ᠬᠤᠶᠠᠳᠠᠬᠢ ᠤᠳᠠᠭᠠ ᠬᠤᠰᠢᠭᠤ ᠨᠤᠲᠤᠭ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠨᠢ | | ᠲᠡᠷᠡ ᠬᠠᠪᠤᠷ᠂ ᠸᠠᠩᠳᠠᠨᠨᠢᠮᠠ᠂ ᠱᠠᠭᠳᠤᠷᠵᠠᠪ ᠨᠤᠶᠠᠨ ᠤ᠄ ︽ᠴᠢᠬᠢ ᠬᠤᠯᠠ ᠨᠢᠳᠤ ᠳᠠᠯᠳᠠ ᠶᠡᠭᠤ ᠬᠢᠬᠦ ᠶᠢ | ᠴᠢᠨᠢ ᠪᠢ ᠬᠠᠮᠢᠶᠠᠷᠴᠤ ᠡᠰᠡ ᠳᠡᠶᠢᠯᠥᠨᠡ︾ ᠭᠡᠳᠡᠭ ᠥᠭᠡ ᠪᠠᠷ ᠬᠤᠶᠠᠳᠠᠬᠢ ᠤᠳᠠᠭᠠ ᠬᠤᠰᠢᠭᠤ ᠨᠤᠲᠤᠭ ᠠᠴᠠ | ᠪᠠᠨ ᠰᠠᠯᠵᠤ ᠶᠠᠪᠤᠵᠠᠢ᠃ ᠲᠡᠭᠡᠵᠤ ᠨᠢᠭᠡ ᠶᠠᠪᠤᠭᠠᠳ ᠸᠠᠩᠳᠠᠨᠨᠢᠮᠠ ᠵᠠᠰᠠᠭ ᠬᠤᠰᠢᠭᠤᠨ ᠳᠠᠭᠠᠨ ᠳᠠᠬᠢᠵᠤ ᠬᠠᠷᠢᠵᠤ | ᠢᠷᠡᠵᠤ ᠴᠢᠳᠠᠭᠠ ᠥᠬᠡᠢ ᠪᠢᠯᠡ᠃1908 ᠤᠨ ᠳᠤ ᠸᠠᠩᠳᠠᠨᠨᠢᠮᠠ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ︽ᠳᠤᠭᠤᠶᠢᠯᠠᠩ︾ | ᠤᠨ ᠲᠥᠷᠥᠭᠦᠥ ᠴᠠᠭᠠᠨᠪᠤᠯᠤᠳ ︵ᠪᠠᠰᠠ ᠴᠠᠭᠠᠨᠪᠤᠯᠤ ᠭᠡᠵᠤ ᠴᠦ ᠬᠡᠯᠡᠳᠡᠭ︶᠂ ᠥᠤᠰᠢᠨ ᠬᠤᠰᠢᠭᠤᠨ ᠤ ᠰᠤᠮᠢᠶᠠ ︵ | ᠪᠡᠭᠡᠵᠢᠩ ᠯᠠᠮᠠ᠂ ᠴᠠᠭᠠᠷ ᠭᠠᠷᠤᠯ ᠲᠠᠢ︶᠂ ᠥᠯᠵᠡᠶᠢᠵᠢᠷᠭᠠᠯ ︵ᠰᠢᠨᠡ ᠯᠠᠮᠠ︶ ᠪᠤᠯᠤᠨ ᠳᠠᠯᠠᠳ ᠬᠤᠰᠢᠭᠤ᠂ | ᠠᠯᠠᠱᠠ ᠬᠤᠰᠢᠭᠤᠨ ᠤ ᠵᠡᠭᠦᠨ ᠪᠡᠶᠡ ᠶᠢᠨ ᠭᠡᠰᠡᠭ ᠭᠠᠵᠠᠷ ᠤᠷᠤᠨ ᠤ ᠮᠠᠯᠴᠢᠳ ᠢ ᠤᠷᠢᠶᠠᠯᠠᠨ ᠳᠠᠶᠢᠴᠢᠯᠠᠵᠤ᠂ ᠨᠡᠩ | ᠰᠥᠷ ᠳᠠᠯᠠᠶᠢᠴᠠᠲᠠᠢ ︽ᠳᠤᠭᠤᠶᠢᠯᠠᠩ︾ ᠤᠨ ᠬᠥᠳᠡᠯᠭᠡᠭᠡᠨ ᠢ ᠥᠷᠨᠢᠭᠦᠯᠥᠨ ᠸᠠᠩ ᠭᠥᠩ ᠢᠵᠠᠭᠤᠷᠲᠠᠨ᠂ ᠨᠤᠲᠤᠭ | ᠤᠨ ᠬᠠᠷᠭᠢᠰᠴᠤᠳ ᠲᠠᠢ ᠡᠪᠯᠡᠷᠡᠰᠢ ᠥᠬᠡᠢ ᠰᠢᠷᠥᠭᠦᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠠᠢ᠃ ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ | ᠲᠡᠮᠡᠴᠡᠯ ᠤᠨ ᠶᠠᠪᠤᠴᠠ ᠳᠤᠮᠳᠠ ᠸᠠᠩᠳᠠᠨᠨᠢᠮᠠ ᠥᠩᠭᠡᠷᠡᠭᠰᠡᠨ ᠤ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ ᠰᠠᠶᠢᠲᠤᠷ ᠳ᠋ᠥᠩᠨᠡᠵᠤ᠂ | ︽ᠳᠤᠭᠤᠶᠢᠯᠠᠩ︾ ᠤᠨ ᠬᠥᠳᠡᠯᠭᠡᠭᠡᠨ ᠤ ᠥᠷᠡ ᠪᠥᠲᠥᠮᠵᠢ ᠶᠢ ᠪᠠᠲᠤᠳᠬᠠᠵᠤ᠂ ᠳᠠᠶᠢᠰᠤᠨ ᠳᠤ ᠴᠢᠩᠭᠠ | ᠴᠤᠬᠢᠯᠲᠠ ᠥᠭᠬᠦ ᠭᠡᠪᠡᠯ ᠵᠠᠪᠠᠯ ᠵᠡᠪᠰᠡᠭᠲᠤ ᠬᠥᠴᠥᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠬᠡᠷᠡᠭᠲᠠᠢ ᠭᠡᠳᠡᠭ ᠶᠤᠰᠤ ᠤᠴᠢᠷ ᠢ | ᠵᠢᠩᠬᠢᠨᠢ ᠤᠶᠢᠯᠠᠭᠠᠵᠤ ᠲᠠᠨᠢᠪᠠ᠃ ᠲᠡᠷᠡ ᠡᠳᠡᠭᠡᠷ ᠭᠠᠵᠠᠷ ᠤᠷᠤᠨ ᠳᠤ ︽ᠳᠤᠭᠤᠶᠢᠯᠠᠩ︾ ᠤᠨ ᠬᠥᠳᠡᠯᠭᠡᠭᠡᠨ ᠤ | ᠵᠡᠪᠰᠡᠭᠲᠤ ᠬᠥᠴᠥᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠮᠠᠰᠢ ᠲᠥᠷᠬᠡᠨ ᠢᠶᠠᠷ 100 ᠭᠠᠷᠤᠢ ᠫᠤᠤ ᠵᠡᠪᠰᠡᠭ ᠴᠤᠭᠯᠠᠭᠤᠯᠤᠨ | ᠤᠯᠵᠤ᠂ 200 ᠭᠠᠷᠤᠢ ᠬᠥᠮᠥᠨ ᠢᠶᠠᠷ ᠪᠥᠷᠢᠯᠳᠥᠭᠰᠡᠨ ᠰᠢᠯᠢᠳᠡᠭ ᠠᠷᠠᠳ ᠤᠨ ᠵᠡᠪᠰᠡᠭᠲᠤ ᠬᠥᠴᠥᠨ ᠲᠠᠢ ᠪᠤᠯᠵᠤ | ᠪᠤᠵᠠᠭᠠᠶᠢᠷᠠᠪᠠ᠃ 1912 ᠤᠨ ᠳᠤ ᠸᠠᠩᠳᠠᠨᠨᠢᠮᠠ ᠠᠷᠠᠳ ᠤᠨ ᠵᠡᠪᠰᠡᠭᠲᠤ ᠬᠥᠴᠥᠨ ᠢᠶᠠᠨ ᠵᠢᠯᠤᠭᠤᠳᠴᠤ᠂ | ᠮᠤᠩᠭᠤᠯᠴᠤᠳ ᠤᠨ ᠪᠡᠯᠴᠢᠭᠡᠷ ᠨᠤᠲᠤᠭ ᠢ ᠪᠤᠯᠢᠶᠠᠵᠤ᠂ ᠮᠠᠯ ᠰᠥᠷᠥᠭ ᠢ ᠳᠡᠭᠡᠷᠡᠮᠳᠡᠭᠰᠡᠨ ᠨᠤᠶᠠᠨᠴᠢ ᠥᠵᠡᠯᠲᠡᠨ᠂ | ᠭᠠᠵᠠᠷ ᠤᠨ ᠡᠵᠡᠨ᠂ ᠨᠤᠲᠤᠭ ᠤᠨ ᠬᠠᠷᠭᠢᠰᠴᠤᠳ ᠵᠢᠴᠢ ᠰᠢᠨᠤᠬᠠᠢ ᠬᠤᠳᠠᠯᠳᠤᠭᠠᠴᠢᠳ ᠲᠠᠢ ᠶᠡᠭᠡ ᠬᠡᠮᠵᠢᠶᠠᠨ ᠤ | ᠵᠡᠪᠰᠡᠭᠲᠤ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ᠂ ᠹᠸᠤᠳᠠᠯ ᠤᠨ ᠸᠠᠩ ᠬᠥᠩ ᠤᠨ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦ ᠨᠤᠶᠠᠷᠬᠠᠯ ᠳᠤ ᠬᠥᠨᠳᠥ | ᠨᠤᠴᠢᠲᠠᠢ ᠴᠤᠬᠢᠯᠲᠠ ᠥᠭᠭᠦᠭᠰᠡᠨ ᠪᠠᠶᠢᠨᠠ᠃ ᠸᠠᠩᠳᠠᠨᠨᠢᠮᠠ ᠶᠢᠨ ᠤᠳᠤᠷᠢᠳᠤᠭᠰᠠᠨ ︽ᠳᠤᠭᠤᠶᠢᠯᠠᠩ︾ ᠤᠨ | ᠬᠥᠳᠡᠯᠭᠡᠭᠡᠨ ᠬᠤᠷᠠ ᠶᠢᠨ ᠳᠠᠷᠠᠭᠠᠬᠢ ᠬᠤᠯᠤᠰᠤᠨ ᠰᠥᠶᠡ ᠮᠡᠲᠤ ᠡᠳᠥᠷ ᠢᠷᠡᠬᠦᠶᠡ ᠬᠥᠴᠥᠷᠬᠡᠭᠵᠢᠨ ᠴᠢᠩ ᠤᠨ | ᠵᠠᠰᠠᠭ ᠲᠥᠷᠥ ᠳᠤ ᠴᠠᠭ ᠢᠮᠠᠭᠲᠠ ᠠᠶᠤᠯ ᠳᠥᠭᠰᠢᠭᠦᠷᠢ ᠤᠴᠠᠷᠠᠭᠤᠯᠵᠤ ᠪᠠᠶᠢᠯᠠ᠃ ᠡᠳᠥᠷ ᠠᠴᠠ ᠡᠳᠥᠷ | ᠪᠤᠵᠠᠭᠠᠶᠢᠷᠠᠵᠤ ᠬᠥᠴᠥᠷᠬᠡᠭᠵᠢᠬᠦ ︽ᠳᠤᠭᠤᠶᠢᠯᠠᠩ︾ ᠤᠨ ᠬᠥᠳᠡᠯᠭᠡᠭᠡᠨ ᠨᠢ ᠴᠢᠩ ᠭᠥᠴᠥᠨ ᠤ ᠵᠢᠷᠥᠬᠡ ᠤᠷᠤᠭᠤ | ᠰᠢᠭᠠᠭᠰᠠᠨ ᠢᠷᠲᠤ ᠮᠡᠰᠡ ᠪᠤᠯᠵᠤ᠂ ᠬᠠᠭᠠᠨ ᠳᠥᠰᠢᠮᠡᠳ ᠢ ᠶᠤᠰᠤᠲᠠᠢ ᠯᠠ ᠬᠠᠯᠠᠭᠤᠨ ᠪᠤᠷᠮᠠᠨ ᠳᠡᠭᠡᠷᠡ | ᠵᠤᠭᠰᠤᠭᠠᠵᠠᠢ︕ ᠸᠠᠩᠳᠠᠨᠨᠢᠮᠠ ᠶᠢᠨ ᠲᠤᠰ ᠪᠡᠶᠡ ᠨᠢ ᠨᠡᠩ ᠴᠤ ᠴᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠨᠢᠳᠥᠨ ᠤ | ᠥᠷᠭᠡᠰᠤ ᠪᠤᠯᠵᠤ᠂ ᠢᠯᠪᠢᠨ ᠳᠠᠭᠠᠭᠤᠯᠬᠤ᠂ ᠤᠰᠠᠳᠬᠠᠵᠤ ᠳᠠᠷᠤᠩᠭᠤᠶᠢᠯᠠᠬᠤ ᠶᠢᠨ ᠭᠤᠤᠯᠳᠠᠯᠭᠠ ᠪᠤᠯᠵᠠᠢ᠃ ᠴᠢᠩ | ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠡᠨᠡᠬᠦ ᠲᠡᠷᠢᠭᠦᠨ ᠴᠢᠬᠤᠯᠠ ᠡᠭᠦᠷᠭᠡ ᠶᠢ ᠨᠢᠩᠰᠢᠶᠠ ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠮᠠ | ᠪᠥ᠋ ᠰᠢᠶᠠᠩ ᠪᠤᠯᠤᠨ ᠠᠯᠠᠱᠠ ᠸᠠᠩ ᠬᠤᠶᠠᠭᠤᠯᠠ ᠳᠤ ᠵᠠᠷᠯᠢᠭ ᠢᠶᠠᠷ ᠲᠤᠯᠭᠠᠪᠠ᠃ ᠮᠠ ᠪᠥ᠋ ᠰᠢᠶᠠᠩ ᠲᠠᠷᠢᠬᠢ ᠪᠠᠨ | ᠰᠢᠪᠬᠠᠨ ᠬᠡᠳᠥᠢ ᠪᠤᠳᠤᠭᠰᠠᠨ ᠴᠤ ᠡᠪ ᠲᠠᠢ ᠰᠠᠶᠢᠬᠠᠨ ᠠᠷᠭᠠ ᠤᠯᠳᠠᠭᠰᠠᠨ ᠥᠭᠡᠢ ᠪᠤᠯᠬᠤᠷ ᠠᠯᠠᠱᠠ ᠸᠠᠩ ᠳᠤ | ᠪᠠᠷᠠᠭᠠᠳᠠᠨ ᠵᠤᠯᠭᠠᠵᠤ᠄ ︽ᠲᠠᠨᠤᠰ ᠪᠥᠷ ᠮᠤᠩᠭᠤᠯ ᠬᠥᠮᠥᠨ᠂ ᠥᠬᠡ ᠬᠡᠯᠡ ᠨᠡᠪᠲᠡᠷᠡᠳᠡᠭ ᠢᠶᠠᠷ ᠲᠠ ᠨᠢᠭᠡ ᠤᠬᠠᠭᠠᠨ | ᠬᠢ᠂ ᠪᠢ ᠠᠷᠤ ᠳᠤ ᠴᠢᠨᠢ ᠳᠥᠰᠢᠭ ᠪᠤᠯᠵᠤ ᠴᠡᠷᠢᠭ ᠮᠤᠷᠢ᠂ ᠮᠥᠩᠭᠦᠨ ᠵᠤᠭᠤᠰᠤᠨ ᠤ ᠳᠡᠮᠵᠢᠪᠤᠷᠢ ᠥᠭᠭᠦᠶᠡ︕︾ | ᠭᠡᠵᠤ ᠭᠤᠶᠤᠬᠤ ᠲᠠᠢ ᠠᠯᠪᠠᠳᠠᠬᠤ ᠲᠠᠢ ᠪᠤᠯᠵᠠᠢ᠃ | ︽ᠪᠠᠨᠳᠢᠳᠠ ᠭᠡᠭᠡᠨ︾ ᠤ ᠰᠥᠷ ᠲᠤ ᠬᠠᠯᠳᠠᠬᠤ ᠭᠡᠰᠡᠨ ᠥᠬᠡ ᠶᠢ ᠰᠤᠨᠤᠰᠤᠭᠠᠳ ᠠᠯᠠᠱᠠ ᠸᠠᠩ ᠤᠨ | ᠬᠤᠶᠢᠬᠠ ᠶᠢᠨ ᠥᠰᠥ ᠠᠷᠵᠠᠰᠬᠢᠨ ᠪᠤᠰᠪᠠ᠃ ᠲᠡᠷᠡ ᠠᠶᠤᠵᠤ ᠳᠠᠭᠵᠢᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠬᠥᠮᠥᠰᠭᠡ | ᠠᠲᠤᠷᠢᠭᠤᠯᠤᠨ ᠤᠳᠠᠭᠠᠨ ᠬᠡᠭᠴᠢ ᠪᠤᠳᠤᠵᠤ ᠲᠤᠩᠭᠠᠭᠠᠳ ︽ᠬᠥᠮᠥᠨ ᠤ ᠭᠠᠷ ᠢᠶᠠᠷ ᠮᠤᠭᠠᠢ ᠠᠳᠬᠤᠭᠤᠯᠬᠤ︾ | ᠬᠤᠤᠷᠲᠤ ᠠᠷᠭᠠ ᠶᠢ ᠰᠡᠳᠤᠨ ᠬᠡᠷᠡᠭᠯᠡᠵᠤ᠂ ᠡᠨᠡᠬᠦ ᠬᠥᠨᠳᠥ ᠪᠠᠴᠢᠮ ᠡᠭᠦᠷᠭᠡ ᠶᠢ ᠳᠤᠤᠷᠠᠬᠢ ᠴᠡᠷᠢᠭ ᠤᠨ ᠡᠷᠲᠡᠮᠲᠡᠨ | ᠠᠮᠤᠷᠵᠢᠷᠭᠠᠯ ᠭᠥᠩ ᠳᠤ ᠬᠠᠷᠠ ᠠᠯᠪᠠ ᠪᠠᠷ ᠳᠤᠬᠤᠪᠠ᠃ ᠠᠮᠤᠷᠵᠢᠷᠭᠠᠯ ᠭᠥᠩ ᠠᠷᠭᠠ ᠪᠤᠰᠤ ᠱᠠᠭᠠᠷᠲᠠᠯᠭᠠ | ᠳᠤᠷᠠᠳᠤᠨ ᠵᠥᠪᠰᠢᠶᠡᠷᠡᠵᠤ ᠪᠢᠯᠡ᠃ ᠠᠯᠢᠪᠠ ᠥᠢᠯᠡ ᠤᠷᠤᠭᠰᠢᠲᠠᠢ ᠪᠤᠯᠤᠭᠰᠠᠨ ᠮᠠ ᠪᠥ᠋ ᠰᠢᠶᠠᠩ ᠠᠯᠠᠰᠬᠢᠨ | ᠪᠠᠶᠠᠷᠯᠠᠵᠤ᠄ ︽ᠬᠤᠶᠠᠷ ᠠᠷᠭᠠ ᠶᠢᠨ ᠠᠯᠢᠨ ᠴᠤ ᠪᠤᠯᠤᠭ᠂ ᠬᠡᠷᠡᠭ ᠪᠥᠲᠥᠭᠰᠡᠨ ᠤ ᠬᠤᠶᠢᠨᠠ ᠬᠤᠶᠠᠷ ᠮᠢᠩᠭᠠᠨ | ᠴᠠᠭᠠᠨ ᠵᠤᠭᠤᠰ ᠢᠶᠠᠷ ᠱᠠᠩᠨᠠᠨᠠ︕︾ ᠬᠡᠵᠤ ᠠᠮᠤᠷᠵᠢᠷᠭᠠᠯ ᠳᠤ ᠨᠢᠭᠡ ᠠᠮᠠᠨ ᠳᠡᠭᠡᠷᠡ ᠵᠥᠪᠰᠢᠶᠡᠷᠡᠵᠠᠢ᠃ | ᠠᠮᠤᠷᠵᠢᠷᠭᠠᠯ᠂ ᠸᠠᠩᠳᠠᠨᠨᠢᠮᠠ ᠬᠡᠭᠴᠢ ᠱᠠᠰᠢᠨ ᠤ ᠲᠠᠯᠠ ᠪᠠᠷ ᠨᠢᠭᠡ ᠨᠢᠭᠡᠨ ᠢ ᠪᠠᠨ ᠪᠢᠰᠢᠷᠡᠨ ᠰᠢᠳᠥᠳᠥᠭ | ᠰᠠᠶᠢᠨ ᠨᠠᠶᠢᠵᠠ ᠪᠤᠯᠪᠠᠴᠤ ︽ᠳᠤᠭᠤᠶᠢᠯᠠᠩ︾ ᠤᠨ ᠬᠥᠳᠡᠯᠭᠡᠭᠡᠨ ᠡᠨᠡᠬᠦ ᠤᠯᠤᠰ ᠲᠥᠷᠥ ᠶᠢᠨ ᠴᠢᠨᠠᠷᠲᠠᠢ ᠲᠤᠮᠤ | ᠠᠰᠠᠭᠤᠳᠠᠯ ᠳᠡᠭᠡᠷᠡ ᠰᠡᠳᠬᠢᠯ ᠰᠠᠨᠠᠭᠠ ᠶᠡᠷᠥ ᠠᠴᠠ ᠨᠢᠭᠡᠳᠴᠤ ᠥᠵᠡᠭᠡᠭᠦᠢ ᠠᠰ ᠠᠰ ᠤᠨ ᠪᠤᠳᠤᠯ ᠲᠠᠢ ᠬᠤᠶᠠᠷ | ᠪᠠᠶᠢᠯᠠ᠃ | | | | | | |