ᠡᠮᠵᠡᠭ᠌ᠭᠡᠨ ᠰᠡᠳᠭᠢᠯᠢᠶᠠᠨ ᠣᠯᠠᠨ ᠶᠠᠩᠵᠣᠪᠠᠷ ᠬᠡᠰᠡᠭ᠌ᠯᠡᠴᠢᠬᠡᠬᠡᠳ ᠲᠠᠪᠠᠬᠯᠠᠵᠦ
ᠡᠳᠣᠷ ᠰᠦᠨᠢ ᠬᠤᠶᠠᠷᠢ ᠭᠠᠭ᠍ᠴᠠ ᠴᠣᠮᠣᠳᠤ ᠰᠠᠪᠠᠯᠠᠴᠢᠬᠠᠭᠠᠳ ᠬᠡᠮᠨᠡᠵᠣ
ᠡᠢᠮᠣ ᠨᠢᠬᠡ ᠬᠠᠴᠢᠨ ᠭᠠᠢᠬᠠᠮᠱᠢᠭ᠍ᠳᠣ ᠱᠢᠷᠡᠭᠡᠶ᠋ᠢ ᠬᠠᠳᠣᠨ ᠣᠬᠠᠭᠠᠨᠢᠶᠠᠷ ᠵᠠᠰᠠᠵᠣ
ᠦᠪᠡᠷᠢᠶᠠᠨ ᠬᠠᠷᠢᠨ ᠡᠨᠡ ᠱᠢᠷᠡᠭᠡᠨᠳᠡᠭᠡᠨ ᠬᠠᠭᠠᠨ ᠰᠠᠭᠤᠳᠠᠯᠢᠶᠠᠷ ᠰᠠᠭᠠᠳᠠᠵᠣ
ᠭᠠᠳᠠᠨᠠ ᠴᠦ᠍ ᠬᠡᠷᠲᠤ ᠴᠦ᠍ ᠠᠳᠠᠯᠢᠬᠠᠨ ᠠᠮᠢᠳᠣᠷᠠᠯᠤᠨ ᠦᠩᠭᠡ ᠦᠳᠭᠡᠷᠡᠵᠣ
ᠭᠠᠯ ᠬᠠᠯᠠᠭᠤᠨᠳᠤ ᠴᠦ᠍ ᠴᠠᠯ ᠬᠦᠢᠳᠡᠨᠳᠤ ᠴᠦ᠍ ᠨᠢᠴᠦᠬᠦᠨ ᠰᠡᠳᠭᠢᠯ ᠵᠢᠨᠷ ᠱᠢᠭᠤᠷᠴᠣ
ᠭᠠᠵᠢ ᠦᠭᠡᠢ ᠣᠷᠴᠢᠯᠠᠩᠤᠨ ᠲᠡᠵᠢ ᠦᠭᠡᠢ ᠠᠭᠤᠵᠢᠮᠳᠤ ᠰᠠᠯᠢᠵᠣ
ᠭᠠᠷ ᠭᠠᠷᠢᠶᠠᠨ ᠬᠦᠳᠣᠯᠦᠯᠴᠡᠭ᠌ᠰᠡᠨ ᠬᠡᠨ ᠨᠢᠭᠡᠨᠲᠠᠢᠪᠠᠨ ᠰᠡᠮᠡᠷᠡᠵᠣ
ᠪᠠᠷᠠᠭᠤᠨ ᠬᠤᠢᠨᠠ ᠨᠠᠷᠠ ᠱᠢᠩᠭᠡᠬᠦ᠌ᠨᠢ ᠱᠢᠩᠭᠡᠳᠡᠭ ᠦᠭᠡᠢ ᠣᠢ ᠰᠠᠨᠠᠮᠵᠢ
ᠪᠠᠭᠠᠠᠴᠠᠪᠠᠨ ᠶᠠᠪᠣᠭᠠᠳ ᠭᠠᠷᠭᠠᠭ᠍ᠰᠠᠨ ᠵᠠᠮ ᠡᠪᠡᠳᠳᠡᠭ ᠦᠭᠡᠢ ᠱᠢᠷᠬᠠ
ᠪᠠᠶᠠᠨ ᠬᠤᠷᠸᠠᠶ᠋ᠢ ᠶᠠᠭ ᠣᠨᠣᠳᠠᠯᠠ ᠱᠢᠨᠵᠢᠬᠦ᠌ᠳᠤ ᠬᠡᠮᠵᠢᠶᠡᠲᠠᠢ ᠯᠠ ᠪᠡᠯᠴᠢᠬᠡᠷ
ᠪᠠᠷᠠᠭ᠍ᠳᠠᠰᠢ ᠦᠭᠡᠢ ᠣᠯᠠᠨ ᠦᠢᠯᠡ ᠭᠠᠭ᠍ᠴᠠ ᠰᠦᠪᠡᠭ᠌ᠴᠢᠳᠤ ᠬᠡᠯᠬᠢᠭ᠌ᠳᠡᠵᠣ ᠁
ᠴᠦᠬᠦᠷᠡᠰᠢ ᠦᠭᠡᠢ ᠬᠤᠯᠠᠶ᠋ᠢᠨ ᠠᠶᠠᠨ ᠨᠢᠭᠡᠨ ᠠᠯᠬᠤᠮᠠᠴᠠ ᠡᠬᠢᠯᠡᠵᠣ
ᠴᠣᠴᠠᠷᠠᠰᠢ ᠦᠭᠡᠢ ᠬᠤᠷᠸᠠᠶ᠋ᠢ ᠡᠯᠡᠬᠡᠬᠦ᠌ᠳᠤ ᠣᠨᠠᠭᠠᠨ ᠨᠣᠳᠤᠭ ᠮᠦᠩᠭᠡᠶ᠋ᠢᠨ ᠣᠶᠠᠭᠠ
ᠲᠠᠭᠠᠬᠢᠲᠠᠢ ᠨᠠᠰᠣ ᠮᠢᠨᠢ ᠦᠨᠢᠶ᠋ᠢᠨ ᠵᠢᠷᠤᠭ ᠡᠪᠬᠡᠳᠡᠭ ᠦᠭᠡᠢ ᠬᠠᠭᠤᠳᠠᠰᠣ
ᠲᠣᠷᠣᠨᠠᠶ᠋ᠢᠨ ᠨᠠᠷᠠᠨ ᠦᠷᠯᠦᠬᠡ ᠦᠷᠯᠦᠬᠡ ᠣᠷᠭᠤᠬᠤᠨᠢ ᠣᠢᠳᠠᠰᠢ ᠦᠭᠡᠢ ᠰᠠᠨᠠᠭᠠ
ᠬᠤᠯᠠᠳᠠᠰᠢ ᠦᠭᠡᠢ ᠪᠠᠷᠢᠯᠳᠤᠯᠭᠠ ᠬᠡᠨ ᠨᠢᠬᠡᠨᠲᠠᠢ ᠬᠠᠨᠢᠰᠣᠨ ᠵᠢᠳᠬᠦᠬᠦᠯᠵᠣ
ᠬᠤᠯᠪᠣᠷᠢᠰᠢ ᠦᠭᠡᠢ ᠣᠷᠴᠢᠯᠠᠩᠤᠨ ᠬᠤᠪᠣᠷᠬᠠᠨ ᠰᠠᠢᠬᠠᠨᠳᠤ ᠱᠢᠳᠣᠵᠣ
ᠬᠤᠷᠠᠲᠠᠢ ᠬᠤᠷᠠ ᠦᠭᠡᠢ ᠴᠦ᠍ ᠬᠤᠷᠸᠠᠳᠤ ᠬᠠᠮᠤᠭᠤᠨ ᠲᠠᠩᠰᠤᠭ ᠬᠠᠢᠷᠠᠪᠠᠷ ᠴᠡᠴᠡᠭ᠌ᠯᠡᠵᠣ
ᠬᠤᠯᠠ ᠴᠦ᠍ ᠣᠢᠷᠠ ᠴᠦ᠍ ᠬᠠᠯᠠᠭᠤᠨ ᠡᠯᠢᠬᠡ ᠮᠦᠩᠭᠡᠶ᠋ᠢᠨ ᠰᠣᠳᠠᠰᠣᠪᠠᠷ ᠨᠠᠢᠯᠡᠯᠳᠣᠵᠣ
ᠬᠠᠭᠠᠨ ᠰᠠᠭᠤᠳᠠᠯᠢᠶᠠᠷ ᠦᠪᠡᠷᠤᠨ ᠬᠡᠰᠡᠨ ᠲᠦᠷᠦ᠍ᠳᠡᠭᠡᠨ ᠰᠠᠭᠠᠳᠡᠵᠣ
ᠬᠠᠳᠣᠨ ᠣᠬᠠᠭᠠᠨᠢᠶᠠᠷ ᠲᠡᠬᠦᠰ ᠲᠡᠬᠦᠯᠳᠡᠷ ᠨᠢᠬᠡᠨ ᠱᠢᠷᠡᠭᠡ ᠵᠠᠰᠠᠵᠣ
ᠬᠠᠷᠠᠩᠭᠤᠢ ᠬᠡᠷᠡᠯ ᠬᠤᠶᠠᠷᠢ ᠭᠠᠭ᠍ᠴᠠ ᠴᠣᠮᠣᠳᠤ ᠰᠠᠪᠠᠯᠠᠴᠢᠬᠠᠭᠠᠳ ᠬᠡᠮᠨᠠᠵᠣ
ᠬᠠᠯᠠᠭᠤᠨ ᠵᠢᠷᠦᠬᠡ ᠪᠠᠨ ᠣᠯᠠᠨ ᠶᠠᠩᠵᠣᠪᠠᠷ ᠬᠡᠰᠡᠭ᠌ᠯᠡᠴᠢᠬᠡᠬᠡᠳ ᠲᠠᠪᠠᠬᠯᠠᠵᠦ ᠁
