ᠭᠠᠯᠳᠠᠳ᠂ ᠭᠤᠷᠪᠠ | | | ᠦᠵᠦᠭᠦᠷ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠦᠨᠲᠦᠷ ᠲᠠᠭᠲᠤ ᠶᠢᠨ | ᠦᠯᠮᠡᠢ ᠬᠠᠵᠠᠭᠤ ᠪᠠᠷ ᠨᠢ ᠲᠡᠮᠲᠤᠴᠢᠨ | ᠦᠷᠯᠦᠭᠡ ᠤᠷᠤᠢ ᠶᠢᠨ ᠨᠠᠷᠠᠨ ᠢ ᠤᠭᠲᠤᠨ ᠦᠳᠡᠵᠤ | ᠦᠡᠭᠰᠢᠭ ᠠᠮᠢᠲᠤᠷᠠᠯ ᠢ ᠰᠠᠨᠠᠭᠠᠯᠵᠠᠨ ᠲᠦᠷᠦᠯᠡ ᠪᠢ | | | ᠠᠲᠠᠷ ᠲᠠᠯᠠ ᠶᠢᠨ ᠴᠡᠴᠡᠭ᠂ ᠠᠲᠤᠭᠤᠨ ᠳᠤ ᠶᠠᠪᠤᠭᠰᠠᠨ ᠠᠪᠤ ᠶᠢᠨ ᠲᠤᠬᠠᠢ | ᠠᠯᠠᠭᠠᠨ ᠳᠤ ᠲᠡᠯᠭᠡᠭᠳᠡᠭᠰᠡᠨ ᠵᠢᠷᠤᠭᠲᠤ ᠲᠡᠪᠲᠡᠷ ᠠᠴᠠ | ᠠᠨᠳᠠᠭᠤ ᠪᠤᠷᠤᠭᠤ ᠲᠠᠢ ᠨᠢ ᠬᠠᠮᠤᠷᠤᠨ | ᠠᠰᠬᠠ ᠬᠠᠳᠠᠨ ᠳᠤ ᠦᠢᠴᠢᠭᠰᠡᠨ ᠴᠠᠰᠤ ᠰᠢᠤᠬᠠᠨ ᠠᠶᠤᠯᠲᠠᠶᠢᠬᠠᠨ ᠲᠦᠷᠦᠯᠡ ᠪᠢ | | | ᠬᠦᠷᠦᠰᠦᠲᠤ ᠲᠡᠯᠡᠬᠡᠢ ᠪᠠᠨ ᠨᠦᠬᠡ ᠪᠠᠷ ᠠᠴᠢᠯᠠᠵᠤ | ᠬᠦᠭᠡᠮᠲᠦᠭ ᠤᠭᠲᠠᠷᠭᠤᠢ ᠪᠠᠨ ᠤᠲᠤᠭᠠ ᠪᠠᠷ ᠪᠦᠭᠰᠢᠭᠦᠯᠦᠭᠰᠡᠨ | ᠬᠦᠬᠡ ᠮᠤᠩᠭᠤᠯ ᠤᠨ ᠮᠢᠨᠢ ᠰᠢᠷᠬᠠᠲᠤᠨ ᠰᠢᠨᠠᠯᠤᠭᠰᠠᠨ ᠨᠤᠲᠤᠭ ᠲᠤ | ᠬᠦᠤ ᠨᠢ ᠪᠤᠯᠵᠤ ᠬᠦᠮᠦᠨ ᠰᠢᠤᠬᠠᠨ ᠲᠦᠷᠦᠯᠡ ᠪᠢ᠃ | | | ᠬᠠᠰᠢᠶᠠᠨ ᠳᠤ ᠬᠤᠷᠢᠭᠳᠠᠭᠰᠠᠨ ᠬᠡᠳᠦᠬᠡᠨ ᠮᠠᠯ ᠤᠨ ᠢᠶᠠᠨ | ᠬᠠᠪᠢᠷᠭᠠ ᠪᠠᠨ ᠪᠡᠷᠳᠡᠲᠡᠯᠡ ᠬᠦᠰᠡᠮᠵᠢᠯᠡᠨ ᠮᠠᠶᠢᠯᠠᠬᠤ | ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠮᠠᠯᠵᠢᠯ ᠤᠨ ᠬᠠᠷᠠᠰᠠᠯᠲᠤ ᠡᠴᠦᠰᠯᠡᠯ ᠢ | ᠬᠠᠷᠠᠬᠤ ᠨᠢᠲᠤ ᠪᠠᠨ ᠵᠠᠶᠢᠷᠲᠤᠯᠤᠩᠬᠠᠨ ᠲᠦᠷᠦᠯᠡ ᠪᠢ᠃ | | | ᠭᠡᠷ ᠤᠨ ᠦᠨᠲᠦᠷ ᠨᠠᠷᠠᠪᠴᠢᠨ ᠠᠴᠠ ᠭᠠᠳᠠᠨᠠ ᠶᠢ ᠰᠢᠷᠲᠡᠵᠤ | ᠭᠡᠮᠲᠤ ᠪᠤᠯᠢᠬᠠᠢ ᠭᠡᠷᠡᠭ ᠢ ᠲᠧᠯᠸᠢᠰ ᠠᠴᠠ ᠦᠵᠡᠵᠤ | ᠬᠡᠵᠢᠭ ᠲᠤᠮᠤᠭᠤ ᠡᠪᠡᠳᠴᠢᠨ ᠲᠠᠬᠤᠯ ᠠᠴᠠ ᠪᠤᠯᠲᠤᠵᠤ | ᠭᠡᠴᠢᠶᠡᠮᠵᠢᠳᠡᠶᠢᠬᠡᠨ ᠲᠦᠷᠦᠯᠡ ᠪᠢ᠃ | | | ᠪᠤᠯᠤᠷ ᠲᠤᠩᠭᠠᠯᠠᠭ ᠭᠤᠤᠯ ᠭᠤᠷᠤᠬᠠ ᠨᠢ | ᠪᠤᠬᠢᠷᠲᠦᠯ ᠬᠤᠤᠷᠳᠠᠯ ᠢᠶᠠᠷ ᠲᠦᠷᠢᠮᠡᠬᠡᠶᠢᠯᠡᠭᠦᠯᠵᠤ | ᠪᠤᠷᠤᠭᠠᠨ ᠬᠤᠷᠠ ᠶᠢᠨ ᠴᠢᠬᠢᠭ ᠴᠦᠭᠡᠷᠡᠭᠰᠡᠨ | ᠪᠤᠲᠤᠯᠢᠶᠠᠨᠲᠤ ᠡᠷᠡᠨ ᠳᠤ ᠲᠦᠷᠦᠯᠡ ᠪᠢ᠃ | | | ᠠᠰᠢᠭ ᠤᠷᠤᠯᠭᠠ ᠶᠢᠨ ᠰᠢᠨᠤᠯ ᠳᠤ ᠠᠪᠲᠠᠨ | ᠠᠯᠲᠠᠨ ᠲᠡᠯᠡᠬᠡᠢ ᠶᠢᠨ ᠵᠤᠷᠰᠢᠯ ᠵᠢᠮᠠ ᠶᠢ ᠲᠡᠷᠰᠯᠡᠨ | ᠠᠶᠠᠭᠠ ᠴᠠᠢ ᠪᠤᠳᠠᠭᠠ ᠳᠤ ᠬᠦᠷᠲᠡᠯᠡ ᠬᠠᠭᠤᠷᠮᠠᠭ ᠪᠤᠯᠤᠭᠰᠠᠨ | ᠠᠯᠤᠰ ᠤᠨ ᠪᠤᠲᠤᠯ ᠳᠤ ᠲᠠᠷᠤᠭᠳᠠᠨ ᠲᠦᠷᠦᠯᠡ ᠪᠢ᠃ | | | ᠴᠠᠭ ᠵᠢᠯ ᠢᠶᠠᠨ ᠰᠢᠨᠵᠢᠯ ᠦᠭᠡᠢ | ᠴᠠᠭᠯᠠᠰᠢ ᠦᠭᠡᠢ ᠨᠠᠭᠠᠳᠤᠮ ᠢᠶᠠᠨ ᠡᠷᠭᠢᠯᠡᠳᠡᠭ | ᠴᠠᠪ ᠤᠨ ᠤᠯᠠᠨ ᠰᠤᠨᠢᠷᠬᠠᠭᠴᠢᠳ ᠲᠠᠢ | ᠴᠠᠰᠤ ᠬᠢᠷᠠᠭᠤ ᠲᠠᠪᠬᠤᠴᠠᠭᠰᠠᠨ ᠰᠠᠮᠠᠭᠤᠷᠠᠯ ᠤᠨ ᠡᠷᠡᠨ ᠳᠤ ᠲᠦᠷᠦᠯᠡ ᠪᠢ᠃ | | | ᠤᠶᠠᠩᠭᠠᠲᠤ ᠰᠠᠶᠢᠬᠠᠨ ᠮᠤᠩᠭᠤᠯ ᠲᠠᠭᠤᠤ ᠮᠢᠨᠢ | ᠤᠬᠠᠭᠠ ᠪᠠᠯᠠᠷᠠᠭᠤᠯᠬᠤ ᠰᠠᠷᠬᠤᠳ ᠤᠨ ᠵᠤᠷ ᠪᠤᠯᠵᠤ | ᠤᠭᠰᠠᠭᠠ ᠰᠤᠷᠭᠠᠯ ᠢᠶᠠᠨ ᠲᠤᠷᠠ ᠪᠠᠷ ᠴᠠᠯᠴᠢᠳᠠᠭ | ᠤᠲᠤᠮ ᠬᠢᠮᠤᠷᠠᠭᠰᠠᠨ ᠤᠷᠤᠨ ᠳᠤ ᠲᠦᠷᠦᠯᠡ ᠪᠢ᠃ | | | ᠪᠤᠰᠤᠭᠠ ᠰᠤᠶᠤᠯ ᠤᠨ ᠰᠢᠮᠡ ᠪᠠᠷ | ᠪᠤᠰᠴᠤ ᠵᠤᠭᠰᠣᠬᠤ ᠰᠦᠰᠦᠲᠡᠨ ᠬᠤᠮᠰᠠᠳᠠᠭᠰᠠᠨ | ᠪᠤᠭᠤᠷᠤᠯ ᠲᠡᠤᠬᠡᠨ ᠳᠡᠭᠡᠨ ᠤᠮᠤᠭᠰᠢᠨ | ᠪᠤᠷᠤᠭᠤ ᠵᠦᠪ ᠦᠭᠡᠢ ᠮᠠᠷᠭᠤᠯᠲᠤᠳᠠᠭ ᠮᠤᠩᠭᠤᠯ ᠳᠠᠭᠠᠨ ᠲᠦᠷᠦᠯᠡ ᠪᠢ᠃ | | | ᠬᠦᠪᠤᠡᠭ ᠴᠠᠭᠠᠨ ᠡᠭᠦᠯᠡᠰ ᠨᠢ ᠨᠡᠭᠦᠳᠡᠯᠯᠡᠨ | ᠬᠦᠬᠡᠮᠲᠦᠭ ᠲᠡᠭᠷᠢ ᠪᠠᠨ ᠭᠤᠶᠤᠭᠰᠠᠨ | ᠬᠦᠪᠴᠢ ᠤᠢ ᠲᠠᠶᠢᠭᠠ ᠠᠴᠠ ᠨᠢ ᠦᠨᠢᠶᠡᠷ ᠲᠤᠨᠤᠷᠠᠭᠰᠠᠨ | ᠬᠦᠳᠡᠭᠡ ᠲᠠᠯᠠ ᠪᠠᠨ ᠮᠦᠷᠦᠭᠡᠳᠦᠨ ᠲᠦᠷᠦᠯᠡ ᠪᠢ᠃ | | | ᠠᠭᠤᠵᠢᠮ ᠲᠡᠨᠢᠭᠡᠷ ᠪᠤᠲᠤᠯ ᠲᠠᠭᠠᠨ | ᠤᠷᠭᠠ ᠶᠢᠨ ᠮᠤᠷᠢ ᠪᠠᠨ ᠡᠷᠭᠦᠬᠦᠯᠳᠡᠭ | ᠤᠬᠠᠭᠠ ᠪᠤᠲᠤᠯ ᠬᠤᠷᠴᠠᠬᠠᠨ ᠲᠦᠮᠡᠨ ᠤ ᠪᠠᠨ | ᠤᠭ ᠢᠵᠠᠭᠤᠷ ᠢ ᠵᠠᠯᠭᠠᠮᠵᠢᠯᠠᠭᠬᠠᠨ ᠲᠦᠷᠦᠯᠡ ᠪᠢ | | | ᠵᠡᠭᠡᠷᠡ ᠶᠢᠨ ᠲᠤᠭᠤᠰᠤ ᠰᠢᠷᠭᠠᠯᠲᠤᠨ | ᠵᠡᠷᠭᠡᠯᠭᠡᠨ ᠵᠢᠷᠪᠡᠯᠵᠡᠨ ᠰᠡᠳᠬᠢᠯ ᠬᠦᠭᠰᠡᠭᠡᠭᠦ | ᠵᠡᠭᠦᠲᠦᠨ ᠤ ᠰᠠᠶᠢᠬᠠᠨ ᠤᠷᠤᠨ ᠳᠠᠭᠠᠨ | ᠵᠡᠭᠦᠷᠮᠡᠭ ᠬᠦᠰᠡᠯ ᠢᠶᠠᠨ ᠤᠶᠠᠩᠭᠠᠯᠠᠩᠬᠠᠨ ᠲᠦᠷᠦᠯᠡ ᠪᠢ᠃ | | | ᠤᠲᠤᠷ ᠨᠡᠭᠦᠲᠡᠯ᠂ ᠤᠴᠤᠭ ᠤᠨ ᠭᠤᠷᠪᠠᠨ ᠴᠢᠯᠠᠭᠤ ᠶᠢᠨ | ᠤᠨ ᠤᠳᠠᠭᠰᠠᠨ ᠲᠡᠤᠬᠡ ᠶᠢᠨ ᠠᠯᠲᠠᠨ ᠪᠢᠴᠢᠭ ᠤᠨ | ᠤᠶᠤᠨ ᠬᠡᠳᠦᠶᠢᠳᠦᠭᠰᠡᠨ ᠪᠤᠰᠤᠭᠠ ᠰᠤᠶᠤᠯ ᠶᠢᠨ ᠰᠢᠮᠡ ᠪᠠᠷ | ᠤᠴᠢ ᠪᠤᠲᠠᠷᠠᠭᠰᠠᠨ ᠭᠠᠯ ᠭᠤᠯᠤᠮᠲᠠ ᠶᠢ ᠮᠠᠨᠠᠩᠬᠠᠨ ᠲᠦᠷᠦᠯᠡ ᠪᠢ᠃ | | | ᠡᠷᠭᠦᠨᠡ ᠬᠤᠨ ᠤ ᠭᠦᠲᠡᠷ ᠬᠠᠶᠢᠯᠠᠭᠤᠯᠤᠭᠰᠠᠨ ᠲᠤᠮᠤᠭ ᠠᠴᠠ | ᠡᠵᠡᠨ ᠪᠤᠭᠲᠠ ᠴᠢᠩᠭᠢᠰ ᠬᠦᠷᠲᠡᠯᠡᠭᠢ ᠲᠡᠤᠬᠡ ᠪᠠᠨ | ᠡᠨᠡ ᠪᠡᠶᠡ ᠪᠠᠨ ᠲᠠᠮᠢᠷᠵᠢᠭᠤᠯᠬᠤ ᠤᠪᠠᠳᠢᠰ ᠭᠡᠵᠤ | ᠡᠩᠬᠡ ᠲᠦᠷᠦ ᠳᠡᠭᠡᠨ ᠡᠪᠲᠡᠶᠢᠬᠡᠨ ᠲᠦᠷᠦᠯᠡ ᠪᠢ᠃ | | | ᠬᠠᠶ᠋ᠢᠭ᠄ ᠤᠷᠲᠤᠰ ᠬᠤᠲᠠ ᠶᠢᠨ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠰᠤᠨᠢᠨ ᠮᠡᠳᠡᠭᠡᠨ ᠤ ᠲᠦᠪ | | | | | | | | | |