| ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠤ ᠬᠤᠶᠢᠨᠠᠬᠢ ᠸᠠᠩᠳᠠᠨᠨᠢᠮᠠ | | ᠴᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠸᠠᠩᠳᠠᠨᠨᠢᠮᠠ ᠳᠤ ᠤᠳᠤᠭᠠ ᠵᠢᠩᠰᠡ ᠱᠠᠩᠨᠠᠨ ᠬᠥᠨᠳᠤ ᠪᠠᠷ ᠭᠡᠷᠡᠭᠯᠡᠵᠤ᠂ | ᠥᠨᠳᠤᠷ ᠹᠥᠩᠯᠤ ᠭᠥᠷᠳᠡᠭᠡᠨ ᠢᠯᠪᠢᠨ ᠳᠠᠭᠠᠭᠤᠯᠬᠤ ᠶᠢ ᠭᠤᠷᠢᠳᠠᠪᠠ᠃ ᠡᠷᠭᠡ ᠠᠰᠢᠭ ᠤᠨ ᠡᠮᠤᠨᠠ ᠸᠠᠩᠳᠠᠨᠨᠢᠮᠠ | ᠡᠪᠤᠳᠥᠭ ᠨᠤᠭᠤᠯᠵᠤ ᠪᠠᠭᠤᠭᠠ ᠥᠭᠡᠢ ᠪᠤᠯᠬᠤᠷ ᠳᠡᠳᠡᠨ ᠤ ᠭᠤᠷᠢᠳᠠᠯ ᠢ ᠤᠰᠤᠨ ᠤ ᠬᠥᠭᠡᠰᠤ ᠰᠢᠭ ᠵᠠᠮᠬᠠᠷᠠᠭᠤᠯᠵᠤ | ᠬᠠᠶᠠᠵᠠᠢ᠃ ᠡᠨᠡᠭᠦ ᠥᠰᠢᠶᠡᠨ ᠳᠡᠭᠡᠨ ᠳᠡᠳᠡ ᠸᠠᠩᠳᠠᠨᠨᠢᠮᠠ᠂ ᠴᠠᠭᠠᠨᠪᠤᠯᠤᠳ ᠵᠡᠷᠭᠡ ᠠᠷᠪᠠᠭᠤᠯᠠ ᠶᠢ ᠪᠤᠭᠤᠳᠤ ᠶᠢᠨ | ᠬᠢᠨᠳᠠᠨ ᠳᠤ ᠬᠤᠷᠢᠵᠤ᠂ ᠬᠠᠷᠠ ᠬᠤᠤᠷᠲᠠᠢ ᠪᠠᠷ ᠲᠠᠷᠴᠢᠯᠭᠠᠨ ᠲᠠᠮᠤᠯᠠᠪᠠ᠃ ᠲᠠᠶᠢᠰᠤᠨ ᠡᠳᠡᠭᠡᠳ ᠤᠨ ᠬᠠᠳᠠᠭᠤ | ᠵᠥᠭᠡᠯᠡᠨ ᠠᠷᠭᠠ ᠪᠠᠰᠢᠷ ᠤᠨ ᠡᠮᠤᠨᠠ ᠸᠠᠩᠳᠠᠨᠨᠢᠮᠠ ᠰᠥᠷ ᠮᠤᠬᠤᠵᠤ ᠰᠥᠵᠥᠭ ᠬᠠᠵᠠᠶᠢᠭᠰᠠᠨ ᠥᠭᠡᠢ᠂ ᠬᠠᠷᠢᠨ | ᠡᠰᠡᠷᠭᠦ ᠡᠪᠯᠡᠷᠡᠰᠢ ᠥᠭᠡᠢ ᠬᠠᠳᠠᠨ ᠵᠤᠷᠢᠭ ᠢᠶᠠᠷ ᠠᠰ ᠲᠤᠯᠵᠤ ᠠᠪᠤᠨ ᠬᠠᠷᠢᠭᠤᠴᠠᠪᠠ᠃ ᠶᠠᠮᠠᠷᠴᠤ ᠢᠯᠭᠠᠪᠤᠷᠢ | ᠭᠠᠷᠭᠠᠵᠤ ᠲᠡᠶᠢᠯᠭᠦ ᠥᠭᠡᠢ ᠪᠤᠯᠬᠤ ᠳᠠᠭᠠᠨ ᠸᠠᠩᠳᠠᠨᠨᠢᠮᠠ ᠵᠡᠷᠭᠡ ᠠᠷᠪᠠᠨ ᠭᠥᠮᠥᠨ ᠢ ᠱᠠᠨ ᠰᠢ ᠶᠢᠨ ᠲᠤᠮᠤ ᠴᠡᠷᠢᠭ | ᠤᠨ ᠡᠷᠭᠡᠳᠡᠨ ᠶᠠᠨ ᠰᠢ ᠱᠠᠨ ᠳᠤ ᠲᠤᠰᠢᠶᠠᠵᠤ᠂ ᠱᠠᠨ ᠰᠢ ᠮᠤᠵᠢ ᠶᠢᠨ ᠲᠠᠶᠢᠶᠤᠸᠠᠨ ᠤ ᠬᠢᠨᠳᠠᠨ ᠳᠤ ᠰᠢᠯᠵᠢᠭᠦᠯᠥᠨ | ᠬᠤᠷᠢᠭᠠᠳ ᠡᠯᠳᠡᠪ ᠵᠥᠢᠯ ᠤᠨ ᠡᠷᠡᠭᠦᠥ ᠳᠠᠮᠤ ᠶᠢ ᠥᠵᠡᠭᠦᠯᠵᠤ ᠳᠠᠷᠴᠢᠯᠭᠠᠨ ᠵᠤᠪᠠᠭᠠᠪᠠ᠃ ᠬᠤᠭᠤᠷᠠᠪᠠᠴᠤ | ᠨᠤᠭᠤᠷᠠᠬᠤ ᠥᠭᠡᠢ ᠬᠠᠳᠠᠨ ᠵᠤᠷᠢᠭ ᠢᠶᠠᠷ ᠸᠠᠩᠳᠠᠨᠨᠢᠮᠠ᠂ ᠶᠠᠨ ᠰᠢ ᠱᠠᠨ ᠤ ᠢᠴᠢᠭᠦᠷᠢᠳᠤ ᠠᠵᠢᠯᠯᠠᠭᠠ ᠪᠠ ᠲᠤᠬᠠᠢ | ᠶᠢᠨ ᠥᠶᠡ ᠶᠢᠨ ᠢᠯᠵᠠᠷᠠᠮᠠᠯ ᠵᠠᠰᠠᠭ ᠵᠢᠴᠢ ᠮᠤᠩᠭᠤᠯᠴᠤᠳ ᠢ ᠮᠥᠯᠵᠢᠨ ᠲᠠᠷᠤᠯᠠᠵᠤ ᠪᠠᠶᠢᠭᠠ ᠶᠠᠯᠠᠳᠤ ᠠᠵᠢᠯᠯᠠᠭᠠ ᠶᠢ | ᠨᠢ ᠢᠯᠠᠨ ᠳᠠᠯᠠᠨ ᠥᠭᠡᠢ ᠢᠯᠠᠴᠢᠯᠠᠵᠤ ᠪᠤᠷᠤᠭᠤᠰᠢᠶᠠᠭᠰᠠᠨ ᠪᠠᠶᠢᠨᠠ᠃ | ︽ᠪᠠᠨᠳᠢᠳᠠ ᠭᠡᠭᠡᠨ ᠸᠠᠩᠳᠠᠨᠨᠢᠮᠠ ᠶᠢ ᠪᠠᠷᠢᠪᠴᠢᠯᠠᠭᠰᠠᠨ ᠢᠶᠠᠷ ᠰᠥᠮᠡ ᠳᠤᠷ ᠡᠵᠡᠨ ᠥᠭᠡᠢ ᠪᠤᠯᠵᠤ᠂ | ᠮᠥᠷᠭᠦᠯᠴᠢᠨ ᠥᠭᠯᠢᠭᠴᠢᠳ ᠤᠨ ᠰᠡᠳᠭᠢᠯ ᠭᠥᠷᠥᠵᠤ᠂ ᠨᠡᠩ ᠶᠡᠭᠡ ᠰᠠᠮᠠᠭᠤᠷᠠᠯ ᠡᠭᠦᠰᠭᠦ ᠳᠤ ᠤᠶᠢᠷᠠᠬᠠᠨ ᠪᠤᠯᠤᠭᠠᠳ | ᠪᠠᠶᠢᠨᠠ᠃ ᠸᠠᠩᠳᠠᠨᠨᠢᠮᠠ ᠶᠢᠨ ᠤᠴᠢᠷ ᠪᠤᠯ ᠮᠠᠨ ᠤ ᠬᠤᠰᠢᠭᠤᠨ ᠤ ᠤᠴᠢᠷ ᠪᠤᠯᠤᠢ᠂ ᠭᠡᠳᠤᠢ ᠶᠠᠯᠠ ᠪᠠᠶᠢᠭᠰᠠᠨ ᠴᠦ | ᠪᠢᠳᠠ ᠬᠤᠰᠢᠭᠤ ᠨᠤᠳᠤᠭ ᠲᠠᠭᠠᠨ ᠠᠪᠴᠢᠷᠠᠵᠤ ᠴᠢᠭᠳᠠᠯᠠᠨ ᠰᠢᠳᠭᠡᠳᠤᠭᠡᠢ᠂ ᠭᠡᠭᠡᠨ ᠳᠡᠭᠡᠨ ᠲᠤᠯᠢᠯᠠᠮᠤ︾ | ᠱᠠᠭᠳᠤᠷᠵᠠᠪ ᠨᠤᠶᠠᠨ ᠲᠤᠰᠬᠠᠢ ᠭᠥᠮᠥᠨ ᠲᠤᠮᠢᠯᠠᠵᠤ ᠶᠠᠨ ᠰᠢ ᠱᠠᠨ ᠳᠤ ᠠᠶᠢᠯᠠᠳᠬᠠᠯ ᠪᠢᠴᠢᠭ᠂ ᠭᠥᠨᠳᠤ ᠪᠡᠯᠡᠭ | ᠭᠥᠷᠭᠡᠵᠤ ᠭᠥᠮᠥᠨ ᠢᠶᠠᠨ ᠭᠠᠷᠭᠠᠵᠤ ᠠᠪᠬᠤ ᠶᠢ ᠱᠠᠭᠠᠷᠳᠠᠪᠠ᠃ ︽ᠬᠠᠭᠠᠨ ᠤ ᠵᠠᠷᠯᠢᠭ ᠪᠠᠶᠢᠬᠤ ᠭᠠᠵᠠᠷ ᠲᠤ ᠪᠢ | ᠭᠠᠭᠴᠠᠭᠠᠷ ᠡᠵᠡᠨ ᠮᠡᠳᠡᠵᠤ ᠡᠰᠡ ᠴᠢᠳᠠᠨᠠ︕︾ ᠭᠡᠳᠡᠭ ᠰᠢᠯᠳᠠᠭ ᠢᠶᠠᠷ ᠶᠠᠨ ᠰᠢ ᠱᠠᠨ᠂ ᠱᠠᠭᠳᠤᠷᠵᠠᠪ ᠨᠤᠶᠠᠨ ᠤ | ᠭᠤᠶᠤᠯᠳᠠ ᠶᠢ ᠡᠰᠡ ᠵᠥᠪᠰᠢᠶᠡᠷᠡᠭᠰᠡᠨ ᠴᠦ ᠸᠠᠩᠳᠠᠨᠨᠢᠮᠠ ᠪᠤᠯ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠭᠡᠭᠡᠨ᠂ ᠮᠤᠩᠭᠤᠯ | ᠥᠨᠳᠤᠰᠤᠳᠡᠨ ᠤ ᠠᠷᠠᠳ ᠲᠥᠮᠡᠨ ᠤ ᠲᠤᠮᠳᠠ ᠲᠥᠢᠯ ᠤᠨ ᠶᠡᠭᠡ ᠭᠥᠷᠢᠶᠡᠯᠡᠯ ᠪᠠ ᠨᠠᠷᠠ ᠨᠥᠯᠥᠭᠡ ᠲᠠᠢ ᠭᠥᠮᠥᠨ | ᠲᠤᠯᠠ ᠮᠤᠩᠭᠤᠯ ᠥᠨᠳᠤᠰᠤᠳᠡᠨ ᠤ ᠠᠷᠠᠳ ᠲᠥᠮᠡᠨ ᠤ ᠬᠢᠯᠢᠩ ᠬᠤᠷᠤᠰᠥᠯ ᠢ ᠳᠡᠭᠳᠡᠭᠡᠨ ᠨᠡᠩ ᠶᠡᠭᠡ ᠡᠰᠡᠷᠭᠦᠴᠡᠯ | ᠡᠭᠦᠰᠭᠦ ᠠᠴᠠ ᠪᠤᠯᠭᠤᠮᠵᠢᠯᠠᠨ ᠸᠠᠩᠳᠠᠨᠨᠢᠮᠠ ᠶᠢ ᠬᠤᠤᠷᠯᠠᠵᠤ ᠴᠢᠳᠠᠭᠰᠠᠨ ᠥᠭᠡᠢ ᠪᠠᠷ ᠲᠡᠭᠦᠨ ᠤ ᠲᠤᠬᠠᠢ ᠨᠠᠷᠢᠨ | ᠠᠶᠢᠯᠠᠳᠬᠠᠯ ᠪᠢᠴᠢᠵᠤ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠳ᠋ᠤᠸᠠᠨ ᠴᠢ ᠷᠦᠢ ᠳᠤ ᠥᠭᠭᠦᠪᠡ᠃ ᠲᠤᠰ ᠵᠢᠯ ᠤᠨ 9 ᠳ᠋ᠤᠭᠡᠷ ᠰᠠᠷᠠ | ᠂ ᠸᠠᠩᠳᠠᠨᠨᠢᠮᠠ ᠶᠢ ᠬᠤᠶᠠᠷ ᠬᠠᠮᠠᠭᠠᠯᠠᠭᠴᠢ ᠲᠠᠢ ᠴᠤᠭ ᠵᠠᠷᠯᠢᠭ ᠢᠶᠠᠷ ᠳ᠋ᠤᠸᠠᠨ ᠴᠢ ᠷᠦᠢ ᠶᠢᠨ ᠶᠠᠮᠤᠨ ᠳᠤ ᠭᠥᠷᠭᠡᠵᠤ | ᠥᠭᠭᠦᠭᠰᠡᠨ ᠪᠠᠶᠢᠨᠠ᠃ ᠳ᠋ᠤᠸᠠᠨ ᠴᠢ ᠷᠦᠢ ᠮᠤᠩᠭᠤᠯᠴᠤᠳ ᠤᠨ ᠨᠢᠳᠤ ᠶᠢ ᠬᠠᠯᠬᠠᠯᠠᠵᠤ᠂ ᠴᠢᠬᠢ ᠶᠢ ᠪᠥᠭᠯᠡᠵᠤ᠂ | ᠶᠠᠯᠠᠳᠤ ᠭᠡᠷᠡᠭ ᠢᠶᠠᠨ ᠪᠠᠯᠠᠯᠬᠤ ᠪᠠᠷ ᠸᠠᠩᠳᠠᠨᠨᠢᠮᠠ ᠶᠢ ︽ᠯᠠᠮᠠ ᠬᠤᠸᠠᠷᠠᠭ ᠤᠨ ᠲᠥᠯᠥᠭᠡᠯᠡᠭᠴᠢ︾ ᠬᠡᠮᠡᠭᠦ ᠨᠡᠷᠡ ᠪᠠᠷ | ᠪᠡᠭᠡᠵᠢᠩ ᠳᠤ ᠥᠯᠡᠳᠡᠭᠡᠵᠤ᠂ ᠬᠠᠭᠤᠷᠠᠢ ᠵᠠᠮ ᠤᠨ ᠴᠡᠷᠢᠭ ᠤᠨ ︽ᠵᠥᠪᠯᠡᠭᠴᠢ︾ ᠭᠡᠭᠦ ᠰᠠᠶᠢᠬᠠᠨ ᠵᠢᠩᠰᠡ | ᠬᠠᠶᠢᠷᠠᠯᠠᠵᠤ᠂ ᠰᠤᠨᠤᠰᠪᠤᠷᠢᠲᠠᠢ ᠰᠤᠨᠢᠭᠤᠬᠠᠨ ᠨᠠᠷᠠ ᠵᠤᠬᠢᠷᠠᠭᠠᠨ ᠪᠡᠭᠡᠵᠢᠩ ᠤᠨ ᠠᠨ ᠳ᠋ᠢᠩ ᠮᠧᠨ ᠬᠠᠭᠠᠯᠭᠠ ᠶᠢᠨ | ᠭᠠᠳᠠᠨᠠ ᠾᠧᠦ ᠰᠢᠶᠣᠣ ᠵᠢᠶᠠ ᠵᠡᠭᠡᠯᠢ ᠶᠢᠨ 6 ᠳ᠋ᠤᠭᠠᠷ ᠨᠤᠮᠧᠷ ᠲᠤ ᠰᠤᠯᠠ ᠬᠤᠷᠢᠪᠠ᠃ ᠴᠠᠭᠠᠨᠪᠤᠯᠤᠳ | ᠲᠥᠷᠥᠭᠦᠲᠠᠢ ᠲᠤᠯᠤᠭᠠᠨ ᠭᠥᠮᠥᠨ ᠲᠠᠶᠢᠶᠤᠸᠠᠨ ᠤ ᠬᠢᠨᠳᠠᠨ ᠪᠠ ᠠᠭᠤᠷᠬᠠᠢ ᠳᠤ ᠳᠠᠷᠴᠢᠯᠠᠭᠠᠭᠳᠠᠨ ᠲᠠᠮᠤᠯᠠᠭᠳᠠᠵᠤ | ᠪᠠᠶᠢᠭᠠᠳ ᠥᠭᠦᠵᠤ᠂ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠵᠤ ᠲᠠᠶᠢᠯᠥᠭᠰᠡᠨ ᠥᠭᠡᠢ ᠪᠥᠯᠥᠭᠡ᠃ | ᠰᠤᠯᠠ ᠬᠤᠷᠢᠭᠳᠠᠭᠰᠠᠨ 12 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠸᠠᠩᠳᠠᠨᠨᠢᠮᠠ ᠪᠡᠭᠡᠵᠢᠩ ᠳᠤ ᠵᠥᠭᠡᠷ ᠰᠠᠭᠤᠭᠰᠠᠨ | ᠥᠭᠡᠢ ᠠᠷᠪᠢᠨ ᠠᠵᠢᠯ ᠤᠳ ᠢ ᠬᠢᠵᠡᠢ᠃ ᠲᠡᠷᠡ ᠨᠡᠩ ᠠᠤᠭᠠ ᠬᠤᠯᠠ ᠶᠢᠨ ᠬᠠᠷᠠᠴᠠ ᠪᠠᠷ ᠨᠡᠶᠢᠭᠡᠮ ᠲᠡᠯᠡᠬᠡᠢ ᠶᠢ | ᠲᠠᠨᠢᠵᠤ᠂ ᠳᠡᠮᠡᠴᠡᠯ ᠤᠨ ᠵᠤᠷᠢᠭ ᠢᠶᠠᠨ ᠤᠯᠠᠮ ᠡᠷᠴᠢᠯᠡᠨ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠡᠭᠦᠰᠭᠡᠨ | ᠪᠠᠶᠢᠭᠤᠯᠤᠭᠴᠢ ᠶᠢᠨ ᠨᠢᠭᠡᠨ ᠪᠤᠯᠬᠤ ᠯᠢ ᠳ᠋ᠠ ᠵᠤᠤ᠂ ᠵᠤᠤ ᠱᠢ ᠶᠠᠨ ᠵᠢᠴᠢ ᠤᠮᠠᠷᠠᠳᠤ ᠤᠷᠤᠨ ᠤ ᠨᠠᠮ ᠤᠨ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠯᠳᠠ ᠪᠠ ᠵᠥᠪᠯᠡᠯᠳᠤ ᠬᠤᠯᠪᠤᠭᠠᠳᠤ ᠤᠯᠤᠰ ︵ᠲᠤᠬᠠᠢ ᠶᠢᠨ ᠥᠶᠡ ᠳᠤ ᠤᠯᠠᠭᠠᠨ ᠤᠷᠤᠰ ᠭᠡᠳᠡᠭ ᠪᠠᠶᠢᠵᠠᠢ | ︶ ᠤᠨ ᠪᠡᠭᠡᠵᠢᠩ ᠳᠤ ᠰᠠᠭᠤᠭᠠ ᠡᠯᠴᠢᠨ ᠺᠠᠯᠠᠬᠠᠨ ᠲᠠᠢ ᠲᠠᠨᠢᠯᠴᠠᠨ ᠶᠠᠪᠤᠯᠴᠠᠵᠤ᠂ ᠨᠡᠩ ᠤᠯᠠᠨ ᠬᠤᠪᠢᠰᠬᠠᠯ ᠤᠨ | ᠶᠤᠰᠤ ᠤᠴᠢᠷ ᠥᠢᠯᠠᠭᠠᠵᠤ ᠲᠠᠨᠢᠪᠠ᠃ ᠬᠤᠷᠢᠭᠠᠳ ᠤᠨ ᠤ ᠡᠬᠢᠨ ᠤ ᠥᠶᠡ ᠪᠤᠯ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ | ᠬᠠᠮᠳᠤ ᠨᠠᠮ᠂ ᠵᠢᠶᠠᠩ ᠵᠢᠶᠧ ᠱᠢ ᠶᠢᠨ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦ ᠪᠥᠯᠥᠭᠳᠡᠨ ᠤ ᠶᠡᠭᠡ ᠬᠢᠳᠤᠯᠭᠠ ᠳᠤ ᠤᠴᠠᠷᠠᠵᠤ᠂ | ᠤᠷᠤᠰᠢᠨ ᠲᠤᠭᠳᠠᠨᠢᠵᠤ ᠲᠠᠶᠢᠯᠭᠦ ᠡᠰᠡᠭᠦ ᠶᠢᠨ ᠵᠠᠩᠬᠢᠯᠠᠭᠠ ᠶᠢᠨ ᠴᠠᠭ ᠥᠶᠡ ᠪᠠᠶᠢᠵᠠᠢ᠃ ᠸᠠᠩᠳᠠᠨᠨᠢᠮᠠ ︽ᠲᠤᠮᠳᠠᠳᠤ | ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠪᠤᠯ ᠪᠥᠭᠦ ᠲᠤᠮᠳᠠᠳᠤ ᠤᠯᠤᠰ ᠢ ᠴᠢᠯᠥᠭᠡᠯᠡᠵᠤ᠂ ᠭᠠᠰᠢᠭᠤᠨ ᠵᠥᠳᠡᠭᠦᠷᠢᠲᠠᠢ ᠠᠷᠠᠳ | ᠲᠥᠮᠡᠨ ᠢ ᠭᠠᠯ ᠤᠰᠤᠨ ᠠᠴᠠ ᠠᠪᠤᠷᠠᠵᠤ ᠴᠢᠳᠠᠬᠤ ᠴᠤᠷ ᠤᠨ ᠭᠠᠭᠴᠠ ᠨᠠᠮ ᠪᠤᠯᠬᠤ︾ ᠭᠡᠳᠡᠭ ᠲᠤ ᠢᠳᠡᠭᠡᠯ | ᠲᠥᠭᠦᠷᠡᠩ ᠪᠠᠶᠢᠵᠤ᠂ ᠲᠤᠤᠷᠠᠭᠢ ᠰᠢᠳᠡᠷ ᠭᠥᠮᠥᠰ ᠢᠶᠠᠨ ᠪᠥᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠪᠠ | ᠵᠥᠪᠯᠡᠯᠳᠤ ᠤᠯᠤᠰ ᠲᠤ ᠲᠤᠮᠢᠯᠠᠨ ᠰᠤᠷᠤᠯᠴᠠᠭᠤᠯᠵᠤ᠂ ᠮᠤᠩᠭᠤᠯ ᠥᠨᠳᠤᠰᠤᠳᠡᠨ ᠤ ᠴᠢᠯᠥᠭᠡᠯᠡᠯᠳᠡ ᠵᠢᠴᠢ ︽ᠥᠪᠥᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ︾ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠳᠤ ᠨᠡᠩ ᠤᠯᠠᠨ ᠰᠢᠯᠢᠳᠡᠭ ᠭᠥᠮᠥᠰ | ᠪᠠ ᠴᠢᠳᠠᠪᠤᠷᠢᠳᠡᠨ ᠢ ᠭᠥᠮᠥᠵᠢᠭᠦᠯᠥᠨ ᠭᠠᠷᠭᠠᠬᠤ ᠪᠠᠷ ᠱᠠᠯᠠᠪᠳᠠᠵᠤ ᠪᠠᠶᠢᠪᠠ᠃ ᠸᠠᠩᠳᠠᠨᠨᠢᠮᠠ ᠠᠶᠤᠯ ᠲᠥᠭᠰᠢᠭᠦᠷᠢᠳᠤ | ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠠᠮᠢ ᠬᠤᠪᠢ ᠪᠠᠨ ᠪᠤᠳᠤᠬᠤ ᠥᠭᠡᠢ᠂ ᠮᠤᠩᠭᠤᠯ ᠥᠨᠳᠤᠰᠤᠳᠡᠨ ᠤ ᠲᠥᠯᠥᠭᠡ ᠰᠳᠬᠢᠯ | ᠢᠶᠠᠨ ᠴᠢᠯᠡᠭᠡᠵᠤ᠂ ᠤᠶᠤᠨ ᠢᠶᠠᠨ ᠰᠢᠪᠬᠠᠨ ᠴᠥᠭᠦᠷᠡᠰᠢ ᠥᠭᠡᠢ ᠳᠡᠮᠡᠴᠡᠭᠰᠡᠭᠡᠷ᠃ ᠰᠡᠭᠦᠯᠴᠢ ᠶᠢᠨ ᠥᠶᠡ ᠳᠤ᠂ | ᠱᠠᠭᠳᠤᠷᠵᠠᠪ ᠨᠤᠶᠠᠨ ᠴᠦ ᠸᠠᠩᠳᠠᠨᠨᠢᠮᠠ ᠶᠢᠨ ᠭᠥᠰᠡᠯ ᠵᠤᠷᠢᠯᠳᠡ ᠶᠢ ᠤᠶᠢᠯᠠᠭᠠᠨ ᠳᠡᠮᠵᠢᠵᠤ᠂ ᠬᠤᠰᠢᠭᠤ ᠵᠠᠰᠠᠭ ᠤᠨ | ᠳᠠᠮᠠᠭᠠᠳᠤ ᠬᠤᠭᠤᠰᠤᠨ ᠴᠠᠭᠠᠰᠤ ᠶᠢ ᠨᠢᠭᠤᠴᠠ ᠪᠠᠷ ᠬᠠᠩᠭᠠᠨ ᠥᠭᠳᠡᠭ ᠪᠠᠶᠢᠯᠠ᠃ | 1925 ᠤᠨ ᠳᠤ ᠸᠠᠩᠳᠠᠨᠨᠢᠮᠠ ᠪᠡᠭᠡᠵᠢᠩ ᠠᠴᠠ ᠳᠤᠳᠠᠭᠠᠨ ᠭᠠᠷᠴᠤ᠂12 ᠵᠢᠯ ᠤᠨ ᠤᠷᠳᠤ ᠰᠤᠯᠡ | ᠬᠤᠷᠢᠯᠳᠠ ᠪᠠᠨ ᠡᠴᠤᠰᠯᠡᠭᠦᠯᠵᠠᠢ᠃10 ᠰᠠᠷᠠ ᠳᠤ ᠴᠢᠭᠤᠯᠤᠯᠳᠤ ᠬᠠᠭᠠᠯᠭᠠ ︵ᠤᠳᠤ ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ | ᠵᠠᠩ ᠵᠢᠶᠠ ᠺᠧᠦ ᠬᠤᠳᠠ︶ ᠳᠤ ᠪᠤᠯᠤᠭᠰᠠᠨ ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠨᠠᠮ ᠤᠨ | ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠲᠥᠯᠥᠭᠡᠯᠡᠭᠴᠢ ᠤᠨ ᠬᠤᠷᠠᠯ ᠳᠤ ᠤᠷᠤᠯᠴᠠᠵᠤ᠂ ᠲᠥᠪ ᠤᠨ ᠭᠥᠢᠴᠡᠳᠭᠡᠭᠦ ᠭᠡᠰᠢᠭᠦᠨ ᠪᠠ | ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ ᠤᠨ ᠶᠠᠷᠥᠩᠭᠡᠢ ᠰᠧᠯᠢᠩ ᠢᠶᠠᠷ ᠰᠤᠩᠭᠤᠭᠳᠠᠪᠠ᠃ ᠲᠤᠰ | ᠵᠢᠯ ᠤᠨ ᠡᠪᠤᠯ᠂ ᠸᠠᠩᠳᠠᠨᠨᠢᠮᠠ᠂ ᠰᠢᠨᠠᠯᠠᠮᠠ ᠥᠯᠵᠡᠶᠢᠵᠢᠷᠭᠠᠯ ᠵᠡᠷᠭᠡ ᠭᠥᠮᠥᠰ ᠢ ᠳᠠᠭᠠᠭᠤᠯᠵᠤ᠂ ᠴᠢᠭᠤᠯᠤᠯᠳᠤ | ᠬᠠᠭᠠᠯᠭᠠ ᠠᠴᠠ ᠶᠡᠭᠡ ᠵᠤᠤ ᠴᠢᠭᠤᠯᠭᠠᠨ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠭᠡᠳ ᠵᠢᠶᠦ᠋ᠨ ᠸᠠᠩ᠂ ᠵᠠᠰᠠᠭ᠂ ᠥᠤᠰᠢᠨ᠂ | ᠵᠡᠭᠦᠨᠭᠠᠷ ᠵᠡᠷᠭᠡ ᠬᠤᠰᠢᠭᠤᠨ ᠳᠤ ᠨᠠᠮ ᠪᠠᠶᠢᠭᠤᠯᠬᠤ ᠪᠠ ᠴᠡᠷᠢᠭ ᠪᠠᠶᠢᠭᠤᠯᠬᠤ ᠠᠵᠢᠯᠯᠠᠭᠠ ᠶᠢ ᠥᠷᠨᠢᠭᠦᠯᠥᠨ ︽ | ᠥᠪᠥᠷ ᠠᠷᠠᠳ ᠤᠨ ᠨᠠᠮ︾ ᠤᠨ ︽ᠸᠠᠩ ᠭᠥᠩ ᠤᠨ ᠲᠠᠷᠤᠩᠭᠤᠶᠢᠯᠠᠬᠤ ᠵᠠᠰᠠᠭ ᠢ ᠥᠭᠡᠶᠢᠰᠭᠡᠭᠦ︾ ᠤᠷᠢᠶᠡ ᠶᠢ | ᠵᠢᠩᠭᠢᠨᠢ ᠪᠠᠷ ᠲᠤᠷᠠᠳᠤᠨ ᠭᠠᠷᠭᠠᠵᠠᠢ᠃ | 1926 ᠤᠨ ᠤ ᠨᠠᠮᠤᠷ᠂ ᠸᠠᠩᠳᠠᠨᠨᠢᠮᠠ ᠶᠡᠭᠡ ᠵᠤᠤ ᠴᠢᠭᠤᠯᠭᠠᠨ ᠳᠤ 300 ᠢᠯᠡᠭᠦᠥ ᠮᠤᠩᠭᠤᠯ | ᠵᠠᠯᠠᠭᠤᠴᠤᠳ ᠢ ᠡᠯᠰᠡᠵᠤ᠂ ᠪᠠᠰᠠ ᠪᠤᠰᠤᠳ ᠠᠶᠢᠮᠠᠭ ᠠᠴᠠ ᠨᠢᠭᠡ ᠪᠥᠯᠥᠭ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠢ ᠡᠯᠰᠡᠨ ︽ | ᠥᠪᠥᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ︾ ᠢ ᠵᠢᠩᠬᠢᠨᠢ ᠪᠠᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠪᠠ᠃ | ᠸᠠᠩᠳᠠᠨᠨᠢᠮᠠ ᠶᠡᠷᠥᠩᠭᠡᠢ ᠰᠧᠯᠢᠩ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ᠂ ᠯᠢ ᠢᠦᠢ ᡁᠢ ︵ᠡᠪ ᠬᠠᠮᠳᠤ ᠨᠠᠮ ᠤᠨ | ᠭᠡᠰᠢᠭᠦᠨ︶ ᠳᠡᠳ᠋ ᠶᠡᠷᠥᠩᠭᠡᠢ ᠰᠧᠯᠢᠩ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠨ᠂ ᠥᠯᠵᠡᠶᠢᠵᠢᠷᠭᠠᠯ 12 ᠳ᠋ᠤᠭᠠᠷ ᠬᠤᠷᠢᠶᠡᠨ | ᠤ ᠬᠤᠷᠢᠶᠠᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠸᠠᠩᠳᠠᠨᠨᠢᠮᠠ | ᠵᠥᠪᠯᠡᠯᠳᠤ ᠬᠤᠯᠪᠤᠭᠠᠳᠤ ᠤᠯᠤᠰ ᠪᠠ ᠪᠥᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠠᠴᠠ ᠨᠢᠭᠡ ᠪᠥᠯᠥᠭ ᠵᠡᠷ | ᠵᠡᠪᠰᠡᠭ ᠪᠠ ᠵᠠᠷᠤᠳᠠᠯ ᠮᠥᠩᠭᠦ ᠶᠢᠨ ᠳᠡᠮᠵᠢᠯᠭᠡ ᠶᠢ ᠤᠯᠵᠠᠢ᠃ ᠮᠤᠩᠭᠤᠯ ᠴᠡᠷᠢᠭ ᠤᠨ ᠴᠢᠨᠡᠷ ᠪᠠ ᠴᠢᠳᠠᠪᠤᠷᠢ ᠶᠢ | ᠳᠡᠭᠡᠭᠰᠢᠯᠡᠭᠦᠯᠭᠦ ᠪᠠᠷ ᠲᠡᠷᠡ ︽ᠥᠪᠥᠷ ᠮᠤᠩᠭᠤᠯ ᠤᠨ ᠴᠡᠷᠢᠭ ᠤᠨ ᠨᠤᠶᠠᠳ ᠤᠨ ᠰᠤᠷᠭᠠᠭᠤᠯᠢ︾ ᠶᠢ ᠪᠠᠶᠢᠭᠤᠯᠵᠤ᠂ | ᠤᠤᠯ ᠤᠨ ᠨᠢᠭᠡ ᠪᠥᠯᠥᠭ ᠴᠡᠷᠢᠭ ᠠᠴᠠ ᠭᠠᠳᠠᠨᠠ᠂ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠡᠯᠡ ᠬᠤᠰᠢᠭᠤᠨ ᠠᠴᠠ120 ᠭᠠᠷᠤᠢ | ᠵᠠᠯᠠᠭᠤᠴᠤᠳ ᠢ ᠡᠯᠰᠡᠨ ᠴᠡᠷᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠤᠯᠪᠠᠰᠤᠷᠠᠭᠤᠯᠵᠠᠢ᠃ ᠡᠨᠡ ᠥᠶᠡ ᠳᠤ᠂ ᠥᠪᠥᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠴᠡᠷᠢᠭ ᠨᠢᠭᠡᠨᠳᠡ ᠥᠷᠭᠡᠵᠢᠭᠡᠳ ᠭᠤᠷᠪᠠᠨ ᠪᠠᠷᠢᠭᠠᠳᠠ 2000 ᠭᠠᠷᠤᠢ | ᠬᠥᠮᠥᠨ ᠲᠠᠢ ᠲᠤᠮᠤ ᠵᠡᠪᠰᠡᠭᠳᠤ ᠡᠩᠨᠡᠭᠡ ᠪᠤᠯᠵᠤ ᠪᠤᠵᠠᠭᠠᠶᠢᠷᠠᠪᠠ᠃ | | | | | | |