ᠬᠠᠷᠭᠤᠢ | | | ᠲᠠᠯᠠ ᠨᠤᠲᠤᠭ ᠠᠯᠲᠠ ᠪᠠᠷ ᠴᠢᠮᠡᠭᠳᠡᠵᠤ | ᠲᠤᠭᠤᠷᠤᠤ ᠰᠢᠪᠠᠭᠤᠳ ᠳᠤᠩᠭᠤᠳᠤᠨ ᠨᠠᠭᠠᠳᠴᠤ | ᠲᠠᠷᠢᠶᠠ ᠬᠤᠷᠢᠶᠠᠨ ᠶᠠᠭᠠᠷᠠᠬᠤ ᠲᠠᠷᠢᠶᠠᠴᠢᠳ | ᠲᠠᠷᠭᠤ ᠰᠠᠶᠢᠲᠠᠢ ᠬᠤᠨᠢᠳ ᠤᠨ ᠡᠵᠡᠳ᠂᠂᠂᠂᠂᠂ | ᠬᠠᠪᠤᠷ ᠤᠨ ᠲᠠᠷᠢᠵᠤ ᠤᠷᠤᠭᠤᠯᠤᠭᠰᠠᠨ ᠥᠷᠡ ᠶᠢ | ᠬᠠᠷᠠ ᠬᠥᠯᠥᠰᠤ ᠪᠠᠷ ᠢᠶᠠᠨ ᠤᠷᠤᠰᠬᠠᠬᠤ ᠶᠢ ᠤᠳᠤ ᠮᠡᠳᠡᠨᠡ | ᠬᠠᠯᠠᠰᠢᠷᠠᠵᠤ ᠭᠤᠲᠤᠷᠠᠲᠠᠯᠠ ᠪᠠᠨ ᠴᠢᠷᠮᠠᠶᠢᠵᠤ | ᠬᠤᠪᠤᠷ ᠴᠤᠬᠠᠭ ᠬᠤᠷᠢᠶᠠᠯᠲᠠ ᠶᠢ ᠤᠳᠤ ᠮᠡᠳᠡᠨᠡ | ᠵᠢᠯ ᠤᠨ ᠳᠥᠷᠪᠡᠨ ᠤᠯᠠᠷᠢᠯ ᠤᠨ ᠨᠠᠮᠤᠷ ᠤᠨ ᠬᠤᠷᠢᠶᠠᠯᠲᠠ ᠶᠢᠨ ᠴᠠᠭ | ᠵᠢᠷᠭᠠᠵᠤ ᠪᠠᠶᠠᠰᠬᠤ ᠶᠢᠨ ᠠᠮᠵᠢᠯᠲᠠ ᠪᠢᠯᠡ | ᠵᠢᠷᠠᠨ ᠬᠠᠶᠢᠯᠠᠰᠤ ᠶᠢᠨ ᠰᠢᠷᠭᠠᠯ ᠨᠠᠪᠴᠢ ᠶᠢ ᠥᠵᠡᠨ | ᠵᠤᠭᠠᠴᠠᠨ ᠲᠤᠭᠤᠷᠢᠬᠤ ᠴᠠᠭ ᠮᠥᠨ ᠯᠠ ᠬᠥᠷᠥᠭᠡᠳ ᠢᠷᠡᠯᠡ︕ | ᠨᠠᠮᠤᠷ ᠪᠤᠯᠵᠤ ᠨᠠᠪᠴᠢᠰ ᠰᠢᠷᠠᠭᠠᠯᠵᠠᠨ | ᠨᠠᠰᠤ ᠨᠡᠮᠡᠭᠳᠡᠵᠤ ᠴᠠᠭ ᠪᠠᠰᠠ ᠬᠥᠷᠥᠯᠡ | ᠨᠠᠶᠢᠷ ᠬᠥᠭᠵᠢᠮ ᠤᠨ ᠤᠷᠠᠨ ᠰᠠᠶᠢᠬᠠᠨ ᠲᠠᠯᠠᠪᠠᠢ ᠳᠤ | ᠨᠠᠶᠢᠵᠠ ᠬᠠᠨᠢ ᠴᠡᠴᠡᠭᠮᠠ ᠲᠠᠢ ᠠᠭᠤᠯᠵᠠᠯᠠ | ᠠᠯᠢᠪᠠ ᠡᠨᠡ ᠬᠦ ᠶᠡᠭᠡ ᠬᠤᠷᠢᠶᠠᠯᠲᠠ ᠳᠤ | ᠠᠮᠢᠳᠤᠷᠠᠯ ᠤᠨ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠨ ᠤᠴᠠᠷᠠᠯᠠ | ᠠᠵᠢᠯᠯᠠᠵᠤ ᠬᠥᠳᠡᠯᠮᠥᠷᠢᠯᠡᠬᠦ ᠳᠤ ᠢᠲᠡᠭᠡᠯ ᠬᠥᠴᠥᠨ ᠪᠤᠯᠵᠤ | ᠠᠮᠠᠷᠠᠵᠤ ᠬᠡᠪᠳᠡᠬᠦ ᠳᠤ ᠵᠡᠭᠦᠳᠥᠨ ᠳᠤ ᠮᠢᠨᠢ ᠤᠷᠤᠳᠠᠭ ᠶᠤᠮ | ᠬᠥᠳᠡᠭᠡ ᠨᠤᠲᠤᠭ ᠤᠨ ᠪᠤᠷᠤᠭᠵᠢᠭᠤᠨ ᠬᠥᠤ | ᠬᠥᠳᠡᠯᠮᠤᠷᠢ ᠳᠤ ᠰᠠᠶᠢᠨ ᠢᠳᠡᠷᠭᠦᠨ ᠬᠥᠤ | ᠬᠥᠯ ᠬᠥᠩᠬᠡᠨ ᠰᠠᠨᠠᠭᠠ ᠴᠠᠶᠢᠯᠭᠠᠨ ᠬᠥᠤ | ᠬᠥᠷᠥᠰᠥ ᠰᠢᠷᠤᠢ ᠨᠤᠲᠤᠭ ᠲᠤ ᠪᠠᠨ ᠬᠠᠶᠢᠷᠠᠲᠠᠢ ᠬᠥᠤ | ᠠᠮᠢᠳᠤᠷᠠᠯ ᠳᠤ ᠠᠵᠠ ᠵᠢᠷᠭᠠᠯ ᠪᠤᠯᠬᠤ | ᠠᠵᠢᠯᠯᠠᠵᠤ ᠰᠠᠭᠤᠬᠤ ᠵᠤᠷᠢᠭ ᠨᠡᠮᠡᠭᠳᠡᠭᠦᠯᠳᠡᠭ ᠴᠡᠴᠡᠭᠮᠠ ᠳᠤ ᠪᠠᠨ | ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠤ ᠴᠢᠩ ᠥᠨᠡᠨᠴᠢ ᠬᠠᠶᠢᠷᠠ ᠪᠠᠨ | ᠠᠶᠠ ᠳᠠᠭᠤᠤ ᠪᠠᠷ ᠢᠶᠠᠨ ᠠᠨᠢᠷᠲᠠᠭᠤ ᠢᠯᠡᠴᠢᠯᠡᠳᠡᠭ | ᠡᠷᠥᠬᠡ ᠭᠡᠷ ᠢ ᠮᠢᠨᠢ ᠴᠢᠮᠡᠳᠡᠭ ︵ᠲᠤᠯᠠᠭᠠᠯᠠᠳᠠᠭ︶ | ᠢᠷᠡᠭᠡᠳᠥᠢ ᠶᠢᠨ ᠪᠥᠰᠡᠭᠦᠢ ᠴᠡᠴᠡᠭᠮᠠ | ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢᠨ ᠨᠠᠮᠤᠷ ᠲᠤ ᠪᠠᠨ | ᠢᠵᠢᠯᠢ ᠬᠤᠨ ᠰᠢᠭ᠋ ᠨᠠᠶᠢᠵᠠᠯᠠᠭᠰᠠᠨ | ᠵᠤᠯ ᠵᠢᠷᠭᠠᠯ ᠤᠨ ᠵᠠᠮ ᠳᠤ ᠪᠠᠨ | ᠵᠢᠷᠥᠭᠡ ᠰᠡᠳᠬᠢᠯ ᠢᠶᠠᠨ ᠮᠡᠳᠡᠯᠴᠡᠭᠰᠡᠨ | ᠵᠢᠷᠠᠨ ᠬᠠᠶᠢᠯᠠᠰᠤ ᠶᠢᠨ ᠤᠷᠤᠭᠤ | ᠵᠢᠷᠭᠠᠯᠠᠩ ᠤᠨ ᠠᠳᠢᠰᠤ ᠪᠠᠨ ᠠᠳᠬᠤᠭᠰᠠᠨ | ᠵᠢᠷᠭᠠᠯ ᠵᠤᠪᠠᠯᠠᠩ ᠢᠶᠠᠨ ᠬᠠᠮᠲᠤᠳᠬᠠᠭᠰᠠᠨ | ᠵᠢᠷᠠᠨ ᠬᠠᠶᠢᠯᠠᠰᠤ ᠮᠡᠲᠤ ᠤᠷᠲᠤ ᠬᠠᠨᠢᠯᠠᠭᠰᠠᠨ | ᠵᠠᠶᠠᠭᠠ ᠳᠡᠮᠪᠡᠷᠢᠯ ᠤᠨ ᠭᠡᠷ ᠪᠥᠯᠢ ᠪᠤᠯᠤᠭᠰᠠᠨ ᠪᠢᠯᠡ | | ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠮᠤᠩᠭᠤᠯ | ᠥᠨᠳᠥᠰᠥᠲᠡᠨ ᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | | |