| | ᠠᠳᠤᠭᠤᠨ ᠰᠦᠷᠦᠭ ᠤᠨ ᠬᠠᠨᠭ᠍ᠬᠢᠨᠠᠳᠠᠯᠠ ᠦᠦᠷᠰᠡᠬᠦ ᠲᠠᠭᠤᠨ ᠲᠣᠭᠤᠯᠳᠠᠵᠤ᠂ ᠠᠬᠲᠠ ᠶᠢᠨ ᠲᠦᠪᠡᠷᠭᠡᠨ | ᠤᠷᠢᠬᠠᠨ ᠰᠠᠯᠬᠢ ᠶᠢ ᠠᠷᠭᠠᠳᠠᠨ᠂ ᠴᠡᠴᠡᠭᠲᠦ ᠲᠠᠯᠠ ᠪᠠᠷ ᠲᠡᠬᠦᠯᠢᠨ ᠲᠤᠪᠳᠤᠯᠭᠠᠨᠠ᠃ ᠰᠠᠯᠬᠢ ᠰᠢᠬ ᠵᠢᠷᠢᠯᠵᠠᠨ | ᠦᠡᠭᠭᠡᠷᠡᠬᠦ ᠠᠳᠤᠭᠤᠨ ᠰᠦᠷᠦᠭ ᠤᠨ ᠬᠤᠶᠢᠨᠡ ᠠᠴᠠ ᠤᠷᠲᠦ ᠲᠠᠰᠢᠭᠤᠷ ᠡᠷᠬᠢᠬᠦᠯᠦᠭᠰᠡᠨ ᠠᠳᠤᠭᠤᠴᠢᠨ ᠦᠬᠢᠨ | ᠰᠤᠮᠤᠳᠠᠨ ᠲᠠᠪᠬᠢᠨᠠ ᠁ ᠡᠨᠡ ᠪᠤᠯ ᠤᠶᠤᠨᠭᠠᠸᠠ ᠶᠢᠨ ᠦᠪᠡᠷ ᠢᠶᠠᠨ ᠵᠤᠬᠢᠶᠠᠨ ᠪᠦᠲᠦᠭᠡᠵᠦ ᠪᠦᠵᠢᠭᠯᠡᠭᠰᠡᠨ ︽ | ᠠᠳᠤᠭᠤᠴᠢᠨ ᠦᠬᠢᠨ︾ ᠪᠦᠵᠢᠭ ᠤᠨ ᠨᠢᠭᠡᠨ ᠦᠵᠡᠭᠳᠡᠯ ᠪᠤᠯᠤᠨᠠ᠃ ᠡᠨᠡ ᠪᠦᠵᠢᠭ ᠢᠶᠠᠷ ᠢᠶᠠᠨ ᠤᠶᠤᠨᠭᠠᠸᠠ | 2013 ᠤᠨ ᠳᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ᠰᠠᠷᠠᠨᠠ︾ ᠱᠠᠩᠨᠠᠯ ᠢ | ᠲᠤᠰᠴᠠᠢ᠃ ᠤᠶᠤᠨᠭᠠᠸᠠ᠄ ︽ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠨᠠᠭᠠᠴᠤ ᠡᠵᠢ ᠶᠢᠨ ᠬᠢᠨ ᠤᠯᠠᠨ ᠠᠳᠤᠭᠤ ᠲᠠᠢ ᠠᠶᠢᠯ | ᠪᠠᠶᠢᠬᠰᠠᠨ᠃ ᠨᠠᠭᠠᠴᠤ ᠡᠵᠢ ᠮᠢᠨᠢ ᠮᠤᠷᠢ ᠤᠰᠤᠯᠠᠬᠤ ᠳᠤ ᠪᠠᠨ ᠤᠷᠲᠦ ᠲᠠᠰᠢᠭᠤᠷ ᠡᠷᠬᠢᠬᠦᠯᠵᠦ ᠪᠠᠶᠢᠬᠰᠠᠨ | ᠪᠠᠶᠢᠳᠠᠯ ᠨᠢ ᠮᠢᠨᠦ ᠰᠡᠳᠬᠢᠯ ᠳᠤ ᠬᠦᠨ ᠰᠠᠭᠤᠭᠳᠠᠵᠠᠢ᠃ ᠢᠡᠭᠬᠢᠬᠡᠳ ᠪᠢ ᠠᠳᠤᠭᠤᠨ ᠰᠦᠷᠦᠭ᠂ ᠤᠷᠳᠦ | ᠲᠠᠰᠢᠭᠤᠷ ᠢᠶᠠᠷ ᠰᠡᠳᠦᠪᠯᠡᠭᠰᠡᠨ ︿ᠠᠳᠤᠭᠤᠴᠢᠨ ᠦᠬᠢᠨ﹀ ᠭᠡᠰᠡᠨ ᠪᠦᠵᠢᠭ ᠢᠶᠠᠨ ᠵᠤᠬᠢᠶᠠᠨ ᠪᠦᠲᠦᠭᠡᠵᠦ | ᠪᠦᠵᠢᠭᠯᠡᠭᠰᠡᠨ ᠶᠤᠮ ᠡ᠃ ᠶᠡᠷᠦᠨᠢ ᠤᠷᠠᠯᠢᠭ ᠬᠡᠵᠦ ᠠᠮᠢᠳᠤᠷᠠᠯ ᠠᠴᠠ ᠡᠬᠦᠰᠦᠯᠲᠠᠢ ᠲᠤᠯᠠ ᠠᠮᠢᠳᠤᠷᠠᠯ | ᠦᠢᠯᠡᠳᠪᠦᠷᠢᠯᠡᠯ ᠲᠠᠢ ᠬᠤᠯᠪᠤᠬᠳᠠᠬᠰᠠᠨ ᠪᠦᠲᠦᠭᠡᠯ ᠯᠡ ᠰᠠᠶ᠋ᠢ ᠬᠦᠮᠦᠰ ᠤᠨ ᠰᠡᠳᠬᠢᠯ ᠳᠤ ᠬᠦᠷᠴᠦ ᠴᠢᠳᠠᠨᠠ | ᠬᠡᠳᠡᠭ ᠢ ᠪᠢ ᠢᠳᠡᠭᠡᠳᠡᠭ ᠁︾ ᠭᠡᠵᠦ ᠤᠴᠢᠷᠳᠠᠶᠢᠬᠠᠨ ᠶᠠᠷᠢᠵᠦ ᠪᠠᠶᠢᠯᠠ᠃ | | | ᠤᠷᠠᠯᠢᠭ ᠤᠨ ᠵᠠᠮ ᠢᠶᠠᠷ ᠵᠠᠮᠨᠠᠬᠰᠠᠨ ᠨᠢ | 1999 ᠤᠨ ᠳᠤ ᠤᠶᠤᠨᠭᠠᠸᠠ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠵᠢᠯ ᠤᠨ ᠭᠠᠷᠤᠭᠠ | ᠠᠪᠴᠤ᠂ ᠡᠳᠦᠷ ᠤᠨ ᠪᠤᠳᠤᠯ ᠳᠤ ᠪᠠᠨ ᠤᠷᠭᠤᠭᠤᠯᠤᠨ ᠰᠦᠨᠢ ᠶᠢᠨ ᠵᠡᠬᠦᠳᠦᠨ ᠳᠤ ᠪᠠᠨ ᠮᠠᠨᠠᠵᠤ ᠪᠠᠶᠢᠬᠰᠠᠨ | ︽ᠪᠦᠵᠢᠭᠴᠢᠨ︾ ᠪᠤᠯᠬᠤ ᠬᠦᠰᠡᠯ ᠢᠶᠠᠨ ᠪᠡᠶᠡᠯᠡᠬᠦᠯᠦᠭᠰᠠᠨ ᠪᠠᠶᠢᠵᠠᠢ᠃ ᠤᠯᠠᠭᠠᠨᠮᠦ᠋ᠴᠢᠷ ᠪᠤᠯ ᠬᠦᠳᠡᠭᠡ ᠲᠤᠰᠬᠤᠨ ᠳᠤ | ᠦᠢᠯᠡᠴᠢᠯᠡᠳᠡᠭ ︽ᠲᠠᠯᠠ ᠨᠤᠳᠤᠭ ᠤᠨ ᠬᠦᠡᠭᠭᠡᠨ ᠮᠤᠷᠢᠲᠦ ᠴᠡᠷᠢᠭ︾ ᠪᠤᠯᠬᠤᠷ ᠨᠢ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠲᠤᠬᠯᠠᠬᠴᠢᠳ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠬᠦᠳᠡᠭᠡ ᠲᠤᠰᠬᠤᠨ ᠢᠶᠠᠷ ᠲᠤᠬᠯᠠᠯᠲᠠ ᠭᠠᠷᠭᠠᠵᠤ ᠶᠠᠪᠤᠬᠤ | ᠤᠴᠢᠷᠲᠠᠢ᠃ ᠲᠡᠭᠡᠭᠡᠳ ᠨᠢᠭᠡ ᠶᠠᠪᠤᠪᠠᠯ ᠰᠠᠷᠠ ᠪᠠᠷ ᠶᠠᠪᠤᠨᠠ᠂ ᠬᠠᠯᠠᠭᠤᠨ ᠵᠤᠨ ᠬᠠᠬᠢᠷ ᠡᠪᠦᠯ ᠬᠡᠰᠡᠨ ᠦᠭᠡᠢ | ᠬᠦᠳᠡᠭᠡ ᠲᠠᠯᠠ ᠪᠠᠷ ᠲᠤᠬᠯᠠᠯᠲᠠ ᠭᠠᠷᠭᠠᠨᠠ᠃ 2002 ᠤᠨ ᠤ ᠡᠪᠦᠯ ᠪᠠᠶᠢᠵᠤ ᠪᠢᠯᠡ᠃ ᠡᠵᠡᠨ ᠬᠤᠷᠤᠭᠠ | ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠢᠨ ᠰᠤᠪᠤᠷᠭᠠ ᠶᠢᠨ ᠲᠠᠯᠠ ᠳᠤ ᠲᠤᠬᠯᠠᠯᠲᠠ ᠭᠠᠷᠭᠠᠬᠤ ᠳᠤ ᠮᠠᠰᠢ ᠬᠦᠢᠳᠡᠨ | ᠡᠳᠦᠷ ᠲᠤᠬᠢᠶᠠᠯᠳᠤᠬᠰᠠᠨ ᠪᠠᠶᠢᠵᠠᠢ᠃ ᠡᠨᠡ ᠬᠦᠢᠳᠡᠨ ᠡᠳᠦᠷ ᠨᠢᠮᠭᠡᠨ ᠴᠠᠮᠴᠠ ᠲᠠᠢ ᠶᠠᠭᠠᠬᠢᠵᠦ ᠲᠤᠬᠯᠠᠯᠲᠠ | ᠭᠠᠷᠭᠠᠳᠠᠬ ᠪᠢᠯᠡ ᠭᠡᠵᠦ ᠤᠶᠤᠨᠭᠠᠸᠠ ᠰᠡᠳᠬᠢᠯ ᠳᠤ ᠪᠠᠨ ᠡᠷᠡᠭᠡᠯᠵᠡᠭᠡ ᠲᠠᠢ ᠲᠠᠶᠢᠰᠠᠨ ᠳᠤ ᠭᠠᠷᠬᠤ ᠳᠤ ᠲᠤᠤᠷᠠ | ᠲᠤᠬᠯᠠᠯᠲᠠ ᠦᠵᠡᠵᠦ ᠪᠠᠶᠢᠭᠠ ᠮᠠᠯᠴᠢᠳ ᠬᠠᠯᠠᠭᠤᠨ ᠠᠯᠠᠭᠠ ᠲᠠᠰᠢᠯᠲᠠ ᠪᠤᠯᠤᠨ ᠤᠤᠬᠠᠢᠢᠯᠠᠯ ᠤᠨ ᠲᠠᠭᠤᠨ ᠢᠶᠠᠷ | ᠲᠡᠳᠡᠨ ᠳᠤ ᠤᠷᠮᠠ ᠬᠠᠶᠢᠷᠠᠯᠠᠵᠤ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠮᠠᠰᠢ ᠶᠡᠭᠡ ᠲᠤᠬᠳᠤᠯᠵᠤ᠂ ᠡᠪᠦᠯ ᠤᠨ | ᠬᠦᠢᠳᠡᠨ ᠢ ᠨᠢᠬᠡᠮᠦᠰᠦᠨ ᠤᠮᠠᠷᠳᠠᠵᠤ᠂ ᠢᠷᠠᠭᠤ ᠰᠠᠶᠢᠬᠠᠨ ᠤᠶᠠᠩᠭᠠ ᠪᠦᠵᠢᠭ ᠢᠶᠠᠷ ᠢᠶᠠᠨ ᠮᠠᠯᠴᠢᠳ ᠤᠨ ᠬᠠᠷᠠᠭᠠ ᠶᠢ | ᠮᠢᠯᠢᠶᠠᠵᠤ ᠰᠡᠳᠬᠢᠯ ᠢ ᠨᠢ ᠬᠦᠭᠰᠡᠭᠡᠵᠦ ᠪᠢᠯᠡ᠃ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠵᠢᠯᠯᠠᠬᠰᠠᠨ ᠬᠤᠷᠢ ᠰᠢᠬᠠᠮ ᠵᠢᠯ ᠤᠨ | ᠬᠤᠭᠤᠴᠠᠭᠠᠨ ᠳᠤ ᠤᠶᠤᠨᠭᠠᠸᠠ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠠᠮᠲᠦ ᠬᠤᠶᠠᠷ ᠮᠢᠩᠭᠠ | ᠭᠠᠷᠤᠢ ᠤᠳᠠᠭᠠ ᠶᠢᠨ ᠲᠤᠭᠤᠷᠢᠨ ᠲᠤᠬᠯᠠᠯᠲᠠ ᠳᠤ ᠤᠷᠤᠯᠴᠠᠨ᠂ ᠲᠡᠰᠪᠦᠷᠢ ᠬᠠᠳᠠᠭᠤᠵᠢᠯᠲᠠᠢ ᠵᠠᠩ ᠴᠢᠨᠠᠷ ᠢ ᠲᠠᠪᠳᠠᠨ | ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠪᠤᠬᠲᠠ ᠶᠢᠨ ᠰᠢᠳᠦᠬᠡᠨᠲᠦ ᠨᠤᠳᠤᠭ ᠤᠨ ᠬᠦᠷᠦᠰᠦᠨ ᠳᠤ ᠦᠨᠳᠦᠰᠦ ᠬᠠᠳᠬᠤᠨ ᠰᠢᠮᠡ | ᠠᠪᠴᠦ ᠤᠷᠠᠯᠢᠭ ᠤᠨ ᠲᠠᠶᠢᠰᠠᠨᠠ ᠪᠠᠳᠮᠠᠯᠠᠨ ᠲᠡᠯᠭᠡᠷᠡᠭᠰᠡᠨ ᠪᠢᠯᠡ᠃ | | | | ᠤᠷᠠᠯᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠰᠠᠨ ᠨᠢ | ᠤᠷᠠᠯᠢᠭ ᠤᠨ ᠴᠡᠩᠭᠡᠯᠲᠦ ᠲᠠᠪᠴᠠᠩ ᠲᠡᠭᠡᠷᠡ ᠤᠳᠤ ᠨᠢ ᠪᠤᠯᠤᠨ ᠬᠢᠯᠠᠯᠵᠠᠵᠤ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠦᠢᠯᠡᠰ ᠲᠤ ᠤᠬᠠᠭᠠᠨ ᠲᠠᠮᠢᠷ ᠢᠶᠠᠨ ᠰᠦᠢᠵᠤ ᠶᠠᠪᠤᠭᠠ ᠡᠨᠡ ᠪᠦᠵᠢᠭᠴᠢᠨ ᠢ ᠤᠶᠤᠨᠭᠠᠸᠠ ᠭᠡᠳᠡᠭ᠂ ᠡᠵᠡᠨ | ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠦᠵᠢᠭᠴᠢᠨ᠂ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠲᠤᠬᠯᠠᠬᠴᠢ᠃ | ᠲᠡᠷᠡᠪᠡᠷ 1985 ᠤᠨ ᠳᠤ ᠤᠳᠤᠭ ᠬᠤᠰᠢᠭᠤᠨ ᠳᠤ ᠲᠦᠷᠦᠵᠠᠢ᠃ ᠤᠶᠤᠨᠭᠠᠸᠠ ᠪᠠᠭᠠ ᠠᠴᠠ ᠪᠠᠨ ᠪᠦᠵᠢᠭ ᠲᠤ | ᠮᠠᠰᠢ ᠶᠡᠭᠡ ᠪᠠᠭ᠋ᠠᠲᠠᠢ ᠪᠠᠶᠢᠵᠤ᠂ ᠬᠡᠵᠢᠶᠡᠳᠡ ᠯᠡ ᠨᠠᠬᠢᠰ ᠨᠤᠬᠤᠰ ᠪᠦᠵᠢᠭᠯᠡᠨ ᠨᠠᠰᠤ ᠬᠤᠷᠠᠭ ᠤᠨ | ᠬᠡᠦᠬᠡᠳ ᠤᠳ ᠲᠤ ᠪᠠᠨ ᠪᠦᠵᠢᠭ ᠵᠢᠭᠠᠬᠤ ᠭᠡᠳ ᠰᠦᠢᠳ ᠪᠤᠯᠳᠠᠭ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠦᠨᠳᠦᠷ ᠲᠤᠮᠳᠠᠳᠦ ᠪᠠᠨ | ᠲᠡᠬᠦᠰᠥᠮᠡᠭᠴᠡ ᠤᠷᠠᠯᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠪᠠᠷ ᠵᠤᠷᠢᠭ ᠰᠢᠢᠳᠦᠭᠰᠡᠨ ᠪᠤᠯᠪᠠᠴᠤ ᠡᠮᠴᠢ ᠶᠢᠨ ᠠᠯᠪᠠ ᠲᠠᠢ | ᠠᠪᠠᠢ ᠨᠢ ᠦᠬᠢᠨ ᠢᠶᠠᠨ ᠪᠦᠵᠢᠭᠴᠢᠨ ᠪᠤᠯᠬᠤ ᠶᠢ ᠵᠦᠪᠰᠢᠶᠡᠷᠡᠬᠦ ᠦᠬᠡᠢ ᠪᠠᠶᠢᠪᠠ᠃ ᠢᠡᠭᠬᠢᠬᠦᠯᠡᠷ ᠨᠢ ᠤᠶᠤᠨᠭᠠᠸᠠ | ᠠᠪᠠᠢ ᠳᠤ ᠪᠠᠨ᠄ ︽ᠪᠢ ᠵᠠᠪᠠᠯ ᠪᠦᠵᠢᠭ ᠰᠤᠷᠤᠨᠠ᠂ ᠪᠢ ᠵᠠᠪᠠᠯ ᠪᠦᠵᠢᠭᠴᠢᠨ ᠪᠤᠯᠤᠨᠠ᠂ ᠬᠡᠷᠪᠡ ᠨᠠᠮᠠ ᠶᠢ | ᠪᠦᠵᠢᠭᠴᠢᠨ ᠪᠤᠯᠭᠠᠬᠤ ᠦᠬᠡᠢ ᠪᠤᠯ ᠡᠨᠡ ᠨᠠᠰᠤᠨ ᠳᠤ ᠪᠠᠨ ᠲᠠᠨ ᠢ ᠬᠤᠷᠤᠰᠴᠤ ᠶᠠᠪᠤᠨᠠ︾ ᠭᠡᠵᠦ ᠬᠠᠶᠢᠷᠠᠲᠠᠢ | ᠠᠪᠤ ᠳᠤ ᠪᠠᠨ ᠬᠠᠳᠠᠭᠤ ᠦᠬᠡ ᠬᠠᠶᠠᠴᠢᠬᠠᠭᠠᠳ ᠤᠷᠠᠯᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠵᠦ᠂ ᠪᠦᠵᠢᠭ ᠲᠠᠢ ᠨᠠᠰᠤᠨ ᠤ | ᠪᠠᠷᠢᠯᠳᠤᠯᠭᠠ ᠪᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠤᠷᠠᠯᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠰᠠᠨ ᠤ ᠲᠠᠷᠠᠭᠠ | ᠤᠶᠤᠨᠭᠠᠸᠠ ᠪᠦᠵᠢᠭ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠬᠢᠴᠢᠶᠡᠯ ᠢᠶᠠᠨ ᠰᠢᠯᠢᠳᠡᠭ ᠠᠮᠵᠢᠯᠲᠠ ᠲᠠᠢ ᠲᠡᠬᠦᠰᠭᠡᠵᠦ᠂ | ᠪᠦᠵᠢᠭ ᠤᠨ ᠡᠷᠳᠡᠮ ᠢᠶᠠᠨ ᠬᠠᠳᠠᠭᠤᠵᠢᠯᠲᠠᠢ ᠪᠤᠯᠪᠠᠰᠤᠷᠠᠵᠤ᠂ ᠬᠤᠵᠢᠮ ᠤᠨ ᠤᠷᠠᠯᠢᠭ ᠤᠨ ᠵᠠᠮ ᠳᠤ ᠪᠠᠨ ᠵᠢᠬᠦᠷ | ᠤᠷᠭᠤᠭᠤᠯᠬᠤ ᠪᠠᠷ ᠮᠡᠷᠡᠶᠢᠨ ᠴᠢᠷᠮᠠᠶᠢᠵᠠᠢ᠃ ᠤᠶᠤᠨᠭᠠᠸᠠ᠄ ︽ᠪᠢ ᠴᠢᠨᠢ ︿ᠪᠦᠵᠢᠭ ᠤᠨ ᠬᠡᠢ﹀ ᠲᠠᠢ ᠬᠦᠮᠦᠨ᠂ | ᠤᠷᠭᠤᠬᠤ ᠨᠠᠷᠠ ᠲᠠᠢ ᠤᠷᠤᠯᠳᠤᠨ ᠪᠠᠶᠢᠵᠤ ᠪᠦᠵᠢᠭ ᠪᠤᠯᠪᠠᠰᠤᠷᠠᠬᠤ ᠬᠡᠷ ᠲᠤ ᠤᠷᠤᠪᠠᠯ ᠦᠳᠡᠰᠢ ᠶᠢᠨ ᠰᠠᠷᠠ ᠲᠠᠢ | ᠬᠠᠨᠢᠰᠤᠨ ᠪᠠᠶᠢᠵᠦ ᠪᠠᠶᠢᠷᠢ ᠶᠢᠨ ᠬᠡᠷ ᠲᠤ ᠪᠠᠨ ᠪᠤᠴᠠᠳᠠᠭ ᠪᠠᠶᠢᠬᠰᠠᠨ᠃ ᠪᠦᠵᠢᠭ ᠪᠤᠯᠪᠠᠰᠤᠷᠠᠭᠠᠳ ᠪᠠᠷᠠᠬᠤ ᠳᠤ | ᠪᠦᠳᠦᠨ ᠪᠡᠶᠡ ᠡᠪᠡᠳᠴᠦ ᠬᠦᠳᠡᠯᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠤᠯᠴᠢᠬᠠᠳᠠᠭ᠃ ᠬᠡᠶᠡ ᠮᠠᠷᠭᠠᠰᠢ ᠨᠢ ᠪᠦᠵᠢᠭ ᠢᠶᠠᠨ | ᠪᠦᠵᠢᠭᠯᠡᠭᠡᠳ ᠡᠬᠢᠯᠡᠬᠦ ᠳᠤ ᠪᠡᠶᠡ ᠨᠢᠬᠡᠯᠡ ᠬᠦᠡᠭᠭᠡᠷᠡᠨ ᠡᠪᠡᠳᠬᠦ ᠪᠠᠨ ᠮᠠᠷᠳᠠᠴᠢᠬᠠᠳᠠᠭ᠃ ᠮᠢᠨᠦ ᠵᠡᠬᠦᠨ ᠲᠠᠯᠠ ᠶᠢᠨ | ᠭᠠᠷ ᠬᠦᠯ ᠤᠨ ᠦᠶᠡ ᠪᠦᠷ ᠮᠤᠯᠳᠤᠷᠠᠵᠤ ᠦᠡᠭᠭᠡᠷᠡᠭᠰᠡᠨ ᠯᠡ ᠳ᠋ᠠ ᠁︾ ᠭᠡᠵᠦ ᠶᠠᠮᠠᠷ ᠴᠦ ᠤᠴᠢᠷ ᠪᠤᠯᠤᠭᠠ | ᠦᠬᠡᠢ ᠶᠤᠮ ᠰᠢᠬ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠨᠠ᠃ | | | | ᠤᠷᠠᠯᠢᠭ ᠤᠨ ᠵᠠᠮ ᠢᠶᠠᠷ ᠬᠢᠯᠠᠷᠠᠭᠤᠯᠤᠬᠰᠠᠨ ᠨᠢ | ᠡᠩ ᠤᠨ ᠪᠦᠵᠢᠭᠴᠢᠨ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠲᠠᠭᠠᠭᠤᠯᠤᠨ ᠪᠦᠵᠢᠭᠯᠡᠭᠴᠢ ᠪᠤᠯᠤᠯᠠ᠂ ᠲᠠᠭᠠᠭᠤᠯᠤᠨ | ᠪᠦᠵᠢᠭᠯᠡᠭᠴᠢ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠪᠦᠵᠢᠭ ᠵᠤᠬᠢᠶᠠᠬᠴᠢ ᠪᠤᠯᠤᠯᠠ᠃ ᠠᠷᠪᠠᠭᠠᠳ ᠵᠢᠯ ᠤᠨ ᠤᠷᠠᠯᠢᠭ ᠤᠨ ᠵᠠᠮ ᠳᠤ | ᠤᠶᠤᠨᠭᠠᠸᠠ ᠶᠢᠨ ᠲᠤᠬᠯᠠᠵᠤ ᠪᠦᠬᠦᠢ ︽ᠲᠦᠷᠢ︾ ᠬᠤᠪᠢᠷᠠᠬᠰᠠᠨ ᠠᠴᠠ ᠪᠢᠰᠢ ︽ᠪᠦᠵᠢᠭ︾ ᠠᠴᠠ ᠰᠠᠯᠵᠦ | ᠦᠡᠭᠭᠡᠷᠡᠭᠡ ᠦᠬᠡᠢ᠃ ︽ᠪᠦᠵᠢᠭ ᠪᠦᠵᠢᠭᠯᠡᠬᠦ ᠳᠤ ᠪᠡᠶᠡ ᠮᠠᠬᠠᠪᠤᠳ ᠤᠨ ᠬᠡᠪ ᠴᠢᠨᠠᠷ ᠤᠨ ᠱᠠᠭᠠᠷᠳᠠᠯᠭᠠ ᠦᠨᠳᠦᠷ᠂ | ᠭᠤᠴᠢ ᠦᠡᠭᠭᠡᠷᠡᠴᠢᠭᠡᠪᠡᠯ ᠪᠦᠵᠢᠭ ᠪᠦᠵᠢᠭᠯᠡᠬᠦ ᠳᠤ ᠬᠦᠴᠢᠷᠳᠡᠨᠡ᠃ ᠬᠡᠶᠡ ᠪᠢ ᠪᠦᠵᠢᠭ ᠲᠤ ᠦᠨᠡᠨ | ᠰᠡᠳᠭᠢᠯ ᠠᠴᠠ ᠢᠶᠠᠨ ᠬᠠᠶᠢᠷᠠᠲᠠᠢ᠂ ᠶᠠᠭᠤ ᠴᠤ ᠪᠤᠯᠤᠬᠰᠠᠨ ᠡᠨᠡ ᠨᠠᠰᠤᠨ ᠳᠤ ᠪᠠᠨ ᠪᠦᠵᠢᠭ ᠤᠨ ᠬᠠᠮᠢᠶᠠᠲᠠᠢ ᠠᠵᠢᠯ | ᠯᠡ ᠬᠢᠨᠡ ᠭᠡᠵᠦ ᠪᠡᠶᠡ ᠳᠤ ᠪᠠᠨ ᠠᠮᠠᠯᠳᠠᠬᠰᠠᠨ ᠪᠤᠯᠬᠤᠷ ᠨᠢ ᠤᠢᠢᠷᠠ ᠶᠢᠨ ᠵᠢᠯ ᠠᠴᠠ ᠭᠤᠤᠯ ᠨᠢ ᠪᠦᠵᠢᠭ ᠤᠨ | ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠶᠢᠨ ᠠᠵᠢᠯ ᠳᠤ ᠢᠯᠡᠬᠦᠦ ᠬᠦᠴᠦ ᠲᠠᠯᠪᠢᠬᠤ ᠪᠤᠯᠵᠠᠢ ᠁︾ ᠭᠡᠵᠦ ᠤᠶᠤᠨᠭᠠᠸᠠ ᠬᠡᠯᠡᠨᠡ | ᠃ | ᠠᠷᠪᠠᠭᠠᠳ ᠵᠢᠯ ᠤᠨ ᠤᠷᠠᠯᠢᠭ ᠤᠨ ᠵᠠᠮ ᠳᠤ ᠪᠠᠨ ᠤᠶᠤᠨᠭᠠᠸᠠ ︽ᠠᠳᠤᠭᠤᠴᠢᠨ ᠬᠡᠦᠬᠡᠨ︾᠂ ︽ | ᠰᠠᠭᠠᠯᠢᠴᠢᠨ ᠪᠦᠰᠡᠬᠦᠢ︾᠂ ︽ᠰᠠᠯᠬᠢᠨ ᠤ ᠵᠦᠡᠭᠨᠡᠯ︾᠂ ︽ᠠᠮᠢᠨ︾ ᠵᠡᠷᠭᠡ ᠤᠯᠠᠨ ᠤᠯᠠᠨ ᠰᠤᠳᠤᠨ | ᠪᠦᠵᠢᠭ ᠢᠶᠠᠨ ᠵᠤᠬᠢᠶᠠᠨ ᠪᠦᠵᠢᠭᠯᠡᠵᠦ᠂ ᠤᠯᠤᠰ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠ ᠬᠤᠲᠠ ᠶᠢᠨ ᠡᠯᠡ ᠵᠦᠢᠯ ᠤᠨ | ᠪᠦᠵᠢᠭ ᠤᠨ ᠤᠷᠤᠯᠳᠤᠭᠠᠨ ᠤ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠢ ᠤᠯᠠᠨᠲᠠ ᠬᠦᠷᠳᠡᠵᠦ ᠶᠠᠪᠤᠵᠠᠢ᠃ ᠡᠬᠦᠨ ᠳᠤ ᠤᠨᠴᠠᠭᠠᠢᠢᠯᠠᠨ | ᠲᠤᠷᠠᠳᠤᠭᠤᠰᠢᠲᠠᠢ ᠨᠢ 2006 ᠤᠨ ᠳᠤ ᠲᠡᠬᠦᠨ ᠤ ᠪᠦᠵᠢᠭᠯᠡᠭᠰᠡᠨ ︽ᠤᠷᠳᠤᠰ ᠬᠤᠷᠢᠮ︾ ᠨᠢ ᠪᠦᠬᠦ ᠤᠷᠤᠨ ᠤ | ︽ᠲᠠᠪᠤᠨ ᠨᠢᠭᠡ ᠶᠢᠨ ᠢᠨᠵᠧᠨᠧᠷᠢᠩ︾ ᠤᠨ ᠱᠠᠩᠨᠠᠯ ᠢ ᠬᠦᠷᠳᠡᠪᠡ︔ 2013 ᠤᠨ ᠤ 6 ᠰᠠᠷᠠ ᠳᠤ ᠤᠶᠤᠨᠭᠠᠸᠠ | ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠠᠮᠲᠦ ᠬᠠᠨᠭ᠍ᠭᠠᠷᠢ ᠤᠯᠤᠰ ᠲᠤ ᠬᠦᠷᠴᠦ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ | ᠬᠤᠭᠤᠴᠠᠭᠠᠨ ᠤ ᠤᠯᠠᠨ ᠤᠯᠤᠰ ᠤᠨ ᠠᠷᠠᠳ ᠤᠨ ᠪᠦᠵᠢᠭ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠭᠠᠳ ᠲᠡᠷᠢᠬᠦᠨ ᠱᠠᠩᠨᠠᠯ ᠢ | ᠲᠤᠰᠴᠠᠢ︔ 2015 ᠤᠨ ᠳᠤ ᠤᠶᠤᠨᠭᠠᠸᠠ ︽ᠤᠷᠳᠤᠰ ᠤᠨ ᠰᠤᠳᠤᠨ ᠴᠢᠳᠠᠪᠤᠷᠢᠳᠠᠨ︾ ᠤ ᠢᠷᠠᠭᠤ ᠠᠯᠳᠠᠷ ᠢ | ᠬᠦᠷᠳᠡᠪᠡ ᠁ | ︽ᠮᠢᠨᠦ ᠪᠦᠵᠢᠭᠯᠡᠭᠰᠡᠨ ᠪᠦᠵᠢᠭ ᠪᠠ ᠵᠤᠬᠢᠶᠠᠬᠰᠠᠨ ᠪᠦᠵᠢᠭ ᠤᠷᠠᠯᠢᠭ ᠤᠨ ᠲᠠᠶᠢᠰᠠᠨᠠ ᠲᠤᠬᠯᠠᠬᠳᠠᠵᠤ | ᠬᠦᠮᠦᠰ ᠤᠨ ᠰᠡᠳᠬᠢᠯ ᠳᠤ ᠬᠦᠷᠬᠦ ᠪᠤᠯ ᠮᠢᠨᠦ ᠬᠠᠮᠤᠭ ᠤᠨ ᠶᠡᠭᠡ ᠬᠦᠭᠡᠭᠡᠴᠡᠯᠳᠦᠯ ᠪᠤᠯᠤᠨᠠ᠃ ᠴᠠᠭ ᠦᠶᠡ | ᠬᠤᠪᠢᠷᠠᠨ ᠰᠢᠨᠡᠳᠴᠦ ᠪᠠᠶᠢᠨᠠ᠂ ᠪᠦᠵᠢᠭ ᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠳᠤ ᠰᠢᠨᠡ ᠱᠠᠭᠠᠷᠳᠠᠯᠭᠠ ᠲᠠᠯᠪᠢᠬᠳᠠᠵᠤ | ᠪᠠᠶᠢᠨᠠ᠃ ᠬᠤᠶᠢᠰᠢᠲᠠ ᠶᠢᠨ ᠪᠦᠵᠢᠭ ᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠳᠤ ᠪᠠᠨ ᠰᠢᠨᠡ ᠰᠡᠳᠬᠢᠬᠦᠢ ᠤᠷᠤᠭᠤᠯᠵᠤ᠂ ᠴᠠᠭ | ᠦᠶᠡ ᠶᠢᠨ ᠬᠡᠪ ᠨᠠᠮᠪᠠ ᠶᠢ ᠢᠯᠡᠷᠡᠬᠦᠯᠦᠨ᠂ ᠦᠨᠳᠦᠰᠦᠲᠡᠨ ᠤ ᠤᠨᠴᠠᠯᠢᠭ ᠢ ᠬᠠᠳᠠᠭᠠᠯᠠᠬᠰᠠᠨ ᠪᠦᠵᠢᠭ ᠢ ᠢᠯᠡᠬᠦᠬᠡᠨ | ᠵᠤᠬᠢᠶᠠᠨ ᠪᠦᠲᠦᠭᠡᠵᠦ᠂ ᠨᠤᠳᠤᠭ ᠤᠨ ᠤᠯᠠᠨ ᠲᠦᠮᠡᠨ ᠤ ᠴᠡᠴᠡᠭᠡᠢ ᠬᠠᠷᠠᠭᠠᠨ ᠳᠤ ᠲᠤᠯᠢᠯᠠᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ | ᠶᠠᠪᠤᠨᠠ ᠁︾ ᠭᠡᠵᠦ ᠤᠶᠤᠨᠭᠠᠸᠠ ᠬᠦᠰᠡᠯ ᠪᠤᠳᠤᠯ ᠢᠶᠠᠨ ᠵᠢᠷᠤᠬᠯᠠᠨᠠ᠃ | ᠪᠦᠵᠢᠭᠴᠢᠨ ᠤᠶᠤᠨᠭᠠᠸᠠ ᠳᠤ ᠪᠠᠨ ᠦᠢᠯᠡᠰ ᠤᠨ ᠦᠨᠳᠦᠷ ᠠᠮᠵᠢᠯᠲᠠ ᠬᠦᠰᠡᠶᠡ᠃ | ᠰᠤᠷᠪᠤᠯᠵᠢᠯᠠᠬᠰᠠᠨ ᠤ ᠲᠠᠷᠠᠭᠠ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠭᠤᠳᠠᠮ ᠲᠠᠯᠠ ᠲᠡᠭᠡᠷᠡ ᠲᠦᠭ ᠲᠦᠮᠡᠨ ᠤᠷᠠᠯᠢᠬᠴᠢᠨ ᠤᠯᠠᠭᠠᠨᠮᠦ᠋ᠴᠢᠷ — | ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠳᠡᠭ ︽ᠲᠠᠯᠠ ᠨᠤᠳᠤᠭ ᠤᠨ ᠬᠦᠡᠭᠭᠡᠨ ᠮᠤᠷᠢᠲᠦ ᠴᠡᠷᠢᠭ︾ ᠤᠨ ᠰᠠᠶᠢᠬᠠᠨ ᠠᠯᠳᠠᠷ ᠢ | ᠦᠶᠡ ᠶᠢᠨ ᠦᠶᠡ ᠡᠷᠬᠦᠵᠦ᠂ ᠮᠠᠨᠳᠤᠭᠤᠯᠵᠤ᠂ ᠬᠦᠭᠵᠢᠬᠦᠯᠦᠨ ᠦᠨᠦᠳᠦᠷ ᠲᠤ ᠬᠦᠷᠴᠦ ᠢᠷᠡᠯᠠ᠃ ᠲᠡᠰᠪᠦᠷᠢ | ᠬᠠᠳᠠᠭᠤᠵᠢᠯᠲᠠᠢ ᠪᠠᠷ ᠤᠯᠠᠨ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠨ᠂ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠤᠨ ᠭᠤᠯᠤᠮᠲᠠ ᠶᠢᠨ ᠭᠠᠯ ᠳᠤ | ᠴᠤᠭ ᠨᠡᠮᠡᠷᠢᠯᠡᠬᠦ ᠪᠠᠷ ᠮᠡᠷᠡᠶᠢᠨ ᠴᠢᠷᠮᠠᠶᠢᠬᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠤᠷᠢᠭ ᠰᠠᠨᠠᠭᠠ ᠦᠶᠡ ᠶᠢᠨ ᠦᠶᠡ ᠤᠯᠠᠮᠵᠢᠯᠠᠬᠳᠠᠨ | ᠡᠳᠦᠬᠡ ᠪᠤᠯᠤᠯᠠ᠃ | ᠤᠶᠤᠨᠭᠠᠸᠠ ᠶᠢ ᠰᠤᠷᠪᠤᠯᠵᠢᠯᠠᠨᠠ ᠭᠡᠳ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠯᠪᠠᠯᠠᠬᠤ | ᠠᠰᠠᠷ ᠲᠤ ᠤᠴᠢᠭᠠᠳ ᠠᠰᠠᠷ ᠤᠨ ᠭᠤᠳᠤᠮᠵᠢ ᠶᠢᠨ ᠤᠬᠠᠭᠤᠯᠭᠠ ᠶᠢᠨ ᠬᠡᠷᠡᠮ ᠲᠡᠭᠡᠷᠡ ᠡᠯᠬᠦᠬᠡᠰᠦᠲᠠᠢ ᠪᠠᠶᠢᠭᠠ | ᠠᠬᠠᠮᠠᠳ ᠨᠢᠭᠡ ᠦᠶᠡ ᠶᠢᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠯᠢᠭᠴᠢᠳ ᠤᠨ ᠠᠷᠠᠯ ᠤᠨ ᠱᠠᠷ ᠢᠶᠠᠨ ᠬᠦᠯᠯᠡᠵᠦ᠂ ᠬᠤᠭᠤᠷ | ᠶᠠᠳᠤᠭᠠ ᠪᠠᠨ ᠲᠡᠭᠡᠭᠡᠴᠢᠭᠡᠭᠡᠳ ᠬᠦᠳᠡᠭᠡ ᠲᠤᠰᠬᠤᠨ ᠢᠶᠠᠷ ᠲᠤᠬᠯᠠᠯᠲᠠ ᠭᠠᠷᠭᠠᠬᠤ ᠪᠠᠷ ᠶᠠᠪᠤᠵᠤ ᠪᠠᠶᠢᠭᠠ ᠬᠠᠭᠤᠴᠢᠨ | ᠰᠡᠬᠦᠳᠡᠷ ᠤᠳ ᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠮᠠᠰᠢ ᠶᠡᠭᠡ ᠲᠤᠬᠳᠤᠯᠪᠠ᠃ ᠲᠡᠳᠡᠨ ᠤ ᠨᠢᠭᠤᠷ ᠲᠡᠭᠡᠷᠡ ᠲᠤᠳᠤᠷᠠᠬᠰᠨ | ᠢᠨᠢᠶᠡᠮᠰᠦᠭᠯᠡᠯ ᠤᠨ ᠴᠠᠭᠠᠨᠠ ᠲᠡᠰᠪᠦᠷᠢ ᠬᠠᠳᠠᠭᠤᠵᠢᠯᠲᠠᠢ ᠪᠠᠷ ᠤᠯᠠᠨ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠳᠡᠭ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠤᠷᠢᠭ ᠰᠠᠨᠠᠭᠠ ᠬᠠᠷᠠᠬᠳᠠᠨᠠ᠃ ᠵᠠᠯᠠᠭᠤ ᠤᠷᠠᠯᠢᠬᠴᠢᠨ ᠤᠶᠤᠨᠭᠠᠸᠠ ᠶᠢᠨ ᠦᠬᠡ ᠶᠠᠷᠢᠶᠠ ᠵᠢᠴᠢ | ᠲᠡᠬᠦᠨ ᠤ ᠬᠢᠵᠦ ᠪᠦᠲᠦᠭᠡᠭᠰᠡᠨ ᠵᠦᠢᠯ ᠠᠴᠠ ᠴᠦ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠤᠷᠢᠭ ᠰᠠᠨᠠᠭᠠ ᠬᠠᠷᠠᠬᠳᠠᠨᠠ᠃ ᠲᠡᠳᠡ | ᠪᠦᠬᠦᠨ ︽ᠴᠠᠭ ᠦᠶᠡ ᠶᠢᠨ ᠭᠠᠪᠰᠢᠭᠠᠢᠢᠯᠠᠬᠴᠢ︾ ᠮᠦᠨ᠃ | ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠤᠨ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠠᠮᠦ᠋ᠴᠢᠷ ᠲᠤ ᠢᠯᠡᠭᠡᠭᠰᠡᠨ | ᠬᠠᠷᠢᠭᠤ ᠵᠠᠬᠢᠳᠠᠯ ᠨᠢ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠶᠢ ᠬᠦᠢᠴᠡᠳ ᠨᠤᠳᠠᠯᠠᠨ᠂ ᠤᠯᠠᠭᠠᠨᠮᠦ᠋ᠴᠢᠷ ᠤᠨ | ᠦᠢᠯᠡᠰ ᠲᠤ ᠰᠢᠨᠡ ᠴᠠᠭ ᠦᠶᠠ ᠶᠢᠨ ᠰᠢᠨᠡ ᠱᠠᠭᠠᠷᠳᠠᠯᠭᠠ ᠶᠢ ᠲᠠᠯᠪᠢᠵᠠᠢ᠃ ᠤᠯᠠᠨ ᠲᠦᠮᠡᠨ ᠤ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠦᠢᠯᠡᠰ ᠤᠨ ᠭᠦᠭᠵᠢᠯᠲᠡ ᠳᠤ ᠲᠠᠯᠪᠢᠬᠰᠠᠨ ᠬᠦᠰᠡᠯ ᠨᠠᠶᠢᠳᠠᠯᠭᠠ ᠪᠤᠯᠤᠨ ᠦᠵᠡᠬᠦᠯᠦᠭᠰᠡᠨ | ᠲᠡᠮᠵᠢᠯᠭᠡ ᠴᠦ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠ ᠦᠬᠡᠢ ᠨᠡᠮᠡᠭᠳᠡᠪᠡ᠃ ᠤᠶᠤᠨᠭᠠᠸᠠ ᠮᠡᠲᠦ ᠶᠢᠨ ᠵᠠᠯᠠᠭᠤ ᠨᠢᠭᠡ | ᠦᠶᠡ ᠶᠢᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠤᠷᠠᠯᠢᠭᠴᠢᠳ ᠤᠨ ᠵᠠᠮ ᠬᠤᠯᠠ ᠡᠬᠦᠷᠬᠡ ᠬᠦᠨᠲᠦ ᠪᠠᠶᠢᠬᠰᠠᠭᠠᠷ᠃ ᠡᠳᠦᠬᠡ ᠲᠡᠳᠡ | ᠤᠯᠠᠨ ᠲᠦᠮᠡᠨ ᠤ ᠬᠦᠰᠡᠯ ᠨᠠᠶᠢᠳᠠᠯᠭᠠ ᠶᠢ ᠡᠬᠦᠷᠭᠡᠯᠡᠨ ︽ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠭᠠᠪᠰᠢᠭᠠᠢᠢᠯᠠᠬᠴᠢ︾ | ᠪᠤᠯᠬᠤ ᠪᠠᠷ ᠰᠢᠨᠡ ᠠᠶᠠᠨ ᠵᠠᠮ ᠳᠤ ᠪᠠᠨ ᠢᠳᠡᠭᠡᠯ ᠲᠡᠬᠦᠯᠳᠡᠷ ᠢᠶᠠᠷ ᠮᠤᠷᠳᠠᠯᠠ᠃ | ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠦᠢᠯᠡᠰ ᠦᠨᠢᠲᠡ ᠬᠦᠭᠵᠢᠨ ᠮᠠᠨᠳᠤᠬᠤ ᠪᠤᠯᠳᠤᠭᠠᠢ᠃ | | | | | | | | | | | | |