᠲᠠᠢ ᠲᠡᠷᠯᠢᠭ ᠢᠶᠠᠨ ᠲᠡᠯᠡᠵᠤ ᠦᠰᠦᠭᠰᠡᠨ ᠬᠦᠭᠡᠷᠦᠭᠦᠢ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠦᠰᠡᠯ ᠤᠨ ᠦᠨᠲᠦᠷ ᠬᠠᠷᠭᠤᠢ ᠳᠠᠭᠠᠨ ᠬᠦᠨᠲᠦ ᠵᠤᠷᠢᠭ ᠢᠶᠠᠨ ᠡᠷᠴᠢᠯᠡᠨ ᠲᠡᠮᠦᠯᠡᠭᠰᠡᠨ ᠬᠦᠳᠡᠭᠡ ᠤᠨ ᠪᠤᠷᠤᠬᠠᠨ ᠭᠡᠷ ᠳᠠᠬᠢ ᠬᠦᠳᠡᠯᠮᠦᠷᠢ ᠶᠢᠨ ᠭᠢᠯᠪᠠᠭ᠎ᠠ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠬᠦᠪᠴᠢᠨ ᠪᠠᠶᠢᠭᠠᠯᠢ ᠶᠢᠨ ᠠᠭᠤᠳᠠᠮ ᠳᠤ ᠬᠦᠮᠦᠨ ᠮᠦᠰᠦ ᠪᠠᠨ ᠲᠠᠪᠲᠠᠨ ᠬᠠᠲᠠᠭᠤᠵᠢᠭᠰᠠᠨ ᠬᠦᠳᠡᠭᠢ ᠪᠤᠯᠭᠢ ᠶᠢ ᠢᠪ ᠲᠠᠷᠤᠨ ᠰᠠᠷᠠᠭᠤᠯᠵᠢᠭᠰᠠᠨ ᠬᠦᠷᠦᠰᠦᠯᠢᠭ ᠪᠤᠷᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠭᠠᠯᠠᠪ ᠶᠢᠷᠲᠢᠨᠴᠤᠰ ᠢ  ᠬᠡᠮᠵᠢᠶᠡᠯᠡᠵᠤ ᠬᠤᠯᠪᠤᠬᠤ ᠭᠠᠯ ᠠᠶᠠᠨ ᠤ ᠲᠡᠮᠡᠭᠡᠨ ᠵᠢᠩ ᠤᠨ ᠲᠤᠨᠢᠶ᠎ᠠ ᠰᠢᠤᠬᠠᠨ ᠭᠠᠭᠴᠠ ᠰᠡᠳᠭᠡᠯ ᠢ ᠮᠢᠨᠢ ᠲᠠᠭᠤᠲᠠᠨ ᠰᠡᠷᠢᠭᠡᠭᠦ ᠭᠠᠯᠪᠢᠷ ᠭᠤᠶᠤᠬᠠᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ᠭᠠᠳᠠᠰᠤ ᠤᠶᠠᠭᠠᠨ ᠳᠠᠭᠠᠨ ᠡᠵᠡᠨ ᠢᠶᠠᠨ ᠦᠭᠡᠶᠢᠯᠡᠨ ᠦᠤᠷᠰᠡᠭᠦ ᠭᠠᠨᠭ᠌ ᠲᠤᠭᠤᠷᠠᠢ ᠲᠠᠢ ᠠᠭᠲᠠ ᠤᠨ ᠴᠤᠪᠬᠤᠴᠢᠶ᠎ᠠ ᠰᠢᠤᠬᠠᠨ ᠭᠠᠷ ᠤᠨ ᠠᠯᠠᠭ᠎ᠠ ᠶᠢ ᠨᠢᠭᠤᠴᠠᠬᠠᠨ ᠲᠡᠯᠡᠰᠦᠨ ᠴᠤᠭᠢᠬᠤ ᠭᠠᠨᠭ᠍ᠭᠠᠡᠭ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶ᠎ᠡ